【月經失調】月經遲來點算好？從飲食、生活習慣改善月經失調
月經失調症狀
月經失調好常見，其實就係月經週期不穩定、經期長短不一、出血量時多時少。喺正常情況下，月經週期一般為28到35日，經期會持續5到7日左右，如果月經週期短過24日、長過40日或時長時短，或者經期短過3日或長過7日，就係月經失調，仲可能會伴隨經痛。
月經失調原因
1. 身體疾病
月經失調可以係因為唔同的疾病，尤其係生殖系統的疾病，例如子宮肌瘤、子宮頸息肉、子宮或子宮頸感染、子宮內膜增生、子宮內膜癌、子宮頸癌等疾病。這種情況一般發生在更年期後的女性身上，所以女性35歲後最好每年進行一次專業身體檢查，了解自己身體狀況，如果有問題都可以提早發現病因，盡早治療。
2. 女性荷爾蒙失調
月經主要受荷爾蒙控制，而腦部的下丘腦、腦下垂體及卵巢3個器官就會影響到荷爾蒙的分泌，所以荷爾蒙失調可以係因為身體唔同部分出現問題，從而影響到月經。
3. 心理因素
好多女仔都無留意，其實心理壓力都係對月經失調係個很大的影響因素，緊張、工作壓力、轉工、搬屋、考試、失戀等都可以影響到心理健康，精神壓力大就會影響到荷爾蒙分泌，從而影響到period。
4. 過度減肥節食
香港女仔非常追求纖瘦的身體，更會為令自己身型更瘦而過度節食減肥，例如不吃澱粉質、肉類、油份等……長遠會令身體營養不良，可能會影響荷爾蒙分泌，導致月經失調。
月經失調對健康的影響
月經失調除咗會帶來痛經同令你面色蒼白、手腳冰冷外，仲會影響到生殖系統同其他器官，可能會造成貧血、四肢乏力，影響正常生活及休息，長遠來說仲可能會不孕、還可能誘發子宮肌瘤、子宮頸息肉、子宮或子宮頸感染、子宮內膜增生、子宮內膜癌、子宮頸癌等疾病，所以絕對不容忽視。
改善月經失調的營養食物
經期的時候會流失大量血液，所以多食有助身體製造血液的營養食物都可以舒緩月經失調，包括：鐵質、葉酸、維他命B12同鈣質。
1. 鐵質
鐵質對製造血紅素有好大影響，加上女性每月會流失的鐵質比男性多, 所以補充鐵質對女性來說是非常重要的，尤其是常飲茶或咖啡的朋友，因為咖啡因會阻礙鐵質的吸收，所以可以的話就少飲為妙，平時都應該多食含豐富鐵質的食物，例如紅肉（包括鐵元素可以由牛肉、鴨肉、鵝肉、羊肉）、菠菜、芥蘭、莧菜、南瓜等。
2. 葉酸
葉酸可以改善由葉酸缺乏症引起的貧血，製造氨基酸，減少紅血球脹大受損，帶葉的蔬菜大多都含有豐富葉酸，另外動物肝臟、全麥穀類、豆類和雞蛋等都是高葉酸食物。
3. 維他命B12
維他命B12可以防止貧血，同葉酸一樣可以防止令紅血球受損，肝臟、雞蛋、家禽、海鮮中就有大量維他命B12。
4. 鈣質
鈣質可以防止子宮壁肌肉痙攣，舒緩經痛，令子宮內壁容易剝落，排出經血，所以月經失調的女性可以補充足夠鈣質，例如可以由牛奶、乳製品、芝麻、豆製品等中吸收。
月經失調的調理
1. 記錄經期
唔少女仔都唔會好好記錄經期，覺得要來的總會來，但其實好好記錄經期，令自己了解到自己月經週期，才能察覺到異樣，同時應該注意自己的作息時間，盡量保持良好規律的作息。
2. 注意保暖
唔好再要靚唔要命喇！轉季同大風的時候要多注意保暖，少著短裙短褲，其實而家都有唔少又靚又保溫的產品，例如保暖絲襪、保暖內衣等，揀得好就自然又靚又暖，唔會凍親影響血液循環啦。
3. 改善飲食習慣
大家都知period 嚟的時候要避免食生冷食物，例如凍飲、雪糕、魚生等等，其實最好係喺月經前10日左右就開始戒口先最有效啊。
4. 放鬆心情
盡量改善心情，舒緩壓力，例如透過瑜珈、芳香療法、冥想、太極拳等日常運動來調節身心，壓力減輕，月經失調的狀況也會有所減輕。
5. 暖宮
暖宮療程主要目的為排毒、舒緩腰酸背痛及刺激穴位，從而調理紓緩腹部不適、經血少、排走體內寒氣等問題。美容院所提供的療程通常套用了中醫原理，以古方養生之道再配合現代保健科技，以達致暖宮的功效，當中主要有三種療法，包括按摩、傳統溫灸和溫敷。