愛琴海岸 私家樓490呎屯門

一間屋除咗空間規劃同傢俬，燈光其實都一樣唔可以忽略。家居照明除咗可以決定屋企有幾光猛之外，其實對於氣氛營造都非常重要。今次就嚟同大家睇下呢個位於愛琴海岸嘅單位點樣利用滲光效果打造一個木系舒適家居啦！ 一入門口嘅L形收納櫃至客廳嘅電視櫃都用上咗懸空設計，設計師喺櫃嘅底部同頂部加入咗燈槽，望落就更輕盈。而深木傢俬配合埋柔和嘅滲光效果，令成個客飯廳都洋溢住溫暖寫意嘅氛圍。 第一間睡房以純白配淺木作主調，喺充足嘅採光下顯得非常有朝氣。設計師喺衣櫃嘅右手邊採用咗縷空設計，造咗一張小書枱方便房間使用者工作。而主人房床頭嘅牆身就油上咗湖水綠色，令空間簡潔得嚟又唔會沉悶。