山麗苑 居屋385呎粉嶺

今次呢個位於山麗苑嘅單位以淺木同純白作主調，打造出一個簡約純粹嘅無印風家居，令人感動到滿滿嘅愜意同舒服。 客廳位置嘅淺木電視牆用上弧形設計，降低咗壓迫感之餘望落亦更有動感。而一道木條子趟門有隱藏電視櫃嘅作用，可以保持客廳簡潔嘅感覺同增加翻牆身嘅質感。 電視牆對面係單位嘅睡房，設計師同樣用上一道大淺木條子趟門作分隔，同電視牆互相呼應。而為咗提升房間嘅收納量，睡房採用高地台設計，可以放到唔少衫褲同雜物。左手邊亦特意造咗一張長木枱，方便屋主化妝或者工作閱讀。 廚房門改用咗一道玻璃推門，令光線可以由廚房引入大門口位置，彌補咗因為走廊冇窗而導致採光度較低嘅不足。廚房用色延續全屋淺色系設計，以白色彷石紋牆身搭配淺木色廚櫃，美觀實用兼備。