【搬屋Pack箱】搬屋Pack嘢好頭痛?五大超實用搬屋執嘢技巧 !

更新於2021年07月09日

搬屋執嘢好頭痛?餐具碗碟、易碎品究竟要點樣 Pack箱 ?搬屋紙箱應該點分配?衣櫃組合床可以點分拆同組裝?點樣同搬屋公司交代新傢俬擺邊?搬屋Pack箱 、 包裝雜物其實無你諗到咁難嘅!雖然搬屋前準備功夫有好多,不過只要你識得五大搬屋執嘢技巧 ,三兩下手勢就可以KO曬!Toby 今次就邀請到東亞搬運同我哋分享下搬屋貼士 ,等大家個個都變成 Pack嘢達人 !

搬電視 、 雜物 — 搬屋紙箱 未必需要

大家搬屋收拾嘅時候,習慣會將全屋嘅嘢塞曬落紙箱,但有啲電器、大型雜物其實係唔需要Pack箱!

如果係 Plasma 或 LCD電視機,只要喺搬屋前預先拔除所有電綫,師傅就會幫你用紙皮包裝,最後放喺搬屋膠箱 、搬屋紙箱箱頂。其他電器都係一樣嘅道理,唯獨是要記得將拔除的電綫,捲好、用膠紙黏好之後 Pack箱 ,以免遺漏。

大型雜物都一樣唔駛用搬屋紙箱。你只需要將佢地放埋一邊,用紅白藍袋或其它方法裝好,師傅就會用雜物車搬走。不過小型喇叭就需要用到紙箱啦,記得要先用氣泡紙包裝好先入箱,避免被其它雜物砸壞。

廚具、易碎餐具 — 泡泡紙 密實包裝

碗碗碟碟點Pack好? 搬屋Pack箱 最驚就係易碎品,你可以用氣泡紙減低搬運過程中砸碎嘅機會!搬運公司一般都會提供泡泡紙,不過東亞搬屋公司就會特別提供專用碟架、墊底棉、碗袋、 杯袋、調味架等俾你,包裝好易碎嘅厨房用具先放入紙箱。

至於廚房大部分器具,搬屋公司都有專用嘅紙皮用具盛載,你只需要係搬屋嘅時候向搬屋公司索取就可以。而大型煮食用具,譬如煲、鑊等器具就可以喺搬屋當日先再放入大紙箱。

至於雪櫃裏面嘅嘢就唔駛全部入箱,只係執好生果格對上三、四層就可以,櫃門、冰格、生果格嘅食物唔需要特別處理,成個雪櫃直接Pack走就可以。

搬屋紙箱 — 記得用貼紙做好分類

執屋執到一半,成間屋都放滿一式一樣嘅紙箱,連自己都未必認得,更何況係搬屋公司。 專業嘅搬運公司會提供專用嘅貼紙俾你做標籤、分類,到 Unpack 執嘢嘅時候就唔洗又大頭痛啦!如果你聘用嘅搬屋公司無提供嘅話,你都可以用 Marker筆寫係紙箱表面,方便自己辨認。

東亞搬運公司嘅分類貼紙分爲「廳」、「厠所」、「房」三類,方便你俾搬運師傅知道每個紙箱應該放邊度。注意貼紙要貼喺箱面正上方,唔好貼側面,因爲紙箱一叠起就有機會遮住架啦。

另外, 部分公司會提供「物件到達新居後確認單」,即係我哋俗稱嘅搬屋Checklist ,同相應嘅號數貼紙方便你mark箱,減少唔見嘢嘅機會。到達新居後,你可以要求師傅幫手核對每個號數嘅物件係咪全部安全到達。

仲有一個省卻搬運時間嘅貼士,就係將Pack好嘅紙箱放埋一齊。由於師傅一般會搬左紙箱、膠袋先,如果將佢地放埋一齊,就可以省卻師傅逐間房揾嘅時間啦。

床頭櫃、鞋櫃、書櫃點執? — 必知搬屋貼士

搬屋Pack嘢好多人以爲一定要清曬櫃裏面所有嘢出黎,但其實唔一定!細櫃裏面嘅嘢唔駛全部拎出黎,好似床頭櫃、鞋櫃、五桶櫃衣櫃等都可以唔駛清,直接成個Pack走。

但高於 6尺嘅櫃,譬如書櫃、地櫃、衣櫃等,因爲上到貨van 要打側放,以免裡面嘅物品傾倒而出,所以要清理左先。最好喺搬運前同搬運公司查詢貨櫃尺寸,了解規格係點樣先再作安排。

另外,如果搬去某啲唐樓、村屋、複式單位或者有樓梯嘅單位,就要將櫃裏面嘅物品入箱,以免在上下樓梯搬運過程中傾倒當中物品。

清理傢俬垃圾 — 切記清晰標識

搬運當日, 搬運工人未必個個都有一份搬屋Checklist 對住,未必清楚邊啲傢俬要搬上貨車、邊啲係唔要,所以你可以善用「垃圾」同「留低」貼紙貼喺傢俬上面,或者直接用 Marker筆標記,咁就唔怕撈亂啦。另外,更加直接嘅就係,放係另一邊,以免混淆。

Toby 專業搬運服務

唔知上面嘅搬屋Pack箱貼士有無幫到你呢?其實想要成個搬運過程,順心又放心,最緊要嘅都係選擇一間專業又可靠嘅搬運公司!Toby 專業搬運服務得到用家一致好評,細心關顧你的需要,助你輕鬆完成整個搬運過程,唔需要再因為搬屋而覺得麻煩。想搵一間心儀嘅搬運公司?Toby 幫到你!

服務評價

5.0
(1629)
John
5.0
2021年08月01日

態度好,價格漂亮

Elsa
5.0
2021年07月29日

搬屋的師傅細心得來又快手(^_^)! 服務態度良好。

Miss Leung
5.0
2021年07月28日

做事有交帶,準時可靠,動作迅速,收費公道,值得推薦