【豎琴課程】豎琴難學？學豎琴要留意的四件事！

豎琴有咩類型？

主流嘅豎琴（Harp）主要分為——腳踏式豎琴和愛爾蘭式豎琴。腳踏式豎琴嘅弦線數目比較多，通常有40至47條弦線，一般170至190厘米高，以踏腳踏嘅型式改變調性。愛爾蘭式豎琴嘅弦線則比較少，通常只有20至40條，而且最高只得160厘米高，以手動方底改變調性。

豎琴體積比起其他樂器比較龐大， 而且買豎琴需要有一定嘅預算，針對呢兩點，初學豎琴嘅人士通常會購買小豎琴 ，一來價錢較低，二來體積細、比較輕便。

豎琴同其他樂器有咩分別？

同小提琴和大提琴一樣，豎琴係一種弦樂器，但同用弓拉嘅提琴唔同嘅係，豎琴靠手去撥弦。同提琴、結他等弦樂器相比起來，豎琴嘅音域比較廣，可以演奏更多唔同類型嘅樂曲。豎琴琴譜同鋼琴一樣都係用五線譜 ，如果你本身已經有一定的樂譜功底、演奏其他樂器嘅經驗，學豎琴就會比較有優勢，因為比較快上手樂曲演繹節奏。

學豎琴邊間好？

同其他樂器一樣， 豎琴課程大多以英國皇家音樂學院或者聖三一音樂學院嘅考試內容為教學藍本。豎琴課程時間長度按級數而定，一般大約 30至60分鐘不等。級數愈高，時間愈長。一個好嘅豎琴老師除咗會教學生演繹樂曲外，仲會教豎琴理論、樂理知識、豎琴保養、節奏感訓練和編曲等等。一般初學者會先學愛爾蘭式豎琴，當有一定經驗後先會用腳踏式豎琴。

學豎琴費用要幾多？

學豎琴費用主要可以分為三部份：學費、買豎琴費用、考試費用。

由於香港比較少有合資歷資格嘅豎琴導師 ，因為市場供不應求，學費相對其他主流樂器，自然會比較貴。一般初級至二級嘅學費大約係 $270至$400；三級至五級大約係 $400至$550；六級以上嘅豎琴課程大多都要 $600至$700。當然如果預算有限，可以選擇 工聯會豎琴課程 ，一堂大約 $150，全期一共十二堂。

至於豎琴嘅價錢，兩種豎琴嘅價錢亦各有不同。愛爾蘭式豎琴比較實惠，一般只要萬幾蚊已經有交易，最平嘅豎琴只需幾千蚊。至於比較多琴弦嘅腳踏式豎琴 ，入門最少已經要幾萬蚊，品質好嘅分分鐘要過十萬蚊。由於唔係所有學生都有能力負擔得起整部豎琴嘅價錢，所有亦有唔少音樂學校有租豎琴嘅服務，每月只需要數百蚊。另外你可以考慮買二手豎琴，唯獨需要認真檢查豎琴的狀況。

至於學生最重視嘅豎琴考試，英國皇家音樂學院考試費逐級而上，一級需要 $1150，最高八級需要 $2530。

想報讀豎琴課程？搵Toby 幫手啦

如果你想學豎琴，除了了解以上基本豎琴知識之外，也可以報讀專業的豎琴課程，由導師親自指導，教你正確學職豎琴彈奏技巧及考試內容，幫助你輕鬆演奏彈好豎琴。Toby 一站式平台幫到你，只需簡單回答幾條問題，就可以找到適合你的豎琴課程，或者豎琴導師，立即上Toby 了解更多啦！