【健身健心】嚴選10大最佳健身App推薦

更新於2023年01月06日

現代人生活節奏忙碌,缺少時間運動健身,好容易就會積聚脂肪。喺工餘時間自然就會想健身、 減肥、瘦身,順便保持身體健康、減壓。想操Fit自己,不過無足夠時間搵 私人健身教練,參加健身課程 ?其實你可以用智能手機上嘅健身App ,隨時隨地 做Gym減肥 !市面上 健身App 種類繁多,究竟邊個最好? HelloToby 特別搵咗其中十個 iOS健身App 推介俾你!

快速瀏覽

1)Fitness Buddy — 健身飲食同時兼顧

Fitness Buddy 針對用家唔同方面嘅減肥需要,提供相對應嘅健身動作同埋飲食餐單。除咗靠 運動減肥 之外,結合飲食,雙管齊下,協助你達到健身目的。健身動作 方面,App 裡面提供身體唔同部位嘅健身動作,任君選擇。至於食療方面, Fitness Buddy 有唔同嘅 減肥食譜 、 減肥餐單 ,你可以視乎口味進行決定。

2)Workout — 度身定做減肥運動計劃

Workout 嘅主頁會提示用家當月健身嘅情況,可以隨時督促用家,防止你偷懶!另外,呢個 健身App 都有唔同類型嘅 健身計劃 ,針對唔同嘅健身目的、局部肌肉鍛煉!如果你對 TRX 、 健身器材 、 健身動作 無認識,可以參考呢個 App 入面嘅健身姿勢教學,學好基礎動作!

3)Nike Training — 互動健身

顧名思義,呢個健身App係由運動品牌 Nike 開發。呢個健身App提供唔同系列嘅健身目標,包括跟隨球星C朗拿度嘅健身計劃。此外, Nike Training 目標係打造成一個健身平台,你可以係度了解其他人嘅運動健身狀況、進度,相互切磋鼓勵。

4)Nike+Run Club — 陪你輕鬆跑步減肥

呢個健身App同樣係由 Nike 研發,不過特別嘅係,呢個 App 係專門記錄用家跑步狀況。只要開咗定位功能, Nike+Run Club App 就可以幫你記錄你跑步嘅地方、時間、速度、心跳等等資料。同 Nike Training 一樣,用家可以隨時同其他用戶比較跑步情況,達到挑戰目標嘅用家更加有機會榮登龍虎榜。

5)MyFitnessPal — 提供確實 新手健身計劃

MyFitnessPal 由另一間運動品牌 Under Armour 開發。這個 手機App 會針對你嘅減肥目標,明確指出用家每日要可以吸收以及要減去多少卡路里。此外,用家可以輸入當日進食嘅食物、進行運動強度,通過系統分析可以實在地話俾用家知,之後點樣安排運動以及飲食,減肥先會成功。

6)7M Workout — 幫你輕鬆家中健身

有名你叫 7M Workout ,呢個健身App 就係專門提供一啲可以喺短時間7分鐘內完成嘅健身動作。滿足工作忙碌嘅人士,只需要抽少少時間就可以健身。用家可以輕鬆跟住個短片做動作,一步一步跟住做,達到健身效果!

7) 7M Women — 針對女士需要嘅減肥App

7M Women 係 7M Workout 嘅姊妹作,不過針對嘅係女性,協助工作繁忙嘅都市女士,喺百忙之中抽空 做gym 。由於定位係女性,所以呢個App包含更多軟性運動,例如訓練身體線條、修身等等。同 7M Workout 一樣, 7M Women 包含嘅健身動作都係有短片顯示,方便用家學習。

8)Fitness — 清楚易明嘅健身教學

Fitness 內有唔少健身動作俾用家參考,為咗令用家更加清楚, Fitness 包括了詳細健身動作介紹影片。同時,呢個健身App亦提供唔少方法教大家 減肥 ,包括 飲水減肥 等等。 Fitness 不時會提供 減肥tips ,對於有減肥需要嘅你,可以了解一下有關心得!

9)Seven — 一站式健身動作分析

同其他健身App一樣, Seven 針對唔同用家嘅健身需要會推介唔同健身姿勢。但 Seven 會分析唔同嘅動作,展示該動作嘅強度、有氧程度等等,用家同樣可以按自己嘅需要做邊啲 健身動作 。

10)Keep — 應付減肥需要嘅全能健身App

Keep 提供唔同方面嘅運動 減肥計劃 ,包括 健身 、 跑步 、 瑜伽 、 行走 等等,滿足唔同運動需要嘅用家。同時, Keep 都有提供唔少運動經驗分享文章俾用家,豐富用家嘅健身減肥知識。

想健身?Toby 幫到你!

唔知你有無搵到合適自己嘅健身App呢?希望上面精選嘅10個健身App可以幫到你啦!上述嘅App都非常簡單易用,但要持之以恆就考驗大家的毅力了。如果自問毅力不足,不妨上Toby 一站式平台尋找專業健身教練,讓他們在減肥路上陪伴你,支持你。

只需3步,物色全港最佳健身及運動課程

更多健身資訊