夏日炎炎最適合就係去 游水 ，同陽光玩遊戲啦。怕沙灘或者 泳池 太多人？想搵個設備齊全、交通方便嘅 公眾游泳池？等 HelloToby 為你推介 康文署 轄下嘅香港 10大 游泳池 同 介紹 公眾泳池收費 啦！想去 好玩游泳池 、 鍾意 「瀡」滑水梯 嘅你，就唔好錯過喇！
1） 香港 10大好玩 游泳池
1） 斧山道游泳池 — 親子嬉水池
斧山道游泳池位於黃大仙，設有豐富嘅水上樂園設施。泳池設有室內池、室外池同嬉水池。泳池嘅戶外水池環境寬敞，但假日都會有相對多人去玩，建議大家避開週末等熱門時間先去游泳池。
夏季開放時間：上午6時30分至晚上10時 (暫停開放時段：中午12時至下午1時及下午5時至6時) 逢星期一休息
地址：黃大仙龍翔道30號
推薦指數：★★★★
相關閱讀：【 夏日好去處 】10大必去靚景 沙灘 ！香港沙灘推薦 2018
2） 堅尼地城游泳池 — 香港室內游泳池 精選
堅尼地城游泳池嘅外觀呈三角形，設計獨特。泳池設有室內暖水池，並採用能天然集光嘅特大玻璃窗，透光度高。冬天嘅時候泳客固然可以喺室內暢泳，喺夏天泳客亦可以由室外泳池，眺望維多利亞港嘅美景，舒服度十足。
夏季開放時間：上午6時30分至晚上10時 (暫停開放時段：中午12時至下午1時及下午5時至6時) 逢星期三休息
地址：香港堅尼地城西祥街北2號
推薦指數：★★★★
3） 大環山游泳池 — 無敵維港大海景
位處紅磡海濱嘅大環山游泳池環境寬敞，人流較少。如果假日想去游下水又唔想同人逼，呢度就係你嘅最佳選擇。泳池正面向鯉魚門，泳客可以遠眺維多利亞海景，輕輕鬆鬆享受下暢泳嘅樂趣。
夏季開放時間：上午6時30分至晚上10時 (暫停開放時段：中午12時至下午1時及下午5時至6時) 逢星期四休息
地址：九龍紅磡環海街7號
推薦指數：★★★★
心郁郁想學游水？即刻望下 HelloToby 為你推介嘅游泳教練同游泳班！
4） 中山紀念公園游泳池 — 落地玻璃設計嘅 室內泳池
中山紀念公園游泳池 位於西營盤，佔地 5千平方米，地方寬闊舒適，平時人流比其他泳池較少。住喺港島嘅泳客如果想喺舒服嘅環境游水，中山公園泳池都係一個唔錯嘅選擇。呢度間中亦會舉辦水運會同區際游泳比賽，可見環境優越，深受各方歡迎。
夏季開放時間：上午6時30分至晚上10時 (暫停開放時段：中午12時至下午1時及下午5時至6時) 逢星期二休息
地址：香港西營盤東邊街北16號
推薦指數：★★★
5） 馬鞍山游泳池 — 游泳池滑梯 之最
馬鞍山游泳池 設有4條水上滑梯，一向都深受市民歡迎。想追求刺激水上玩意嘅各位，暑假一定要抽時間黎馬鞍山游泳池玩下啦。呢度嘅滑梯高達 9米，不但係全港咁多個游泳池入面最高嘅，仲係全港速度最快嘅 滑水梯。嬉水池就有設計可愛嘅噴水池和小型滑梯，適合年紀較細嘅小朋友玩。
夏季開放時間：上午6時30分至晚上10時 (暫停開放時段：中午12時至下午1時及下午6時30分至7時30分) 逢星期二休息
地址：馬鞍山鞍駿街33號
推薦指數：★★★★★
6） 城門谷游泳池 — 冬天游暖水 室內游泳池
城門谷游泳池，以前又叫 城門谷綜合泳館，位於荃灣，除左主池、訓練池同嬉水池之外仲設有滑水梯，滑梯以分層設計，夠晒特別又安全，絕對適合一家大細共度美好時光。除咗平時人流唔算多，城門谷泳池亦設有更係出咗名乾淨，係輕鬆暢泳嘅不二之選。
夏季開放時間：上午6時30分至晚上10時 (暫停開放時段：中午12時至下午1時及下午6時30分至7時30分) 逢星期一休息
地址：荃灣城門道21號
推薦指數：★★★
想去游泳池玩但唔識游水？唔緊要，立即睇下2018最新游泳班嘅價錢攻略啦！
7） 天水圍游泳池 — 泳池餐廳 啱醫肚
泳池位於天水圍市中心，以其 3條 8米高戶外滑水梯聞名，經常吸引好多人特登入黎玩。追求刺激嘅大人細路，係時候去發掘呢個咁好玩嘅泳池啦！泳池仲設有家庭更衣室同餐廳，適合一家大細游完水後直接開餐！不過謹記天水圍有兩個泳池，有滑水梯呢個係天水圍天柏路，唔好去錯啊！
夏季開放時間：上午6時30分至晚上10時 (暫停開放時段：中午12時至下午1時及下午6時30分至7時30分) 逢星期四休息
地址：天水圍天柏路1號
推薦指數：★★★★★
8） 將軍澳游泳池 — 於 公眾游泳池 一嘗跳水滋味
將軍澳游泳池 共有 4條滑水梯，有兩種高度選擇，較高嘅滑梯高6.25米，適合想挑戰膽量嘅朋友，較矮嘅滑水梯就高3.65米，適合初試者一試牛刀。除左普通主池之外，游泳池仲有一般 公共泳池 少有嘅跳水池，能滿足唔同泳客嘅需要。
夏季開放時間：上午6時30分至晚上10時 (暫停開放時段：中午12時至下午1時及下午6時30分至7時30分) 逢星期一休息
地址：將軍澳運隆路9號
推薦指數：★★★★
9） 大埔游泳池 — 半透明滑水梯 新式「瀡」滑水梯經驗
大埔游泳池有成6條滑水梯，最啱一家大細夏天齊齊去玩，唔洗驚同人逼。唔好猶疑啦，快d帶埋小朋友或者同朋友一齊黎享受暢泳嘅樂趣啦！
夏季開放時間：上午6時30分至晚上10時 (暫停開放時段：中午12時至下午1時及下午6時30分至7時30分) 逢星期一休息
地址：大埔汀太路11號
推薦指數：★★★★
10） 上水游泳池 — 兒童嬉水天地
上水游泳池具備多款水上設施，可謂小朋友嘅水上樂園天堂，唔只有夠快、夠刺激嘅滑水梯，更有造型可愛嘅噴水傘同按摩池。如果屋企有小朋友嘅話，就最啱帶埋佢地一齊去玩啦。
夏季開放時間：上午6時30分至晚上10時 (暫停開放時段：中午12時至下午1時及下午6時30分至7時30分) 逢星期四休息
地址：上水天平路38號
推薦指數：★★★
2） 公眾游泳池收費
一般 泳池收費 以每節計，而市民可以購買 泳池月票，以 $300元 公眾游泳池月費，一個月內，於游泳池開放予公眾的時段內，無限次使用（ 年滿60歲長者、3至13歲兒童、全日制學生，以及殘疾人士和一名陪同者可獲半費優惠）。
| 入場費
（每節） |
星期一至五 （公眾假期除外） |
星期六、日及公眾假期 | 適用於： |
| 一般收費 | 每位 $17 | 每位 $19 | 本欄下方所述人士以外的人士 |
| 優惠收費 | 每位 $8 | 每位 $8 | 年滿60歲長者、3-13歲兒童、全日制學生、殘疾人士和1名陪同者 |
| 免費 | 免費 | 免費 | 3歲以下 |
以上收費以康文署最終收費為準，讀者可參閱由康文署由提供的 公眾游泳池入場費。
驚游完水馬上變黑？唔緊要，即上 HelloToby 平台搵合適的 美白專家 幫你 美白 番啦！想學埋其他水上運動例如 划船 、 滑水， 甚至係 潛水？我地亦已經幫你準備好！
你本身都係游泳教練？可以上 HelloToby 免費登記做專家！
——
相關閱讀：【 游泳班 開鑼】搵教練 學游水 6大須知（ 兒童泳班 + 成人泳班 ）
緊貼HelloToby Blog同Facebook Page，隨時搵HelloToby幫手！
