講到用護膚油保養皮膚，大眾反應都係普普通通，尤其是皮膚偏油嘅女生甚至對護膚油避之則吉，總係覺得油類保養產品會堵塞毛孔，引起暗粒、加劇出油等問題。其實護膚油對於解決皮膚乾燥問題嘅功效都係十分顯著，因為單純補水只能夠為皮膚帶來短暫嘅濕潤，深層嘅滋養就要靠補充油分，所以係乾燥嘅秋冬，護膚油就係最適合不過嘅護膚品。市面上有好多護膚油推介，想知點樣使用護膚油會效果最好？想做好美容護膚？今次Toby同大家一齊分析下各種天然護膚油嘅功效，打破一直以嚟對護膚油嘅迷思啦！
玫瑰果油
玫瑰果油含有豐富嘅維他命C同更新皮膚細胞所需嘅成分，可以美白肌膚。促進皮膚新陳代謝，對於解決暗瘡印、暗沉同色素沉澱等問題都係非常有效。另外，玫瑰果油中含有大量植物性膠原蛋白，能夠有效滲透皮下組織，回復皮膚彈性，適合乾燥肌膚使用。
HelloToby 精選休閒娛樂優惠
甜杏仁油
甜杏仁油係咁多種天然護膚油之中，質地最清爽、最唔油膩嘅護膚油，因為甜杏仁油能夠與任何植物油互相調和，所以亦係最廣泛使用嘅護膚油。甜杏仁油中含有豐富維他命A、B1、B2、E及脂肪酸，有效抗衰老、抗氧化，適合乾燥敏感肌使用。
葡萄籽油
葡萄籽油含有豐富維生素F、礦物質同葉綠素，除咗能夠增強皮膚鎖水能力之外，可以預防濕疹同暗瘡嘅形成。葡萄籽油亦有良好嘅滲透力，容易被皮膚吸收，尤其適合油性同暗瘡皮膚。
HelloToby 精選休閒娛樂優惠
荷荷巴油
荷荷巴油同人體皮脂組織分子相似，係咁多種護膚油之中滲透性最強，當中含有大量膠原蛋白質，可以保持皮膚水油平衡，調理油脂分泌，收縮毛孔，有效改善油性皮膚，適合為油性、缺水、暗瘡性皮膚保濕。
迷思 1) 護膚油越用越油？
油肌女生都怕用護膚油會加重皮膚出油情況，繼而誘發暗瘡、粉刺等問題。其實係乾燥天氣下，皮膚會因此變得乾旱，而自行分泌油脂，但係用護膚油保養好皮膚後，就可以解決皮膚出油嘅問題。
迷思2) 長期使用護膚油會形成油脂粒？
油脂粒嘅形成大部分都條因爲毛孔堵塞而形成，使用質地過於厚重嘅面霜，反而會令皮膚難以吸收，繼而堵塞毛孔。其實只要係護膚程序當中加入按摩，就算使用油類產品都唔驚皮膚吸收唔到。
迷思3) 如何使用效果最佳？
使用份量要適中，大概2-3滴其實已經足夠，將護膚油滴係手心搓揉，加熱護膚油，有助護膚油更容易被皮膚吸收。乾肌女生甚至可以在日間護膚程序中使用護膚油，可以係搽完爽膚水後，精華及面霜前使用。另外，護膚油亦可以配合底妝使用，可以令粉底更加貼合肌膚，避免浮粉等情況。
———
想做facial？
想一次過解決肌膚煩惱？要做好美容護膚，最有效就一定係去美容院，問下專業美容師嘅意見啦！Toby而家同全港多間美容院合作，推出全新美容院指南，仲有好多唔同嘅優惠套餐，仲唔快啲約埋幾個朋友一齊relax下做facial啦！
↓↓立即查看更多優惠↓↓
HelloToby最新美容按摩、Party Room優惠
———
延伸閱讀：【全港Salon指南】剪舊迎新大派對
延伸閱讀：【2019Pantone代表色】「活珊瑚橘」妝容髮色配搭懶人包
緊貼HelloToby Blog同Facebook Page，隨時搵 #AskToby 幫手！
