就嚟到聖誕， 約埋成班friend 出嚟gathering係指定動作㗎啦，但係你知香港作為蒲精嘅聖地，有咁多間唔同主題嘅酒吧，想搵間又有得飲又有得玩，同時又啱一大班friend去嘅真係唔簡單。Toby今次為大家精心挑選咗 4間啱哂喺Christmas約埋朋友Re-U嘅酒吧，除咗飲得又玩得之外，仲有特色室內設計，用嚟影相post IG打卡就最啱啦！
作為搞手嘅你，唔使再煩惱去邊到gathering啦，呢度咁多間酒吧，一定會揀到一間啱你心水嘅！
1）蘭桂坊露天酒吧－VICE
想搵間靜少少嘅酒吧，同朋友傾吓計，catch-up下，VICE絕對係一個好選擇。
如果同行有女性朋友，就一定要試吓VICE嘅signature drink —楊貴妃，呢杯荔枝味嘅cocktail 味道清甜容易入口，試過嘅人都極力推介㗎！
蘭桂坊少見嘅露天酒吧，加上特別調製嘅cocktail，仲有味道濃厚嘅shisha，呢個combo用嚟解放一整年累積嘅壓力，同一班好朋友chill吓，為呢一年畫上一個完美嘅句號就最好不過啦！
2）諾士佛臺睇得又食得酒吧推介－Assembly
一次成功嘅gathering，除咗到場朋友同埋飲品好重要之外，食物都係不可或缺嘅一環。呢間位於尖沙咀諾士佛臺嘅Assembly， 作為ReU場地就一定唔會令人失望啦！
由最standard嘅下酒菜如薯條、雞翼，到豬仔骨、蜆肉意粉，都可以係Assembly搵到。呢度嘅cocktail亦係水準之作，嚟到當然要試吓佢哋嘅創意調酒Bacon Whiskey Sour，加入檸檬汁、蛋白，再係飲品表面放上注入咗whiskey嘅煙肉，鍾意試新嘢嘅你就一定唔可以錯過啦！
帶有英倫復古風味道嘅裝修，啱哂用嚟影相打卡PO IG。如果可以令成班朋友留底一個memorable嘅印象 ，咁搞手下次再約gathering就唔洗約得咁辛苦啦！
【全新香港酒吧指南優惠】你留評價，我送Shot！
HelloToby請你飲酒
3）尖沙咀電競酒吧－The Ring
睇人玩電競就睇得多啦，有冇諗過自己都落場打埋一份呢？The Ring係一間以電競為主題嘅酒吧，每個月都會舉行唔同嘅電競比賽，有得玩又有得飲。
除咗有普通嘅娛樂設施如飛標機、Beer Pong之外，The Ring仲有提供Switch嘅最新遊戲比大家試玩。如果朋友之中有電競高手，不妨買杯飲品比佢免費落場，一展身手！
呢度嘅cocktail同酒吧一樣都好有創意㗎，佢哋嘅signature drink－八陣圖同若般菠蘿蜜唔單止造型特別，味道亦都好有層次，十分有趣！有得玩有得食又有得飲，成班朋友一齊去gathering就一定唔怕悶啦！
4）尖沙咀地中海風餐廳酒吧－Zööba Bar & Grill
食西餐、日本菜、韓國菜食到悶悶地，想試新嘢但係又冇idea？有冇諗過試吓地中海菜呢？
Zööba 係香港少有主打埃及菜式嘅酒吧餐廳，非常地道嘅中東風室內裝潢，好似真係去咗埃及local嘅餐廳咁。
十分正宗嘅埃及菜，加埋特別調製嘅cocktail，係呢度同成班朋友裝飾點綴一年嘅完結就最perfect啦！
想搵更多香港酒吧？上HelloToby酒吧指南啦！
全新香港酒吧指南
全新香港酒吧指南優惠－你留評價，我送Shot！
想叫埋深潛個啲friend上水一齊出嚟gathering？咁就記得話比佢哋知我地今期嘅獨家優惠，引佢哋蒲頭啦！
由今日開始，只要喺任何一間有參與呢次推廣活動嘅酒吧購買最少一杯酒精飲品，再喺我哋嘅酒吧指南為該酒吧留底個評價，就可以免費獲得一個shot啦！
一人一杯Shot，最啱成班friend玩酒game之前熱吓身！
優惠詳情可以參考：【全新香港酒吧指南優惠】你留評價，我送Shot！
——
延伸閱讀：【2018年尾必去酒吧】潮玩潮食多國菜 ，打卡Cocktail樣樣齊！
緊貼HelloToby Blog同Facebook Page，隨時搵HelloToby幫手！
