【2018年尾必去酒吧】潮玩潮食多國菜 ,打卡Cocktail樣樣齊!

香港酒吧介紹 X 獨家酒吧優惠

嚟到年尾又接近聖誕,唔知你覺唔覺得特別有Party Mood?辛苦咗成年,係時候同班Friend Happy Gathering啦!Gathering最好不過就係去酒吧摸摸杯底談談心,不過香港咁多酒吧,要搵間啱心水嘅一啲都唔易。所以今次Toby就精選咗9間特色酒吧,分為3大主題為你介紹,佢哋不但各有特色,更係全部位於是中環、尖沙咀等酒吧集中地~總有一間啱你心水!(溫馨提示:仲有獨家優惠,送你Free Shot!)

 

「潮玩特色雞尾酒」

中環特色酒吧-Little Lab Central -實驗性Cocktail

littlelab

喺中環蘇豪區有一間實驗室Cocktail酒吧,令人流連忘返。

佢哋主打嘅唔係一般cocktail,而係全部都標示為實驗性質嘅實驗品雞尾酒。

所有Cocktail嘅inspiration都係嚟自本土文化,調酒師希望做到中西文化合壁,令cocktail跳出傳統框架,大玩創新口味。

就好似”Ginseng in Black”咁,調酒師將普洱茶香混入「陳釀蘭姆酒」,再加入香港人補身補氣嘅食材,例如人參、菊花等嘅新穎元素,味道實在係令人驚喜連連!

 

諾士佛臺酒吧推介-SHOWTIME SPORTS BAR -任玩任食運動酒吧

showtime sports bar

Show Time Sports Bar主打嘅 Cocktail充滿Gimmick,例如有用中國風花樽嘅China Blue同用夏威夷木雕嘅Hula Hoop。除咗樽身有心思之外,酒嘅味道亦非常出色,每一啖都會Feel到好香嘅水果味,加上酒味唔太濃,清甜且容易入口,啱曬又想打卡又想chill嘅朋友仔!

如果淨係飲嘢覺得有啲無聊,場內更加有桌球、飛鏢機、Slap cup,  Shisha,  Beer Pong等流行玩意俾大家打發時間,啱哂一班男士們!餓嘅時候仲有唔同嘅日式串燒俾你送酒,實行玩到又飽又唔捨得走啊!

 

【全新香港酒吧指南優惠】你留評價,我送Shot!
HelloToby請你飲酒

 

中環地道酒吧-何蘭正-香港風味的本土品牌

何蘭正

聽就聽過「獅子山下」啦,但係飲又試過未呢?何蘭正係一間充滿著香港本土特色嘅主題酒吧。除咗有街知巷聞嘅打卡熱點「鬼佬涼茶」霓虹燈之外,更有引人入勝嘅主打特色手工啤酒。

Menu唔單單有以香港情懷命名嘅「紅唇烈焰」、「南丫島」手工啤酒,仲有主廚融合咗港式元素嘅Fusion菜,當中最有特色嘅係玩味十足嘅Tiramisu Beer,Tiramisu嘅鮮甜配上啤酒嘅苦澀,令人一試難忘!

 

「另類風格打卡勝地」

尖沙咀餐廳酒吧-ZOOBA - 奇幻歷險風格埃及餐廳

zooba

諗住同一班好朋友搵間靚靚嘅餐廳打卡,但係又唔想去啲俾人「去到爛」嘅熱門地點?

如果大家鐘意波希米亞Style,就一定要試吓位於尖沙嘴赫德道嘅埃及餐廳ZOOBA啦。

ZOOBA由招牌設計到磚頭牆身都富有濃厚嘅中東特色,店內每一張木製嘅高檯上面都印有埃及風嘅油畫,配搭柔和嘅復古吊燈,火火紅紅嘅環境,令人感覺好似置身於迪士尼嘅探險世界一樣咁奇幻。

總括嚟講,成間餐廳都好有格調,每一個Corner都可以成為打卡位!打完卡之後,仲可以叫埋正宗嘅埃及菜,再加上一杯特別調製嘅Cocktail慢慢品嚐,咁就Perfect啦!

 

尖沙咀酒吧推薦-THE RING - 主打新興電競文化餐廳

the ring

IG Post到無嘢好Post,不如試下開Live直播人哋玩電競啦!喺尖沙嘴嘅THE RING就係一間以電競做主題嘅酒吧餐廳,佢哋會不定期舉辦電競比賽,既有酒飲,又有game玩,仲有機會嬴到豐富獎金添!

除咗普通嘅娛樂設施,佢哋仲提供埋Switch最新嘅遊戲俾大家嚐嚐鮮,如果想參加比賽,只要購買一杯飲品就可以免費入場㗎啦!

影完,玩完,係時候醫醫肚啦~餐廳有唔少特色fusion菜,當中梗係唔少得好多盞鬼嘅signature cocktail啦,其中「八陣圖」同「若般菠蘿物」最為特別,作為KOL嘅你哋仲唔快啲去打個靚卡?

 

中環酒吧推薦-STUDIO CLUB - 中環Hidden Gem

Studio Club

想搵啲又有情調又Classy嘅地方去放鬆同打卡?大家不妨可以去位於中環區嘅STUDIO CLUB。

STUDIO CLUB嘅格局雖少,但係裝修得非常有格調。餐廳最具特色嘅就係每一晚7:30就會有Live Jazz Performance,坐喺高檯度聽住樂隊嘅演奏,Cozy得嚟又唔會擾人。如果有心儀嘅歌曲更加可以同樂隊唱點架!

試諗下Jazz Music緩緩響起,幾個朋友Share一碟Appetizer,再加上一杯清甜可口嘅Classic Cocktail…餐廳牆上一條條橙紅色霓紅燈管,凝造昏暗嘅環境配合Chilling嘅音樂,實在令人如痴如醉!

 

想搵更多香港酒吧?上HelloToby酒吧指南啦!
全新香港酒吧指南

 

「趣怪個性FUSION酒吧」

諾士佛臺酒吧推薦-Gulu Gulu- 盞鬼日式酒吧

Gulu Gulu

Gin酒送串燒冷烏冬你又試過未?GULUGULU嘅菜式有別於普通酒吧嘅薯條雞翼,佢哋主打唔同嘅串燒套餐,仲有蕎麥麵、雞泡魚干、燒飯團鰻魚等日式小食。

酒吧裡面裝修風格獨特,帶點現代藝術風氣,Bar台位置有著大大個「咕嚕」霓虹燈牌,映襯著後面超過20種GIN酒,閃閃生輝。

而Bar裡面嘅GIN COCKTAIL全部由日本師傅親自調配,配上鮮嫩多汁嘅串燒同埋爽口彈牙嘅冷烏冬,一啖啖油脂配上清涼嘅Alcohol,真係人生一大樂事!

 

蘭桂芳神秘酒吧-Los Sotano – 現實版玩轉極樂園

Los Sotano

中環蘭桂坊最近新開咗一間隱密嘅樓下酒吧,要入裡面就要經歷困難重重嘅考驗先可以打開大門。

一入餐廳會見到好多骷髅骨擺設,活脫脫就好似睇緊COCO真人版咁!

餐廳除咗會提供常見嘅墨西哥菜式之外,仲主打各式各樣嘅Tequila and Mezcal。由Cocktail到Shots,Menu上面有超過70種Tequila 同40種以上嘅 Mezcal,任君選擇。

最後一定唔可以Miss嘅打卡位就係Bar台隔離嗰幅特大嘅「TEQULIA MAKES MY CLOTHES COME OFF」霓虹燈牌,鐘意Tequila嘅朋友仔一定要留意啦!

 

尖沙咀酒吧餐態廳-Mezze - 浪漫中東Fusion菜

MEZZE

喺尖沙嘴The Hart有一間新開嘅中東菜餐廳,店內空間寬敞,窗邊嘅位置可以俯視到尖沙嘴繁忙嘅街道,正好同餐廳寧靜舒適嘅環境互相映襯。

而呢間酒吧最好嘅地方係客人可以喺浪漫嘅氣氛之下享用到Marriortt 5星級大廚親自操刀嘅地中海菜式,由頭盤到甜品全部都充滿住中東風情。

食飽諗住傾下偈嘅話,仲可以Order特製嘅Signature Cocktail或者Special Shisha,住喺餐廳Outdoor Area嘅吊椅上面一邊睇風景一邊談心,諗吓都好Chill啊!

 

HelloToby請你飲酒

 

同場加映香港酒吧指南優惠-你留評價,我送Shot!

酒吧

睇完介紹後心思思諗住去酒吧飲返杯嘅你,一定要留意我哋今期嘅獨家優惠呀!

今日起只要喺任何一間有份參與今次推廣活動嘅酒吧(共30間!)購買最少一杯酒精飲品,再喺酒吧指南上為該酒吧留個評價,就可以獲得Free Shot 一杯㗎啦~

啱哂俾你暢飲前熱熱身,又或者係暢飲後嚟個完美Ending!

優惠詳情可以參考:【全新香港酒吧指南優惠】你留評價,我送Shot!

全新香港酒吧指南

——

延伸閱讀:【平靚正之選】嚴選7大浪漫 拍拖好去處

延伸閱讀:【2018日本紅葉攻略】楓葉秘景 日本賞楓全指南

緊貼HelloToby BlogFacebook Page,隨時搵HelloToby幫手!

Leave a Reply

Your email address will not be published. Required fields are marked *