【 面油過多 點算好】油脂分泌旺盛原因 & 改善皮膚 大勘察

對於油性皮膚嘅人,每逢夏天,「油田」氾濫嘅痛苦,應該就唔洗多講…… 面油過多 除咗會影相儀容,一不小心就會搞到成面暗瘡。針對油脂肌膚,喺控制油脂分泌、減少面油、改善皮膚減少暗瘡上,大家都一定落過唔少苦工。夏天熱浪不斷湧現,面油洶湧而至,面對呢個難題, HelloToby 幫你分析咗油脂分泌旺盛原因,以及改善皮膚嘅方法!

1) 油脂分泌旺盛原因

1. 點解春夏季油脂分泌會變得旺盛?

面部皮膚嘅油脂分泌同溫度成正比,氣溫越高,面油就會越多。春夏季氣溫飆升,自然會令油脂分泌變得旺盛。

面油過多

 

2. 「保濕控油」嘅原理係?

喺解答呢個問題之前,要先理解面油嘅存在意義。面油絕非惡魔(油性皮膚嘅人可能會唔認同),面部分泌油脂其實係為咗滋潤乾燥嘅皮膚,以防皮膚爆拆。

亦即係話,當面部皮膚水分充足嘅時候,面油分泌就會減少,因為唔需要再提供額外嘅滋潤。正正因為咁,要控油就一定要保濕。

3. 面部皮膚受到刺激會導致 面油過多 ?

如上述所說,面油係為咗保護皮膚先出現。變相即係話,當面部皮膚受到刺激嘅時候,面油就會相應地分泌出黎保護皮膚。

唔少美容化妝品,會盡量減少添加刺激性成分嘅原因就係咁,唔希望用家因為咁變得油脂分泌過多。

油脂分泌

想搵專人呵護你嘅肌膚? HelloToby 幫到你!

即搵 身體護理專家

 

4. 內分泌失調會導致棉油分泌旺盛?

內分泌失調會導致面部氣色轉差、爆暗瘡、 面油過多 。針對內分泌失調,要記住維持良好生活習慣,不吸煙、不酗酒、維持良好精神健康狀態、保持充足睡眠等,先可以喺根本上建立良好嘅皮膚健康基礎。

 

2) 減少面油 改善皮膚 要點做

1. 面部清潔適可而止

面部清潔的確可以去除面部油脂,可以令皮膚喺一定時間內保持乾爽。不過如果係配合潔面產品進行清潔,就切勿過於頻繁使用。物極必反,咁樣會令面部皮膚缺少必須要嘅面油,反而會進一步刺激皮膚分泌更多面油保護皮膚。

如果係直接用清水清潔面部,要記住唔好用力擦,因為咁樣會刺激皮膚,同樣會增加油脂分泌。

 

2. 切勿徹底去油

再講多次,物極必反,面部皮膚係需要基本面油去保護皮膚!去油、控油嘅意思係去除多餘油脂、控制油脂分泌嘅平衡,唔係叫你徹底去油。

減少面油

想要好好保養肌膚,你都可以搵專人幫你!

即搵 美容療程

 

3. 改善毛孔緊緻度

放大嘅毛孔除咗唔美觀之外,仲會令 面油過多 。適當咁使用有毛孔收縮作用嘅皮膚護理產品,唔單單可以改善毛孔緊緻度,更重要嘅係直接改善面部出油狀況。

 

4. 因應季節使用合適護膚產品

秋冬季因氣溫偏低、空氣乾燥,需要使用滋潤型嘅護膚產品(滋潤型產品中會含有比較高嘅油脂成分)。如果洗春夏季繼續使用,面部皮膚就會吸收過多嘅油脂,造成毛孔堵塞、粉刺增生等嘅問題。

所以喺夏季,要記得使用清爽型嘅護膚產品,當中不含或者只有較少油脂,減輕對面部皮膚造成嘅負擔。

油性皮膚

睇完以上關於面部油脂分泌嘅分析,唔知有無幫到你認識更多關於面部控油嘅技巧呢?其實如果你覺得自己處理油脂分泌旺盛嘅問題好麻煩,你可以搵美容專家幫你!

即搵 美容專家

你本身係美容護膚專家?可以上 HelloToby 免費登記做服務專家,搵更多客戶!

免費註冊為專家 

>>> 【 HelloToby 專家攻略】報價必勝法!贏在起跑線的7秒鐘 <<<

——

相關閱讀:【 護膚步驟 】 SOS Beauty 春季護膚 正確護膚步驟

延伸閱讀:【今年興乜頭?】2018 女生髮型 8大流行之選

緊貼HelloToby BlogFacebook Page,隨時搵HelloToby幫手!

Leave a Reply

Your email address will not be published. Required fields are marked *