【潮男經典油頭】2019新年男士髮型 香港必去Barber Shop推介

一直行喺潮流尖端嘅你一定留意到近年大吹復古風,而極具紳士風度嘅油頭亦係各位潮男必試嘅髮型。雖然普通Salon可以做到絕大部分嘅髮型,但係想剪番個有層次又啱自己嘅油頭就一定要搵番Barber Shop嘅專家啦!唔好再以為Barber Shop係只有外國人嘅專利啦,而家香港都出現咗唔少非常專業嘅Barber Shop,為香港男士們設計適合亞洲人輪廓嘅油頭。今次Toby唔單止幫大家解開對Barber Shop同油頭嘅迷團,仲搵咗幾間出名高質嘅Barber Shop推介比你地!想今個新年逗多幾封利是?即刻去恤番個靚油頭,保證所有長輩都會大讚你望落又精神又靚仔!

點樣先叫做Barber Shop 

Barber」一字源於拉丁文,解作Beard,所以Barber Shop即係專門為男士修整頭髮同鬍鬚嘅地方。同一般Salon唔同,Barber Shop絕少提供染髮或頭皮護理等服務,而佢地所設計嘅髮型亦較著重於線條及結構,專注為男士們整理外表儀容。

點解油頭咁男士受歡迎? 

一個梳得靚嘅油頭最緊要係外形同線條夠分明,正面望埋去頭側嘅兩角要同肩線對稱。另外,髮界要剃的夠清晰,令髮型更容易打理。只要呢啲細節位做得好,即刻帶到專屬於男士嘅剛陽感同埋魅力。

點揀髮油先至啱?

Gel油頭就梗係唔少得髮油啦!最傳統正宗嘅就一定係油性髮油,除咗有一定嘅反光度,可以令油頭望落更有光澤之外,仲比較難洗得甩,出街想執執個頭隨時都做到。不過香港天氣咁潮濕,唔係個個都頂得順油性髮油,所以水性髮油就係另一個好選擇啦!雖然水性髮油比較清爽,但缺點係持久力較差,髮型會相對地易塌,所以使用水性髮油前就得要吹乾頭髮啊!

香港Barber Shop推薦

講咗咁耐,係咪好想即刻去剪番個油頭呢?唔洗擔心,Toby今次同大家搜羅全港九新界嘅Barber Shop,咁多間之中一定有搵到啱你style嗰間!

The Barber Shop

喺香港擁有兩間分店嘅The Barber Shop, 可想而知有幾受香港男士歡迎啦!佢地非常著重顧客喺佢地店舖嘅體驗,所以幫襯佢地之前記得打電話去book咗先啦!

地址:中環威靈頓街15B一樓 (中環店)

            鰂魚涌太古坊德宏大廈 (鰂魚涌店)

營業時間、評價及更多資訊請瀏覽:The Barber Shop(中環店)髮型屋指南

                                                                  The Barber Shop(鰂魚涌店)髮型屋指南

Handsome Factory

由樂隊廿四味成員Brain所開設嘅Handsome Factory,喺短短三年間已經擴展至三間分店,而且唔少城中名人都係佢地嘅常客。店舖裝潢以50年代風格為主調,復古得嚟又有格調。手藝就更加唔洗擔心,佢地嘅首席理髮師有越過10年經驗,仲去過多倫多學藝,嚟呢度剪頭髮一啲都唔需要擔心!

地址:中環閣麟街Central Corner(中環店)

銅鑼灣希雲街27 (銅鑼灣店)

尖沙咀棉登徑棉登大廈 (尖沙咀店)

營業時間、評價及更多資訊請瀏覽:Handsome Factory

The Duke’s Man-Cave

覺得平時剪頭髮冇嘢做,齋坐好悶?呢間The Duke’s Man-Cave就啱哂你啦!佢地唔單止係Barber Shop,同時亦係一間Lounge,一邊剪頭髮一邊飲番兩杯都真係幾嘆㗎!

地址:香港中環威靈頓街宏基商業大廈6-8

營業時間、評價及更多資訊請瀏覽:The Duke’s Man-Cave髮型屋指南

Selvedge Barbers 

同其他Barber Shop唔同,嚟自意大利嘅Selvedge Barbers由外國Barber主理,集合咗國內外有質素嘅理髮師,啱哂對髮型好有要求嘅潮男們。經驗老到嘅Barbers仲會細心教你點樣打理髮型,第一次嘗試油頭嘅你嚟呢度就一定冇錯!

地址:中環砵典乍街36號地下

營業時間、評價及更多資訊請瀏覽:Selvedge Barbers髮型屋指南

Fox and the Barber

見到門口隻狐狸就知嚟到Fox and the Barber啦!唔少喺香港住嘅外國人,甚至嚟香港旅行嘅遊客都會嚟呢度試下佢地嘅手勢,一入到嚟好似去咗外國嘅Barber Shop一樣咁有feel

地址:中環雲咸街41-43

營業時間、評價及更多資訊請瀏覽:Fox and the Barber

Black Rose Barber Shop

最初喺工業大廈嘅細單位開始發展,以one mad brand嘅形式打響名堂,到而家擁用尖沙咀一間地舖嘅Black Rose Barber Shop,係唔少香港男士剪頭髮嘅第一選擇,可以話係非常本土嘅一間Barber Shop

地址:尖沙咀漆咸道南5號號地下

營業時間、評價及更多資訊請瀏覽:Black Rose Barber Shop

————

睇咗咁多間Barber Shop都唔啱心水?

唔緊要,即刻上我哋嘅全港Salon指南,睇下邊間髮型屋最適合自己啦!仲有幾個星期就新年啦,仲唔快啲剪番個靚頭,想逗幾多利是都唔成問題啦!

全港Salon指南

 

——

延伸閱讀:【全港Salon指南】剪舊迎新大派對

延伸閱讀:【2019星座運勢】十二星座轉運變髮性格大分析

延伸閱讀:【2019Pantone代表色】「活珊瑚橘」妝容髮色配搭懶人包

延伸閱讀:【再見毛躁】養出光澤秀髮 5個冬日日常護髮小撇步

緊貼HelloToby BlogFacebook Page,隨時搵 #AskToby 幫手!

Leave a Reply

Your email address will not be published. Required fields are marked *