【寵物美容 Q&A】貓狗美容護理必知7件事

香港愈來愈多主人成為「貓奴狗奴」，會當寵物視如己出，透過寵物美容幫自己貓狗扮靚靚同洗白白。不過，新手主人對貓狗日常美容護理未必有足夠知識。HelloToby今次列舉最常見嘅7大寵物美容問題，邀請有多年經驗、曾經由寵物美容店轉型做上門寵物美容嘅星級專家Fey逐一解答。

1）貓狗沖涼剪毛好緊張，點算好？

Fey表示，過去做寵物美容都有遇過情緒緊張嘅貓狗，在寵物美容店當全職時，由於要應付大量貓狗，一般係以超快速度進行。部分貓狗可能會因為陌生環境、剪刀、剃毛聲音、主人離開而觸動敏感神經。如果寵物細膽，建議主人可以請寵物美容師上門，讓貓狗身處熟悉環境下進行美容護理，主人亦可以在旁邊餵啲小零食來安撫寵物。另外，上門好處係主人能夠監察寵物美容師，減少疏忽情況。

有需要搵上門寵物美容師？HelloToby平台上可以即刻搵到寵物美容師為你度身報價，馬上試試！

即搵寵物美容師，免費為你報價

2）夏日炎炎，貓狗需要剃毛嗎？

夏日炎炎，一般人印象認為剃毛可以幫貓狗散熱，但剃毛可能適得其反。因為寵物身上嘅毛髮有保護作用，例如隔熱、抵擋紫外線、隔離過敏源等等。如果失去保護層，有可能令貓狗們曬傷。相比起剃毛，剪毛唔會對寵物健康構成威脅，而且可以改善貓狗春夏季換毛過剩，導致毛髮滿天飛嘅情況。

3）貓狗剪趾甲同人有乜分別？

人同貓狗身體構造不盡相同，分別在於貓狗趾甲內藏有血管。所以唔少主人剪趾甲時會令到貓狗流血，因為一唔小心剪得過入就會整傷寵物。其實，辨別趾甲需要動手嘅部分並唔困難，Fey教路剪趾甲要剪透白地方，而見到透紅地方就要收手。

4）點解要為貓狗擠肛門腺？

擠肛門腺動機係為貓狗健康著想。作為寵物美容服務內容之一，擠肛門腺較少人認知，Fey解釋擠肛門腺重點係清理貓狗肛門下方嘅分液物。如果分液物冇被妥善處理，貓狗會特別容易出現體臭、腺體發炎、舔屁股、磨屁股甚至咬尾巴等行為。如果想毛孩舒舒服服，定期擠肛門腺係良好衛生習慣。一般主人未必懂得如何擠肛門腺，為免搞到一團糟，最好都係搵寵物美容師代勞，在在貓狗沖涼時順便擠埋。

5）幫貓狗洗耳仔有幾重要？

相同地，洗耳仔亦對貓狗健康非常重要。因為貓狗耳道皮脂腺會產生分泌物，分泌物一旦積聚便會引致耳炎或者引來寄生蟲。其實，貓狗耳朵護理方法好簡單，只需要定期修剪耳毛，以及在市面上購買洗耳水定期清潔便可。

6）貓狗牙齒應該如何護理？

保持貓狗口腔健康可以阻止寵物口臭、流口水、牙齦腫脹等問題。貓狗護理牙齒方法其實非常方便，市面上有牙膏、潔牙啫喱、咬牙膠等產品幫助寵物潔齒。Fey建議主人可以俾狗仔咬天然牛骨，但緊記千祈唔好用雞骨代替，以免刺傷腸胃。如果貓狗口腔問題嚴重，主人亦可考慮以手術幫貓狗去牙石。手術可以選擇麻醉與否，但要視乎毛孩年紀同身體狀況，如果唔希望麻醉，一定要搵手勢好醫生。