航空公司成日推出平機票，唔少人蠢蠢欲動去旅行。不過，當各位狗狗主人滿心歡喜「遊埠」時，平日黐身嘅狗狗就覺得晴天霹靂。唔想寵物難捨難離？主人要好好計劃點安置佢哋啦！除咗交俾親朋戚友照顧，仲有 寵物酒店 同寵物保姆可以選擇。前者交託貓狗俾酒店員工集體照顧，後者就將寵物交俾家庭或保姆單對單照顧。究竟邊種 寵物託管 服務先最啱你隻毛孩寶寶呢？等 HelloToby 話你知啦！
1）比住宿價錢
格價是常識吧！整體嚟講， 寵物酒店 收費比寵物保姆貴。狗酒店同人類酒店一樣，唔同服務質素嘅寵物酒店收費不一。消費者委員會調查就指出，一隻體重10公斤以下的狗隻住狗酒店每日基本收費介乎$115至$500，假如狗隻體重35公斤，每日收費由$160至$830。想要五星級享受？當然要付出多啲金錢！寵物酒店其實包含唔少附加費，沖涼、拍照，甚至提供暖水等基本服務都要額外收錢，仲設有最少入住日數。若主人去一星期旅行，單單7日住宿消費起碼要幾千蚊。
如果你唔需要全天候24小時照顧你隻狗狗，寵物保姆價格就相宜得多，平均每小時$100至$300。寵物保姆可以上門幫你餵糧、換水、放狗、玩樂，同清理大小二便。如果你需要寵物保姆過夜陪瞓，價格就同寵物酒店差唔多，每日收費大約$400至$800，但就較少附加費。
2）比環境衛生
香港法例要求所有寵物酒店都要獲得漁護處發出嘅寵物寄養牌照，會規管房間空間大小、通風以及消毒措施等等，大部分持牌酒店亦會要求入住寵物提供防疫注射證明。不過，因為法例阻嚇性低，無牌酒店仍然存在，令市面上寵物酒店質素參差，曾經有寵物在寄養期間發生交叉感染事故，亦有部分寵物酒店只提供籠俾寵物入住。提到環境衛生，主人安排毛孩入住前一定要親身視察以及選擇有牌照嘅寵物酒店。
相對而言，請寵物保姆到屋企照顧狗狗比較容易控制。畢竟屋企環境衛生一向由自己打理，又唔使擔心狗狗同其他寵物互相感染，而活動空間仲比寵物酒店大。唯一要注意嘅係寵物保姆質素，佢要有責任心每日清理排泄物，並且確保餵食過程衛生，所以寵物保姆一定要揀有口碑、有經驗以及有信譽嘅人士。
（溫馨提示：想搵有信譽嘅寵物託管服務，可以即上HelloToby平台睇睇！）
3）比膳食娛樂
在膳食方面，唔同寵物酒店處理手法唔同。部分酒店會因應寵物的身形、品種及年齡等因素提供指定糧食。有些酒店就跟從主人指示提供糧食，並安排用餐時間同份量，確保寵物寄養期間能夠適應飲食。寵物保姆同後者做法一樣，讓狗狗膳食同喺屋企無異。
在娛樂活動方面，寵物酒店就比較優勝。除咗到活動場散步以及玩耍，部分豪華寵物酒店可以安排狗狗游水、 寵物美容 以及接受 寵物訓練。跟據主人意願以及狗狗性情，可以選擇與職員單對單陪玩或與其他狗隻朋友一齊玩。對於喜愛群體生活狗隻而言，可以嘗試入住寵物酒店。至於寵物保姆，基本服務只會同狗狗散步以及玩玩具。如果要額外帶狗狗去參與其他娛樂活動或到較遠地點，需要事前與寵物保姆商量並達成協議。
4）比貼心程度
考慮到主人外遊會對愛犬有相思之苦，大部分寵物酒店以及寵物保姆可以隨時讓主人監察寵物狀況。定時會影寵物生活照，再透過Whatsapp、短訊或電郵方式讓主人了解狗狗日常生活。更有啲酒店會係房內設網絡監察器，讓主人24小時也可以睇到寵物活動，加倍安心。
不過，寵物酒店職員同時間要照顧好多寵物，人手不足情況下對每隻狗狗注意力可能會較分散。主人亦無法判斷職員是否真有愛心，還是只抱住打份工嘅心態。寵物保姆做得比酒店更貼心嘅地方係，以人性化方式同狗仔相處，願意同狗狗打成一片，並同時照顧狗狗生活以及情感需要。當主人離開狗狗身邊，唔少狗狗都會情緒低落。大部分寵物保姆為咗同狗狗混熟，都願意事先家訪同狗狗玩，讓對方記得自己氣味同聲音，到真正相處時冇咁害怕。如果你家中狗隻較慢熱同黐身，寵物保姆就係一個好選擇。
寵物託管 有乜準備功夫？
1）現場視察
想心愛嘅寵物喺你旅行時候有好待遇？你一定要事先與寵物保姆安排30分鐘見面互相了解，或實地視察寵物酒店居住環境，確保佢哋得到妥善照顧。資深寵物保姆Yoko 就有溫馨提示，列出幾個值得留意嘅細節：
2）及早查詢和預訂
一旦揀好寵物保姆或寵物酒店，各位主人就要立即準備。因為公眾假期同暑假等屬於旅遊旺季，寵物酒店以及寵物保姆檔期很容易爆滿，所以要提前一兩個月甚至更早就查詢寵物酒店以及寵物保姆嘅相關資料，確保愛犬在主人外遊期間會得到照顧。
3）清晰交代
雖然大部分寵物保姆或寵物酒店職員有照顧狗狗嘅經驗，但唔代表佢哋了解每隻寵物嘅習性。主人有責任向佢哋交代清楚，例如寵物平日進食時間、糧食份量、作息時間以及有冇任何長期病患等。寵物在新環境下，好容易會感到情緒緊張。主人帶同狗狗常用物品如玩具、毛氈、碗，可以增加佢哋安全感。同時，主人緊記留下相熟獸醫以及在港親朋戚友嘅聯絡資訊，即使發生突發情況亦有人可以立即到場。
如果你仲未知邊種方式最啱你？又或者唔知邊度有寵物託管服務？HelloToby可以幫到你！
我哋仲有寵物美容、寵物訓練、獸醫服務、寵物模特兒 以及 寵物攝影 等唔同寵物服務，任你選擇。
如果你都係寵物服務嘅專家，想加入HelloToby平台搵新客戶？
——
延伸閱讀：【 寵物美容課程邊間好？ 】寵物美容師入行 必讀 5大 寵物美容課程
延伸閱讀：【家居 滅蟲 大作戰】趕絕塵蟎/螞蟻/曱甴/老鼠全攻略
緊貼HelloToby Blog同Facebook Page，隨時搵 HelloToby 幫手！
