屋企本身係我哋最溫馨、最舒服嘅地方，但隨住春天嘅降臨，潮濕環境滋生愈來愈多蟲蟻。唔想害蟲變得活躍猖狂？唔想每晚同小強、塵蟎、蚊、蒼蠅等大被同眠？唔想佢哋危害你健康或者居住質素？咁你一定要先下手為強，將所有害蟲殺個片甲不留。如果要 滅蟲 嘅話，應該用乜嘢方法好呢？Toby同你分享 滅蟲 、驅蟲攻略。
1）驅除塵蟎
無論望落去幾乾淨嘅房間，都隱藏著肉眼睇唔出嘅塵蟎。塵蟎不僅會咬傷小朋友嬌嫩肌膚，更會引起各種各樣皮膚過敏症狀，實在令人頭痛。如果你想同鼻敏感、哮喘、濕疹等症狀講再見，對抗塵蟎要採取持久戰術！
唔少人會購買強力吸塵器吸除隱藏於床褥、沙發、角落嘅塵蟎，但塵蟎仍有可能經排氣孔於空中散播。所以最基本做法要勤換床上用品，並經乾衣機烘過才用。塵蟎既微細又周圍遊走，難以用殺蟲噴殺。要大範圍殺死塵蟎，可用攝氏55℃以上熱水清洗床上用品再將其曝曬，又或者把布藝品放入雪櫃冷凍，多管齊下將其致於死地。
2）消滅螞蟻
螞蟻活躍於亞熱帶地區，喺香港亦無處不在。如果家居內部不幸有螞蟻築了巢穴，少則會有幾千隻，多則可達百萬隻以上！
少量滅蟻可以用天然方法將其杜絕，例如掉走屋內甜食、喺螞蟻經過嘅地方及巢穴撒上爽身粉、使用醋水噴蟻等。但若然螞蟻生長情況已經相當嚴重，又或者出現白蟻、紅火蟻等危險品種，處理問題要徹底，否則「斬草不除根，春風吹又生」。要聘請專家放置滅蟻藥劑及藥餌，並於木製門框、窗框同家具等噴上殺蟲藥，形成保護屏障。
3）趕盡蟑螂
廚房同雜物房都係匿藏最多曱甴嘅地方，加上曱甴會飛來飛去，不論男女見到都會大叫怕怕！
除咗擺放適量樟腦丸外，其實我哋仲可以將鮮黃瓜、洋蔥以及仙桃葉擺放喺曱甴經常出沒嘅地方，再將開水灌入下水道，阻止蟑螂入屋。又或者混合梳打粉同糖並置於蟑螂出沒地，約3－14天後，曱甴就會消失啦！想滅曱甴？記得屋企準備殺蟲水同拖鞋殺過片甲不留！
4）殺絕老鼠
對一般人而言，老鼠入屋看似天方夜譚。但其實老鼠好容易透過下水道入屋，唔少低層住宅人士面對同樣難題。老鼠係疾病傳播媒介，所以滅鼠可謂刻不容緩！
家居清潔係滅鼠重要的一步，要徹底斷絕鼠糧、及時清除垃圾、以及對廚餘做好密封儲存。同時喺鼠類出沒嘅地方投放鼠藥或者噴灑滅鼠藥劑，亦要封死室內破舊管道同所有與牆連接嘅孔洞。當然，若果家中鼠患蟲害問題一發不可收拾，最理想還是 求助於專業滅蟲團隊 提供上門服務，保護家人健康。
——
——
想搵家居滅蟲服務？可即按此。我哋個平台有好多唔同專家，即上我哋嘅免費平台啦！
想加入HelloToby成為專家，擴展新客戶？可即按此。
緊貼HelloToby Blog同Facebook Page，隨時搵 #AskToby 幫手！
