本地好多家庭都會請 工人姐姐 幫手處理家務、照顧小朋友同老人家等，一般都係請 菲傭 、 印傭 幫手，但你又有無聼過 肯亞傭工 ？ 請工人 姐姐其實唔一定局限於菲傭、印傭， 肯亞女傭 經過專業教育，可以用中文溝通，唔會有溝通障礙。 Talent Company Limited 得到肯亞政府大力支持，提供肯亞、肯亞同非洲其他國家嘅專業 女傭 俾你選擇，並且一直培養同招募優秀 外傭 。今次 HelloToby 就邀請到佢哋爲你比較三地 僱傭 ，幫你揾出最適合嘅 家傭 ！
1） 外傭 人工
本地外傭人工最低工資現爲每月 $4,410 ，而且需要額外提供免費膳食或者膳食津貼。根據標準僱傭合約，僱主要為 外籍家庭傭工 提供合適嘅住宿、免費膳食（或每月至少 $995 膳食津貼），同埋傭工往香港以及合約終止或屆滿離開嘅旅費。
2） 外傭語言
菲傭 除左識自己嘅本土語言之外，第二大語言就係英文，而且略懂廣東話。菲律賓政府會為菲傭安排爲期兩星期嘅訓練，幫佢地適應香港嘅文化同生活。 印傭 多數都受過廣東話訓練，但英語能力就不及菲傭姐姐。 肯亞女傭 受過專業教育，識得用中文溝通，就算老人家同小朋友唔識講英文都無問題。由於肯亞曾經係英國殖民地，肯亞女傭嘅英文都好流利，唔會有溝通障礙。
3） 外傭宗教信仰
菲傭多爲基督徒或天主教徒，部分會喺星期日返教會。而印傭多爲回教徒，唔食豬肉。每年都有一次齋戒，爲期一個月。期間印傭清晨就會食早餐，之後全日都會禁食。肯亞女傭主要為基督教徒，無特別信仰習慣。僱主聘用外傭前應該問清楚姐姐有無特別嘅宗教習慣，睇下雙方係咪接受倒相關嘅安排先簽約，避免不必要嘅爭執。
4） 外傭服從性
假日去中環同旺角都會見到天橋坐滿外傭姐姐。由於印傭姐姐通常有經濟負擔，所以性格通常比較單純、聽話、有禮貌。至於菲傭姐姐可能比例上較多，熟悉香港嘅生活環境而且有唔少同鄉，假日通常會要求約朋友出去。肯亞女傭習慣喺中東國家工作，長期受社會壓迫，性格刻苦耐勞，多會珍惜工作機會，只求安穩嘅生活同薪金。
5） 外傭工作能力
印傭 多數都有外地工作經驗，譬如新加坡、台灣等東南亞地區，同香港文化唔會相差太遠。至於 菲傭 就一般喺加拿大、澳洲等地方工作，但可能因爲佢地多同鄉一齊喺香港做野，生活同文化上都唔會同我地太大差異。 肯亞女傭 透過 Talent Company Limited 接受各方面嘅培訓，包括烹飪、嬰兒護理、廣東話、家務、家居安全等知識，並會模擬香港家居環境，務求令佢地更瞭解同習慣本地生活。
6） 外傭學歷
據稱30萬名外籍家庭傭工中有一成傭工有大學或以上學歷，好多僱主都唔介意高薪聘請有學歷嘅工人姐姐，譬如有啲姐姐有護理知識就好適合照顧老人家。菲律賓有幾十年被西方國家統治，教育相對普及，菲傭一般都到大學程度，加上菲律賓嘅教育體制同美國一樣，菲傭嘅英文程度都唔錯。印傭學歷相對就較低，教育程度多數係中學或以下。
決定 請海外僱傭 之前，最緊要知道自己有咩需要，再根據心目中嘅條件比對菲、印、肯亞傭工，睇下邊個地方嘅文化同工作表現最符合你嘅需要。聘請前最好可以同姐姐當面傾下，瞭解雙方嘅期望，特別係假日安排、屋企嘅人數同習慣等等。除咗基本資料之外，建議你可以瞭解下姐姐嘅基本家庭狀況，有啲僱主傾向請已婚同游小朋友嘅外傭，覺得佢地有照顧小朋友、保姆嘅經驗，一般比較有愛心。畢竟將來會同姐姐長期相處，最重要都係將心比己，瞭解清楚對方先下決定。
睇完以上貼士，你都想搵番個家居清潔專家幫手？即上我哋嘅免費平台啦！
——
緊貼HelloToby Blog同Facebook Page，隨時搵HelloToby幫手
