香港地唔少人都試過聘請 家務助理 幫輕家務，做下 大掃除 、 照顧老人 ，又或者做臨時保姆照顧兒童等。家務助理幫大家解決咗唔少生活以及家居煩惱，不過你對於呢一行又有幾多認識呢？ HelloToby 今次請到 Pro Maid 嘅老闆 John Lee 同我哋分享一下相關嘅行業知識，畀你了解到喺屋企幫你嘅 鐘點 ，唔係剩係識做 家居清潔 咁簡單！個個背後都有不為人知嘅付出同努力！
HelloToby： 家居清潔 有分淡旺季嗎？
Pro Maid：其實就冇點分淡季和旺季嘅，因為 家務助理 屬於全年都有需求的行業。不過最旺就係農曆新年前的一個半月，大家都想做 大掃除 ，係屋企乾乾淨淨咁過年。嗰段時間唔係唔想做你生意，係實在有太多人想要搵 清潔姐姐 ，根本無咁多人手可以安排。嗰段時間遲咗少少Book 清潔鐘點 ，分分鐘鐘最後搵唔到人幫你手。
HelloToby：方才提到人手安排的問題，其實除了新年，還有什麼時候也會遇到這個問題？
Pro Maid：暑假，一定係暑假。始終姐姐都係有自己嘅家庭，暑假啲仔女放假，好多時候都要留喺屋企照顧佢哋。因為咁，暑假嘅時候會少咗好多人開工。
HelloToby： 家務助理收費 會受什麼因素影響？
Pro Maid：家務助理雖然都有資深同啱入行嘅分別，不過呢樣嘢又唔會係最影響 家務助理收費 ，如果僱主另外私人肯俾多啲就另計啦。一般嚟講，都係收返公價，一百幾十左右。不過，如果清潔嘅地方係需要姐姐跨區過去嘅話，就會收返少少交通費。另外，如果有養動物嘅話，費用都會上調。因為動物會甩毛，比起清潔一般家居，會用多咗時間同功夫。
溫馨提示：你亦可以參考 HelloToby 的 家務助理價錢攻略 ，了解家務助理的收費。
HelloToby： 家務助理 、 家居清潔 行業競爭大嗎？
Pro Maid：非常之大。我初初想入行嘅時候，好多行家都叫我唔好。因為遇到好多膽粗粗想入行闖下嘅人，但係做咗兩三個月就挨唔住，最後失咗縱，有啲仲呃咗姐姐嘅人工。呢一行對自己少啲信心同定力，很容易就會挨唔住。
HelloToby：這一行的人員流失率高嗎？
Pro Maid：非常高，要留住啲姐姐都真係幾難，變相要經常性咁做招聘，我依家其實有喺報紙放招聘廣告，吸引多啲人入嚟做。另外，我哋自己有開家務助理培訓班，特別喺出面請專業嘅導師返嚟，令姐姐可以接受到培訓，應付工作需要，例如照顧小朋友、嬰兒、病人等等。上完培訓班，我哋仲做埋工作銜接，幫佢哋安排工作，唔洗自己出去搵。但實際上最後上完培訓課程，肯留低做嘅都真係得三成左右。
HelloToby：有沒有想過什麼辦法挽留他們？
Pro Maid：有啊！姐姐如果做夠一年，或者做完一份合約嘅時候，我地會有額外獎金俾佢哋。如果本身姐姐簽嘅係一份長期合約，合約到期之後，我哋會俾返一開始收嘅10%服務費俾佢哋。
HelloToby：進了這個行業之後，有沒有做過什麼你覺得是最有意義的事情？
Pro Maid：其實我有同 嗇色園 合作搞義工活動，上門幫獨居老人、長者、傷殘人士等免費 清潔家居 。我地冇得到任何資助，都冇政府津貼，全部都係自己出錢去做。平均每個星期會做一次義工，經由嗇色園嘅社工幫我哋去安排。不過因為前排正值新年旺季，安排唔到人手，最後停咗，之後應該會再繼續做。
HelloToby：未來有什麼打算，或者發展方向？
Pro Maid：我哋依家除咗可以提供 本地傭工 之外，依家開咗外傭中介業務，幫手搵 外籍傭工 。今年都新開咗 陪月服務 ，希望可以進一步擴大服務嘅涵蓋範圍。
唔知上面嘅專家分享有無幫到你認識更多關於家務助理呢個行業呢？想搵鐘點清潔家居？
——
緊貼HelloToby Blog同Facebook Page，隨時搵HelloToby幫手！
