【家居小貼士】春季 防潮 / 防霉 10大招

立春過後,回南天又來襲啦!搞到屋企牆身同地板濕漉漉,霉菌仲可能開始四周圍蔓延,到處出現斑斑霉點。潮濕天氣除咗令你家居唔美觀,更會影響身體健康,引發呼吸道疾病和過敏症狀等等。到底有乜辦法可以抵抗回南天呢?今次 Toby 搜集家務助理專家意見,為你搵出最平價、最實用10招 防潮 防霉 妙法。

1)間歇地通風

實用指數:★ ★ ★ ★ ★ 平價指數:★ ★ ★ ★ ★

在潮濕季節,開窗係一大忌。朝南或東南方向嘅門窗應該長時間保持關閉,避免水氣進入室內。待傍晚天氣變得較乾燥之時,就可以開窗通風透氣,降低室內水蒸氣含量。此方法既零成本,又實用。

 

2)冷氣機抽濕

實用指數:★ ★ ★ 平價指數:★ ★

冷氣機排出的冷空氣有助減低濕度,對即時抽濕有顯著功效。但當冷氣關掉時,空氣由冷變暖,全屋好容易冒出露水,此時有可能令屋內更加潮濕。開冷氣抽濕只能短暫舒緩潮濕天氣帶來嘅不適,長時間使用會耗能源,電費相當昂貴。

 

3)髹上 防潮 防霉 油漆

實用指數:★ ★ ★ ★ ★ 平價指數:★

牆身發霉全因為牆壁滲水、表面凹凸以及長期失修。如果房間要保持乾爽,需徹底解決根源問題。市面上有具防霉功能的乳膠漆,可分解霉菌表面的蛋白膜。油牆前,先上一層加入防潮油的底漆,然後再髹面漆。如果霉菌已深入石屎層,必須斬草除根,連灰鏟起。油漆工程雖然成本較高,但保養期持續10至15年,絕對能夠減免不少煩惱。

馬上到HelloToby平台搵油漆專家,便有人待勞為你解決回南天帶來的麻煩!

即搵油漆師傅

 

4)使用梳打粉

實用指數:★ ★ ★ ★ 平價指數:★ ★ ★ ★

如果想以低廉成本防潮,家中亦有不少法寶可以物盡其用,梳打粉係其中之一。

方法一:可利用小布袋或空罐來裝取梳打粉後直接擺在抽屜或櫃子裏。

方法二:可稀釋梳打粉和白醋,將混合液清洗排水口或馬桶。兩者都能避免濕氣積聚,防止霉菌滋生

 

5)使用粗鹽

實用指數:★ ★ ★ ★ 平價指數:★ ★ ★ ★

另一樣家中法寶係粗鹽。用大概攝氏40度的熱水加粗鹽拖地板,便可洗走地面濕漉漉的霧氣。粗鹽裏的氯化鎂和氯化鈣有助吸水,加速水分揮發。如果衣物長了小霉點,粗加檸檬更可以將其清洗及擦走。

 

6)使用舊報紙

實用指數:★ ★ ★ ★ ★ 平價指數:★ ★ ★ ★ ★

建議大家把家中舊報紙廢物利用。將報紙稍微揉搓,鋪墊在需要吸濕嘅地方。如果要防止衣服被蟲咬,可放置舊報紙於衣櫃或抽屜底部,因為昆蟲不敢靠近報紙上嘅油墨。如果想衣服加快晾乾,報紙可間歇掛在衣架中間。想保養皮鞋的話,可將報紙揉成團狀,塞進鞋內來預防濕氣及鞋子變形。回南天時,把舊報紙貼上玻璃窗可防止霧水結聚;除去舊報紙時,用報紙輕擦表面,更可擦亮玻璃窗。

 

7)定期保養木地板

實用指數:★ ★ ★ ★ ★ 平價指數:★

木地板係潮濕重災區。除了容易變得濕滑、易長蟲以及長霉菌,還有可能往上拱起。定期打蠟係保養木地板嘅治本之道,打蠟既提升地板光亮度,又增強地板防潮性能,有如添了一層保護膜。新安裝嘅木地板要勤於保養,平均2至4星期便要打一次蠟。經過幾次打蠟後,便可減少次數,預半年進行一次。

想搵地板打蠟公司?可以上我哋平台落單,比較唔同打蠟公司嘅質素同價錢。

即搵地板打蠟

 

8)使用石灰、竹炭

實用指數:★ ★ ★ 平價指數:★ ★ ★

石灰及竹炭係坊間的天然吸水大笨象。有傳1公斤生石灰粉能吸取空氣中大約0.3公斤的水分。使用方法簡單,只要將石灰及竹炭放入布袋,製成唔同大小嘅防潮袋,放置於室內每個角落。布袋經太陽曬後更可反覆使用,既環保又實用。

 

9)使用蠟燭

實用指數:★ ★ ★ ★ 平價指數:★ ★ ★  

蠟燭除了增添家居氣氛外,仲有唔同除潮、除霉作用。點燃蠟燭使無法凝結,有助降低家居空氣濕度。如果你唔想霉菌於廚房及浴室的牆壁縫隙上滋生,可用蠟燭擦拭、形成保護膜選用含香氛精油的蠟燭,更可以辟走屋內的霉味。

 

10)漂白水消毒抗菌

實用指數:★ ★ ★ ★ 平價指數:★ ★ ★

春季潮濕天氣容易滋生細菌,用稀釋家用漂白劑溶液(漂白水跟清水比例為1:99)便可清潔物品。如果牆身或家中物件起了霉點,可用沾有漂白水的白布擦拭。如果要消毒廚房用品,需浸泡在稀釋的漂白水半小時,再用清水煮沸與風乾。

如果你怕麻煩,HelloToby家居服務平台上有好多專業嘅家務助理可以幫你家居進行徹底清潔。

即搵家居清潔服務

 

睇完10招防潮防霉妙法,快啲做準備工夫抵抗回南天啦!除咗以上服務,我哋仲有唔同服務可以幫你解決大小家居問題。立即上我哋嘅平台獲取免費報價,打造一個又溫馨又舒適的家啦!

即上HelloToby搵服務

你係家居服務專家,想加入HelloToby平台搵新客戶?

立即登記

——

延伸閱讀:【除塵蟎】唔想有敏感症狀?2個方法輕鬆除塵蟎!

延伸閱讀:【家居滅蟻】螞蟻入屋?教你5個實用滅蟻方法!

延伸閱讀:【家居滅蚊】屋企都有蚊?最有效滅蚊方法全面睇!

延伸閱讀:【家居除霉】牆身發霉點算好?10分鐘除霉大法!

緊貼HelloToby BlogFacebook Page,隨時搵 #AskToby 幫手!

Leave a Reply

Your email address will not be published. Required fields are marked *