講到做運動，好多人都會第一時間諗起籃球、足球同跑步呢類熱門選擇，但其實 羽毛球 同 網球 呢類球拍運動都同樣咁有益身心。家長如果正想安排小朋友學一項運動，羽毛球同網球都係唔錯嘅選擇。究竟打羽毛球同網球有乜好處？小朋友幾歲開始學至適合？HelloToby同大家分析下！
學 羽毛球 / 網球 的好處
1）改善體能，強化心肺功能
羽毛球同網球都係活動強度偏高嘅運動，可以消耗熱量，增強心肺功能，促進血液循環，強化肌肉，甚至更可增加關節靈活性和柔軟度。
2）加強手眼協調
運動員喺羽毛球同網球呢類球拍運動中需要持續留意球嘅來去，身體移位同擊球都要互相配合，所以喺打球過程中可鍛練小朋友嘅手眼協調能力。
3）培養毅力
羽毛球同網球都係難度高嘅運動，想學得好就要花大量時間練習，無形之中能培養小朋友嘅毅力。
4）提高社交能力
羽毛球同網球都有分單打同雙打嘅比賽，無論係單人對抗嘅比賽定雙人團體賽，對小朋友嚟講係學習同其他人溝通合作、認識新朋友嘅好機會。
羽毛球 Vs 網球：有乜唔同？
羽毛球同網球雖然都係用球拍擊球，但兩者其實大有不同：
1）羽毛球注重速度，網球講求力量
羽毛球雖然看似優閒簡單，但當你玩到一定水平時就會發現羽毛球係速度極快嘅球拍運動，對運動員嘅反應同速度要求極高。羽毛球嘅來回頻率不但高，而且球員要喺短時間內快速反應。相比之下，網球更講求力量，發球時唔單止需要手部嘅力量，腿部同腰部嘅力量都好重要。此外，如果手部力量不足，就會握拍不穩，無法準確擊球。
2）羽毛球體能要求高，網球講求耐力
一般網球比賽總時數較長，可長達2 – 3小時，如果冇一定嘅耐力同體能實在難以應付。而另一方面，打羽毛球時運動員亦需要不斷移位跳躍，所以相當消耗體能。據統計，羽毛球比賽總時間雖然比網球短一半，但球員所跑嘅路程卻係網球員嘅2倍，擊球次數亦比網球員多2倍。所以羽毛球同網球都可以話係高強度運動，對運動員嘅體能同耐力都有相當高要求。
羽毛球 Vs 網球：小朋友學邊樣好？
羽毛球同網球都好有益身心，好適合小朋友長大成人都繼續保持習慣嘅運動，至於學羽毛球好定網球好就取決於小朋友本身嘅體能同喜好，最緊要都係小朋友有興趣學習。
小朋友喺6 – 7歲左右己可開始學打羽毛球，一般會先學最基本嘅開球、擊球動作同步法，到掌握好基礎後，就可以學習對打技巧。如果想小朋友提早接觸羽毛球，市面上都有一些機構開設幼兒羽毛球班，針對2 -4歳嘅小朋友，呢類課堂主要係以輕鬆嘅形式令小朋友有好玩嘅感覺，從而對羽毛球產生興趣。
同羽毛球一樣，唔少機構都開設咗網球親子班或小型網球班，教授3 – 5歳小朋友網球技巧，培養興趣。教練通常會使用較輕巧嘅球拍，同球速較慢嘅海棉球授課，一來小朋友更易掌握基本技巧，二來亦冇咁容易受傷。到小朋友打好基礎後，至開始接受正式訓練，學習比賽策略及技巧都未遲。
學打波同一大班年齡相近嘅小朋友玩係最開心，不過教練好難兼顧到所有學生，並逐一處理唔同學生嘅個別問題 。如果真係想有效地提升技術，有個私人教練跟進會比較好。如果一開始就姿勢唔正確，日後想糾正就好難，而且亦有受傷風險（如患上網球肘）。
HelloToby平台上有專業嘅羽毛球教練同網球教練，你只需回答幾條服務相關嘅簡單問題就可以免費取得報價！平台上仲有好多唔同嘅運動班：溜冰班、乒乓球班、籃球班、游泳班等等。
你本身係運動教練，想加入HelloToby平台搵新客戶？
——
延伸閱讀：【 游泳班 開鑼】搵教練 學游水 6大須知（兒童泳班 + 成人泳班）
緊貼HelloToby Blog同Facebook Page，隨時搵HelloToby幫手！
