香港學業競爭激烈，令小朋友同家長備受壓力。其實想幫助小朋友學習，唔使下下靠做練習溫書嘅，得閒多帶小朋友接觸下大自然或者不同嘅新事物，不但可保持身心健康，仲可以提升小朋友各方面嘅智能，有利全面發展。就等 Toby 為大家推介幾個啱晒一家大細嘅周末 親子好去處 啦！（2020年3月更新）
1）荃灣愉景新城D·Park
位於荃灣市中心嘅愉景新城D·Park設有全港首個多元智能學習樂園，提供親子遙控車旅程、邏輯駕駛旅程、玩轉STEM旅程同親子平衡車教室等多款多元智能學習課程，俾小朋友透過玩電動車、遊戲等提升不同方面嘅智能發展，收費為$30 – $70不等。而由丹麥團隊設計嘅鯨魚花園，可以俾小朋友自由攀爬玩樂，而且喺指定時間內拎入場券就可以免費入場！
想知更多詳情，可瀏覽D·Park愉景新城網站。
2）坪石遊樂場
坪石遊樂場又有「恐龍公園」之稱，係唔少家長同小朋友心目中最好玩嘅公園之一，因為呢度係香港小數以遠古恐龍時代為主題嘅公園。園內設有不同嘅恐龍模型、仿古化石同圖騰裝飾，好似置身於電影中嘅恐龍世界咁。
溫馨提示：一家大細出外玩咁開心，不如搵個戶外攝影師幫你哋影番輯家庭寫真，留下美好回憶？
3）康文署兒童遊戲室
講到平靚正，一定唔少得康文署設立嘅兒童遊戲室。呢類兒童遊戲室以馬戲班、海洋、森林等為主題，設有各種適合4至9歲小朋友玩嘅康樂設施。全港各區超過33間嘅體育館都有兒童遊戲室，而且最重要嘅係免費入場。
按此了解各區體育館兒童遊戲室位置，因應2020年新冠肺炎公共設施特別安排，去之前記得留意康文署的最新消息，了解開放時間同限制呀。
4）九龍灣 MaBaLAND
MaBaLAND親子空間遊樂園設於九龍灣得寶商場，交通相當方便，而且設有唔同遊戲區俾小朋友體驗，譬如雙層繩網陣、氣槍遊戲、七彩海洋球池、攀石牆、跳彈床、VR遊戲區、小廚房區同積木樂園。入場費最平為$85起（全日任玩），已經包咗小朋友同一名陪同成人的費用，周末同公眾假期會貴少少。樂園仲提供包場派對服務，如果想為小朋友開個別開生面嘅生日party，呢度亦係不錯嘅選擇！
按此了解MaBaLAND親子空間遊樂園。
溫馨提示：想幫小朋友搞個生日派對？你需要搵派對場地租賃、活動餐飲服務、小丑表演、扭氣球師表演等服務專家幫手！即上我哋平台一次過搵晒啦！
5）香港青年協會有機農莊
想小朋友多啲接觸下大自然，家長可以帶小朋友有機農莊參觀，認識下有機耕種、自然生態同環保嘅重要。好似青協有機農莊就有機菜田、大型有機種植棚、四季花圃同示範田，而且入場免費，入種植棚或要導賞團服務都只係$20 – $30。家長仲可以同小朋友參加手工藝工作坊添！按此了解詳情。
6）屯門「T·Park源．區」
屯門「T·Park源．區」唔單止係污泥處理廠，同時亦係環境教育中心，可以俾大家了解污泥經過處理轉廢為能嘅過程。園內有戶外足浴池、雀鳥保護區同超過9,800平方米的戶外園林花園，一家大細可以享受下大自然。不過最受歡迎嘅一定係利用焚化過程中產生嘅熱能加熱嘅水療池，一邊嘆Spa一邊欣賞后海灣嘅無敵海景。
按此了解T·Park源．區。
溫馨提示：因應新冠肺炎，以上地點和活動的開放時間可能有所變動，大家前行之前記得了解清楚啊～
想籌備一家大細娛樂活動，Toby 平台上有各種專家可幫到你！
如果你都係服務嘅專家，想加入 Toby 平台搵新客戶？
——
【想搵更多兒童節復活節好去處？】
兒童節 X 復活節主題工作坊 – 全部都有獨家報名優惠！Toby 都知道香港啲父母要諗活動俾小朋友玩都好頭痕，所以為各位港爸港媽搜羅咗多個好玩工作坊 – 而且保證全部 100% 有報名優惠 (有唔少工作坊都提供緊親子同行優惠)！
現時 Toby 上囊括嘅工作坊類型包括自助畫室、永生花、食物製作等，一定夠多花款畀每位大小朋友去玩！
想放假有個輕鬆既親子活動，同佢一齊上堂整手作仔就最發揮到小朋友無限既創意！你同小朋友一齊整嘅作品未必會係世界上最完美嘅藝術品，但係一定會係世界上最美好嘅親子回憶！既然 Toby 都提供埋獨家報名優惠畀大家，大家就唔好再等啦，即刻去報名啦！
延伸閱讀：【家長必讀】10大有助子女升學的 興趣班
延伸閱讀：【韓劇《 鬼怪 》迷必去】孔侑現身防波堤場景香港都有！
——
緊貼Toby Blog、Facebook Page同Instagram，隨時搵Toby幫手！
