【 家長必讀 】 10大有助子女升學的 興趣班

近年成日聽人講要贏在起跑線,於是好多家長會為子女報讀大量 興趣班 ,例如 陶瓷班 、 跳舞班 、 書法班 、 圍棋班 ,為小朋友帶來唔少壓力。不過,如果 兒童興趣班 學得好,成為咗小朋友嘅 興趣 ,對小朋友嘅學習同身心發展其實都有莫大裨益! HelloToby 就為大家精選咗 10大有助孩子升學嘅 興趣班課程 ,各位正在頭痕為子女報乜嘢班嘅家長不妨參考下!

1) 英文班 — 必報 興趣班

唔使多講,香港係國際都市,講得一口流利英語絕對有利無害。唔好以為 英語課程 一定好悶,其實坊間有唔少 兒童英語班 、 幼兒英文課程 都加入遊戲方式教學,冇學校課堂咁死板,可以提高小朋友學英文嘅興趣。 英國文化協會 就有唔少為學前、小學,甚至中學生而設嘅 英語課程 ,學費約為 $5,000-$7,000 左右,每學季約有 19堂,計番平均每小時 $200-$300 。

想為小朋友打好根基,咁 英文拼音 Phonetics 相關嘅課程就好有用嘞!英國文化協會 英語拼音課程 共有18堂,學費為 $8,300-$8,900 ,平均每小時 $300 左右。此外, 國際語音學會 亦有 英語拼音課程 ,全期學費為 $4,480 ,共有14堂,平均每堂 $320 。掌握好 國際音標 ,對讀聽都大有幫助,學起上嚟自然事半功倍!

興趣班

如果你想子女得到更貼身嘅英語教學,都可以上我哋平台搵 英文老師 ! HelloToby 明白好多家長學生對於學英文,有好多嘅迷思,又想極速精進英文能力,我地特別準備做學英文嘅Tips,希望可以幫到你。

如何學好英文

 

2) 程式編寫班 — 專業技能 興趣課程

編寫程式 聽落好似只適合大人,但原來早幾年前英國已將其納入 5-7歲課程,而新加坡、芬蘭同台灣等地都計劃將有關課程引入學校。近年喺香港就有一些機構為小朋友提供 程式編寫課程 ,好似 First Code Academy教育中心 就為 6歲-15歲或以上嘅小朋友提供 寫Apps 、 製作網站 、 程式設計 、 3D Printing 、3D遊戲製作 同 Minecraft Modding 等課程,全期為 10-14 堂, First Code Academy 學費 為 $6,600-$9,240 ,程度較高嘅課程費用高達 $8,900-$12,460 。

至於 Koding Kingdom 電腦課程 一般有 8-12 堂,全期學費為 $4,200-$6,300 不等,費用一啲都唔便宜,不過經濟能力許可,又希望小朋友趕上呢股IT熱潮嘅家長都不妨考慮下 Coding課程 !

程式編寫班

究竟 電腦程式課程 邊個好?想貨比四家,搵個適合你嘅課程學寫程式? HelloToby 幫到你!

即搵 程式編寫班

 

3) 跳舞班 — 經典 興趣班課程

跳舞 不單可以訓練小朋友腦部同身體嘅協調性,仲可以培養節奏感同平衝力,無論係對體能發展定學習都大有好處!現時 兒童跳舞班 選擇多多, 芭蕾舞 、 拉丁舞 、 K-POP舞蹈 、 社交舞 都深受家長歡迎,想特別少少嘅話,可以諗下 街舞 、 土風舞 、 爵士舞 等。

青年興趣班

價錢方面亦有平有貴,一般私營機構收費每堂起碼要 $100-$200 ,專門學校更分分鐘達 $300-$400 。相比之下, 康文署 同一些非牟利機構如 工聯會 、 街坊工友服務處教育中心 、 香港遊樂場協會 舞蹈班 學費就平得多,平均每堂只係 $60-$100 。

幼兒興趣班

 

4) 樂器班 — 樂韻悠遊 培養音樂細胞

學樂器 絕對係正路之選,除咗傳統嘅 鋼琴 、 小提琴 ,近年多咗唔少人學習較冷門嘅樂器,如 管風琴 、 鋼片琴 、 夏威夷小結他 、 木箱鼓 等。學樂器可以陶冶性情,培養小朋友嘅節奏感同樂理知識。有研究更指玩樂器可以刺激腦部發展,增強記憶力添! HelloToby 就特別為你了解咗 讓孩子學音樂的8大好處 ,立即睇睇啦!

現時 鋼琴班 相當普遍,一般有得揀一堂30、45分鐘,定1小時,平均學費為每堂 $120-$200 亦不泛選擇。至於 長笛 、 色士風 、 大提琴 、 單簧管 等其他樂器班就貴少少,每堂$200-$400不等。

康文署課程

想了解學小提琴、豎琴嘅心得? HelloToby 已經幫你準備好啦!

點樣學好小提琴 學豎琴其實好簡單!

 

5) 科學班 — 科學興趣班 強化理性思維

科學 興趣班 就咁聽上去好籠統,其實主要係指以 STEM 教學嘅興趣班。所謂 STEM 即係結合 科學 、 科技 、 工程 及 數學 ( Science, Technology, Engineering and Mathematics )嘅教育模式嘅簡稱,目的係令學生透過手動參與學習活動,從而訓練獨立思考同解難能力,解決生活嘅種種問題,仲可以啟發小朋友嘅探究創新嘅精神添!

呢類興趣班通常透過製作機械人、嵌砌模型等科學研習活動,教授小朋友電學、力學同環保等知識,一般每堂要 $150-$200 左右,有個別機構嘅學費更高達每堂 $300 。 YMCA 就有全期10堂嘅科學興趣班,學費為 $1,700-2,300 ,如果係會員就可以更優惠嘅價錢報讀。

科學

 

6 ) 戲劇班 — 兒童興趣班 建立藝術美感

唔好諗住學戲劇就一定係發明星夢!外國唔少研究都指 戲劇 可以培養小朋友嘅想像力同欣賞文學、話劇等藝術形式嘅能力,而同其他小朋友共演亦有助學習點同他人溝通合作,最重要嘅係令孩子對自己更有自信,能夠更清楚地表達自己。

香港有唔少戲劇團體都有提供兒童戲劇課程(包括話劇同音樂劇),價錢都幾參差,較平嘅大概為 $1,000-$1,500 一期,平均每堂 $100-$150 ,而較貴嘅就每堂 $200-$250 ,全期要起碼 $2,000-$3,000 。

興趣課程

 

7) 圍棋班 — 兒童圍棋班 訓練即時判斷力

講到 圍棋 ,大家可能即刻諗到日本漫畫《 棋魂 》,但其實唔少中、台、日、韓等地嘅人都熱愛玩圍棋。 圍棋 只有黑白兩子,看似簡單,卻能夠提升小朋友嘅判斷力同專注力,令思考更敏捷,對學習(尤其是數學)甚有幫助。仲有,玩圍棋時可訓練小朋友沉著面對勝負,提升抗壓能力,個人都零舍淡定啲!

坊間嘅圍棋課程大概為每堂 $150 ,如 YMCA 同 香港兒童棋院 合辦嘅 兒童圍棋訓練班 費用為 $1,340 (會員)及  $1,520 (非會員),總共10堂。至於 香港圍棋協會 嘅圍棋班收費亦相若,一概為4堂 $600 。

兒童興趣班

即搵 兒童圍棋班

 

8) 繪畫班 — 小朋友興趣班 發揮無限想象

畫畫 能夠加強小朋友嘅觀察力同創作力,而且仲讓孩子發揮創意同想像力。除咗素描同油畫外,家長可鼓勵小朋友接觸唔同類型嘅繪畫媒介,如 水墨畫 、 粉彩 、 水筆 、 炭粉 等,令繪畫技巧更多元化。如果只係想俾小朋友接觸下唔同類型嘅藝術,好多入門初班全期4堂大概為 $300-$500 。但如果想深入啲學習更多技巧,可考慮報讀長期班,學費一般為 $1,000/8堂 。

興趣班課程

即搵 兒童繪畫班

 

9) 魔術班 — 提升溝通表達能力

近年多咗 魔術師 走入公仔箱,引起一股魔術熱潮,唔少機構都開設咗 兒童魔術班 ,俾小朋友一嘗做魔術師嘅滋味。學習魔術不但可鍛練小朋友嘅手部靈活性同記憶力,喺人前表演亦可加強表達同溝通技巧,大大增強自信。一般教育中心嘅 魔術興趣班 學費唔算太貴,普遍每堂為 $80-$120 ,而專門魔術學校嘅魔術班就每堂要 $200 。

幼兒興趣班

即搵 魔術班

 

10) 高爾夫球班 — 培養高雅氣質

高爾夫球 總俾人有錢人玩意嘅感覺,但而家已經愈來愈普及。 高爾夫球 雖然冇其他球類活動咁激烈,但其實擊球動作可以運動到全身肌肉,提升身體協調性同柔軟度。高球亦講求禮儀,例如其他人擊球時要保持肅靜等,學習尊重他人,注意禮貌,喺社交同人際上都可以加唔少分!

部分機構嘅 兒童高爾夫球班 約為一個月 $1,200-$1,500 ,每堂1.5小時,全期4堂,平均每堂 $300 ,而較廉價嘅選擇有 滘西洲公眾高爾夫球場 ,唔同程度嘅 青少年高爾夫球課程 價錢為 $480-$960 ,每小時 $120 ,算係相當划算。

小朋友興趣班

即搵 兒童高爾夫球班

 

希望以上精選嘅  10大有助孩子升學 興趣班 ,幫你搵到啱心水嘅興趣課程!除咗以上提到嘅 興趣班 ,我哋個平台仲有好多唔同嘅課程專家,幫你挖掘無限潛能!暑假就到,唔知你打算點安排仔仔女女嘅假期呢?有無諗過幫佢喺假期培養新技能、學習新知識? HelloToby 準備咗精選暑期興趣班指南,想要幫小朋友安排特色暑假嘅你,一定要睇睇!

另類好玩 興趣班

 

【想搵更多兒童節復活節好去處?】

復活節

兒童節 X 復活節主題工作坊 – 全部都有獨家報名優惠!HelloToby都知道香港啲父母要諗活動俾小朋友玩都好頭痕,所以為各位港爸港媽搜羅咗多個好玩工作坊 – 而且保證全部 100% 有報名優惠 (有唔少工作坊都提供緊親子同行優惠)!

現時 HelloToby 上囊括嘅工作坊類型包括自助畫室、永生花、食物製作等,一定夠多花款畀每位大小朋友去玩!

想放假有個輕鬆既親子活動,同佢一齊上堂整手作仔就最發揮到小朋友無限既創意!你同小朋友一齊整嘅作品未必會係世界上最完美嘅藝術品,但係一定會係世界上最美好嘅親子回憶!既然 HelloToby 都提供埋獨家報名優惠畀大家,大家就唔好再等啦,即刻去報名啦!

立即了解更多

 

你係 興趣班導師 ,想加入 HelloToby 平台搵新客戶?

免費註冊為專家

——

延伸閱讀:【夏日家庭樂】嚴選暑假10大 親子好去處

延伸閱讀:【語言課程】10大 自學外語 網站推介

緊貼HelloToby BlogFacebook Page,隨時搵HelloToby幫手!

Leave a Reply

Your email address will not be published. Required fields are marked *