暑假好去處？夏日好去處？週末好去處？炎炎夏日熱辣辣，唔少人都鍾意去香港海灘暢泳消暑。香港雖然向來以石屎森林見稱，但其實都有唔少可以媲美外國嘅沙灘！Toby 為大家精選咗以下 10個景色迷人嘅香港沙灘，無論係一家大細齊齊去弄潮游水玩泥沙，定係同另一半去海邊手拖手浪漫睇日落，總有一個香港靚沙灘啱你去！
1） 聖士提反灣 — 赤柱日落靚景任睇
提起赤柱沙灘，好多人都可能會諗到赤柱市集附近嘅赤柱正灘。不過如果嫌正灘太多人，想搵少人沙灘嘅話，不妨行遠少少去赤柱西面嘅聖士提反灣 。
除咗可以喺大海暢遊之外，呢度有10幾個燒烤爐可以同朋友一齊 BBQ 。由於周圍視野甚廣，係睇香港日落嘅好地方之一。鐘意影靚相嘅你，絕對唔好錯過赤柱黃昏！另外，赤柱海灘仲有水上活動中心，可以參加水上活動訓練班及同樂日，可以學下玩獨木舟同滑浪風帆添！如果想去赤柱正灘燒烤，或者聖士提反灣游水，記住要儘早到沙灘泊車同租 locker！
講起水上活動，你想學划船、滑水嗎？即上 Toby 平台免費搵水上活動導師啦！
2） 淺水灣 — 香港最美沙灘
淺水灣出名水清沙幼，依個 香港島沙灘 每年都吸引唔少市民同遊客慕名而來。
由於香港政府將淺水灣沙灘打造成海水浴場，各種設施一應俱全。淋浴設施、更衣室不在話下，附近仲有遊樂場和沙灘排球場，遊完水又可以去海灘上嘅鎮海樓公園 ，同埋淺水灣酒店改建而成嘅影灣園 ，餐廳、時尚商店、水療中心應有盡有。
3） 銀礦灣泳灘 — 梅窩有咩玩 ？BBQ 沙灘推介
銀礦灣泳灘位於大嶼山梅窩，係適合一家大細嘅香港海邊好去處。梅窩作為大嶼山遊覽路線的起點，有關的交通極為便利，附近仲有唔少市集、餐廳、茶坊，飲食、娛樂、活動一應俱全。
至於大家最關心嘅沙灘 BBQ 設施方面，銀礦灣泳灘有20組燒烤爐、6個洗手盆（共12個水龍頭）。
唔少人鍾意閒時嚟游下水，享受日光浴。海灘附近有銀礦灣瀑布公園，種有宮粉羊蹄甲，係春季賞花嘅好地方，唔少龍友都慕名而來。玩到攰就可以去海鮮餐廳品嚐當地新鮮漁穫，如瀨尿蝦、海蝦同東風螺等，度過悠閒嘅一日。
溫馨提示：所謂「欺山莫欺水」，識游水，自然去海灘會玩得更放心更開心！即刻搵個游水教練，讓你或你家人練好泳術，迎接夏日！
4） 浪茄灣 — 隱世西貢沙灘
浪茄灣鄰近西貢萬宜水庫東壩，人煙稀少，沙灘乾淨，海水又清澈，對出就係一望無際嘅南海，仲曾獲選為香港 10大自然勝景第5名。
呢度作為隱世沙灘係有原因嘅，因為要前往浪茄灣需要行頗長一段山路。如果你自問體能有限，另一個選擇就係約一班朋友租遊艇 ，通過海路直接去浪茄灣。
唔少人都鐘意喺西貢萬宜水庫東壩、浪茄灣露營，天氣晴朗時，呢度可以睇到滿天繁星。每次恰逢流星旺季，西貢海灘都人頭湧湧！如果你係露營熱好人士， Toby 準備咗相關好去處推介俾你，可以順便了解下！
5） 洪聖爺灣泳灘 — 離島好去處
洪聖爺灣泳灘 位於南丫島，水質極佳，而且出市區只需半個鐘左右，相當方便。南丫島別具獨特嘅小島風情，兼容咗老香港漁村文化同西方文化氣息，令你唔使出國就享受到喺海外度假嘅感覺。
洪聖爺灣泳灘同樣設有沙灘燒烤場，共有9組燒烤爐、1個洗手盆（共2個水龍頭），想要睇靚景又鐘意 BBQ 嘅你就唔好錯過啦。
6） 貝澳泳灘 — 香港日落 觀賞勝地
貝澳泳灘係貝澳著名嘅海灘，由於位於西南偏南，呢度可以睇到極美嘅日落。海灘旁邊就係貝澳營地，提供超過50個營位。另外亦設有燒烤場，共有6組燒烤爐、1個洗手盆（共3個水龍頭），免費開放俾公眾使用。游完水之後，再喺海邊露營、BBQ，一面欣賞黃昏景色，夠晒寫意。
除咗呢度之外，香港其實總有好多靚景影相好去處 ， Toby 精心為你準備咗 10大戶外攝影好去處，希望可以幫到想要終於影相嘅你！
7） 上長沙泳灘 & 下長沙泳灘 — 香港最長海灘
長沙泳灘係貝澳另一個著名海灘，亦係全港最長嘅海灘，全長3公里，最適合同另一半喺黃昏時沙灘漫步，係夏日拍拖好去處！沙灘上亦設有私營水上活動中心，提供單槳直立板、滑浪板同獨木舟等水上運動器材嘅租貸服務，啱晒好動嘅朋友。
燒烤場嘅話，就剩係得上長沙泳灘先有，共有7組燒烤爐。
8） 西灣 — 香港沙灘好去處
西貢大浪灣 一共有4個海灣，被稱為「四灘一尖」，其中以西灣最出名，名列「四灘」之首。西灣嘅海灣遼闊，而且景色優美，曾被選為「香港10大自然勝景選舉」第1名。
西灣其實係西貢多條行山路徑中必經嘅一段，如果你係行山熱好者，鐘意假日擁抱大自然，發掘香港靚景， Toby 幫你準備咗 10 個行山好去處推介 ！
9） 三星灣 — 香港少人沙灘
唔好以為西貢沙灘就一定多人又逼。位於西貢嘅三星灣由於位置較偏避，交通不便，所以遊人不多，環境零舍清幽。呢度嘅沙灘水質良好、海水極清澈，更長期獲評為一級水質，可以話係香港難得一見嘅隱世海灘 。
唔好以為三星玩泳灘位置偏僻配套設施就差，呢度一樣設有沙灘燒烤場！
10） 石澳大浪灣泳灘 — 滑浪熱好者必去沙灘
如果你熱愛滑浪，咁就一定要去石澳大浪灣泳灘。呢度一年四季都風高浪急，浪濤洶湧，係香港著名嘅滑浪熱點。衝浪唔啱你？不如沿住龍脊遠足徑行下啦！龍脊曾榮獲旅遊書《Lonely Planet》選為「香港最佳遠足路線」，欣賞下沿途大浪灣、南中國海、石澳等一帶嘅景色。
大浪灣泳灘 一樣可以燒烤！呢度共有20個燒烤爐，數量充足，唔驚同人爭崩頭！
唔知上面精選嘅 10個香港沙灘推薦啱唔啱你心水呢？不過記得夏日陽光毒辣，去十大海灘，就一定要記得做好防曬措施，以免曬傷！想喺夏天來臨前學識游水？即上 Toby 了解學游水收費，再搵返個合適嘅游水教練！
你係水上活動教練 ，想加入 Toby 平台搵新客戶？
——
延伸閱讀：【共享家庭樂】香港周末 親子好去處
延伸閱讀：【It’s Party Time】嚴選10大 包場派對 好地方2018
——
緊貼 Toby Blog、Facebook Page 同 Instagram，隨時搵Toby幫手！
