【戶外Camping樂】香港10大 露營地點 好去處

週末放假想去郊外盡情享受一下大自然美景,露營自然係最好不過嘅選擇。日頭同親友行山燒烤,夜晚觀星賞夜景,再等清晨睇日出,遠離鬧市煩囂,實在係爽!香港雖然人煙稠密,但境內其實都有不少露營好去處,HelloToby為大家推介10個人氣 露營地點 。

 

1)白臘營地

營地地點:西貢東郊野公園(萬宜水庫萬宜路白臘村)

營位數目:10

設施:燒烤爐、枱、櫈、旱廁

交通:於西貢市中心乘搭九巴94號;或者於假日及公眾假期,由鑽石山巴士總站乘搭九巴96R;想搭小巴嘅朋友則可以喺西貢市中心乘搭7號專線小巴,於北潭涌下車後,沿麥理浩徑第1段車路走前往營地,大概要步行2小時。

特色:白臘營鄰近萬宜水庫東壩同白臘村,喺度露營可以欣賞到萬宜水庫同西貢東半島嘅景色,清晨時分仲可以到東壩睇日出添!對地理學感興趣嘅朋友不妨順便去東壩對開嘅香港地質公園範圍內嘅破邊洲,附近一帶布滿六角形岩柱群,包你睇到嘆為觀止!

 

2)浪茄灣營地

營地地點:西貢東郊野公園(西貢浪茄沙灘)

營位數目:6

設施:燒烤爐、枱、櫈、旱廁

交通:於西貢市中心乘搭九巴94號;或於假日及公眾假期,由鑽石山巴士總站乘搭九巴96R;又或於西貢市中心乘搭7號專線小巴,於北潭涌下車後,沿麥理浩徑第1段車路走,大概步行3小時到達營地。

特色:對地質冇興趣嘅話,不如去東壩另一面嘅浪茄灣,欣賞號稱全港最美嘅沙灘啦!呢度水清沙幼就唔使講,而且沙灘平坦而寬廣,視野開闊,加上地點偏遠,人跡罕至,可以不受外人打擾咁觀賞南中國海嘅無敵靚海景,令你忘記工作嘅壓力同煩惱。

 

3)籮箕灣營地

營地地點:南大嶼山郊野公園

營位數目:10

設施:燒烤爐 、枱、櫈、污水穴、晾衫架、旱廁

交通:由東涌市中心乘11號或23號巴士;或者由梅窩乘1號或2號巴士,於水口村站落車,沿鳳凰徑第9段逆行前往營地(往石壁方向),步行約需25分鐘。

特色:如果你係露營新手,咁籮箕灣營地就好啱你!一來交通方便唔難去,二來籮箕灣擁有乾淨美麗嘅海灘,最適合賞星觀日出,享受寧靜美景。

 

4)東龍洲營地  

 

營地地點:東龍洲炮台特別地區

營位數目:10

設施:燒烤爐、枱椅、資訊板、垃圾桶、涼亭、旱廁

交通:於鯉魚門三家村公眾碼頭,或西灣河筲箕灣避風塘乘街渡到東龍島,不過只於星期六、日同公眾假期提供服務,所以記得要配合船期提早計劃。

特色:從東龍洲碼頭步行約20分鐘就可到達營地,路勢平坦不難行,而且營地入口附近有士多,方便購買補給。營地三面環海,景色優美,附近更有炮台古跡,可了解香港當年防禦海盜嘅歷史。

 

5)西貢灣仔西營地

營地地點:西貢西郊野公園灣仔擴建部分(西貢灣仔半島西)

營位數目:20

設施:涼亭、燒烤爐、枱、櫈、大型浴室及洗手間設施

交通:由西貢市中心乘搭7號專線小巴,於海下村總站下車,再沿大灘郊遊徑,約走45分鐘就可抵達營地。

特色:營地有大片草地,設有多達20個營位,環境空曠廣闊,好適合晚上觀星。營地有設有燒烤爐、大型浴室同洗手間,設施相當齊備。營地附近係海下灣海岸公園,如果天氣好又撞正退潮嘅話,仲可以喺海下村碼頭附近,睇到水中嘅珊瑚同珊瑚魚。

除咗露營地點,香港仲有好多玩樂好去處!(Eg 運動競賽、親子戶外活動)
立即查看香港活動合集    

6)昂平營地

營地地點:馬鞍山郊野公園

營位數目:20

設施:燒烤爐、枱、櫈、污水穴、旱廁

交通:由馬鞍山耀安邨乘搭NR84村巴,於馬鞍山村總站落車,沿馬鞍山郊遊徑走,大概步行1小時到達營地。

特色:昂平地區係香港少數嘅高山草原之一,位置背山面海,視野遼闊,風景優美。想欣賞西貢市同西貢內海嘅景色,不妨再走遠少少登上昂平觀景台。不過大金鐘部分山路較斜,適合有一定遠足經驗人士。

 

7)水浪窩營地

營地地點:馬鞍山郊野公園水浪窩

營位數目:8

設施:燒烤爐、枱、櫈、旱廁及流動廁所

交通:由西貢或沙田市中心乘299X號巴士, 於水浪窩下車,沿經麥理浩徑第4段起點步行約20分鐘前往營地。

特色:水浪窩營地環境寬闊,綠草如茵,地面平坦,又設有燒烤爐,最適合一大班人紮營玩樂。西沙路4號燒烤場附近往上走,仲有全港唯一照仿古代天文建築嘅觀星台,值得參觀一下。

 

8)流水響營地

營地地點:八仙嶺郊野公園

營位數目:7

設施:燒烤爐 、枱、櫈 、污水穴 、晾衫架及旱廁

交通:於粉嶺港鐵站乘坐52B號專線小巴,於流水響道坳頂迴旋處下車 。沿流水響水塘道 ,步行約30分鐘,便可抵達營地。

特色:流水響營地位於流水響水塘南端,環境清幽,旁邊有一大片柳林,天朗氣清時更可欣賞到水天合一嘅倒影美景。

 

9)鶴藪營地

營地位置: 八仙嶺郊野公園

營位數目:40

設施:燒烤爐 、枱 、櫈 、晾衫架、浴室 、 涼亭及標準洗手間設施

交通:由粉嶺港鐵站乘52B號專線小巴,於鶴藪村總站下車,再沿鶴藪道往鶴藪水塘前行,全程只需約15分鐘。

特色:鶴藪水塘附近綠樹成蔭,有齊燒烤場、浴室同洗手間設施,就算露營初哥都可放心。走過圍繞水塘嘅郊遊家樂徑 ,沿途有多條小溪石澗,環景優美,而且路面平緩易走,只需1小時便可行完,浴路走更可走到生態勝地沙螺洞,近距離觀察自然生態,好適合爸爸媽媽帶小朋友來親親大自然。

 

10)扶輪公園營地

位置:扶輪公園(大帽山郊野公園)

營位數目:4

設施:燒烤爐、枱、櫈及污水穴等

交通:於荃灣西鐵路站總站或荃灣鐵路站上蓋巴士站,乘塔51號往錦田巴士,於「郊野公園」站下車,只需步行約5分鐘即到營地 。

特色:營地位於大帽山郊野公園扶輪燒烤區內,隔離就係荃錦公路,搭巴士出入夠晒方便。沿途有家樂徑同自然教育徑,適合一家大細遠足野餐。 附近設有觀景台,可以飽覽荃灣同青衣一帶景色 。

 

搵個專業攝影師幫你全家人影輯戶外寫真?即上我哋平台搵人報價!

即搵戶外攝影師

——

延伸閱讀:【戶外郊遊樂】香港10大 遠足行山 好去處

延伸閱讀:【平靚正之選】嚴選7大浪漫 拍拖好去處

延伸閱讀:

全港活動指南喺HelloToby正式推出,為你提供全港各區活動的資訊詳情,讓你隨時隨地盡覽香港節慶、音樂、藝術、展覽、親子、情侶等活動,尋找香港好去處!

我們更會為大家帶來各種獨家優惠,立即查看!

想知更多活動指南嘅資訊?Click以下Button睇下點參加啦!立即查看香港活動合集

全港活動指南

緊貼HelloToby BlogFacebook Page,隨時搵HelloToby幫手!

Leave a Reply

Your email address will not be published. Required fields are marked *