暑假終於開鑼，小朋友梗係逼不及待周圍玩，不過作為家長就梗係想小朋友玩得安全又開心，最好就係可以寓學習於遊戲，唔好浪費漫長暑假！HelloToby為大家嚴選香港10大平價抵玩 親子好去處 ，讓你今個暑假同家人共享家庭樂！
1）香港公共博物館
想小朋友學習更多課外知識，博物館絕對係首選。最近香港科學館就舉行咗古埃及嘅專題展覧，有得睇超過200件珍貴文物同木乃伊，了解了古埃及人嘅宗教信念同習俗。歷史博物館同文化博物館亦分別有清宮帝后誕辰慶典嘅珍貴文物展同故宮養心殿文物展。
4歲以下嘅小朋友，只要有買咗票嘅爸爸媽媽陪同下就可以免費入場。至於科學館同太空館都係逢星期三免費入場參觀，所以一家人去最抵就係揀星期三去喇！如果打算全家得閒就去博物館玩，咁買張家庭通行證（$100）全年無限次參觀各大博物館就最經濟實際。
2）嘉道理農場暨植物園
位於大埔大帽山嘅嘉道理農場以自然保育、多元整全教育同永續生活為核心項目，園內設有不同種類嘅動物同植物教育展覽同低碳生活展區，又不時舉辦採收食材、養蜂班、採茶體驗營等，又可同動物全接觸，係小朋友親親大自然嘅好地方。此外，嘉道理農場仲有多個特色花園、亭台同生態徑，行得攰時就可以一家大細邊野餐邊欣賞園內優美風景。
3）香港動漫海濱樂園
香港動漫海濱樂園位於灣仔金紫荊廣場旁邊，以自拍為主題，展出30個香港原創動漫角色嘅塑像，好似13點、聾貓、癲噹同家傳戶曉嘅老夫子等，最啱全家自拍「打卡」留念。樂園又有多個甚有本土特色的動漫場景，如打麻將、叮叮電車、跳飛機等，等小朋友都有機會體驗一下地道文化同遊戲！
4）T·Park源．區
屯門「T·Park源．區」係近年新開嘅環境教育中心，雖然位置偏遠，但就勝在完全免費，而且內容多元化，可以俾小朋友認識轉化為能、污泥處理、同自然生態等課題。園內仲有戶外足浴池、雀鳥保護區同戶外園林花園，一家大細可以享受下大自然。不得不提嘅係園內最受歡迎嘅免費Spa「源．泉」，一邊嘆Spa一邊欣賞后海灣嘅無敵海景夠晒寫意，不過想浸Spa就要記得提早預約喇！
5）濕地公園
講到學習自然生態，梗唔少得香港濕地公園啦！園內嘅濕地保護區有唔同種類嘅雀鳥、蝴蝶、兩棲、爬行類同魚類，讓訪客近距離欣賞香港大自然之美。而「濕地互動世界」就設有主題展覽廊、3D濕地影院、放映室、錯視藝術畫同兒童遊戲區，內容多元化。今個夏天濕地公園更會逢星期六日舉辦「夏日濕地家庭樂」，有多個啓發小朋友創意嘅玩樂攤位，只要持有濕地公園入場門劵就可以免費玩喇！
6）康文署水上活動中心
難得放暑假點少得去海邊玩下水上活動消暑呢？康文署轄下5個水上活動中心就提供康樂艇、獨木舟、彩艇、舢舨、水上單車、風帆同滑浪風帆等各式各樣嘅水上活動設施同訓練課程，選擇多之餘收費亦夠實惠。
識游水，自然玩水上活動玩得更放心更開心！即刻搵個游泳班，讓你或你家人練好泳術，迎接夏日！有興趣學埋划船、滑水同衝浪嗎？即上HelloToby平台免費搵水上活動導師啦！
7）康文署兒童遊戲室
如果小朋友年紀較細，想佢哋玩得安全又開心，不妨諗下康文署嘅兒童遊戲室！康文署轄下各區嘅體育館都設有兒童遊戲室，康樂設施以馬戲班、海洋、太空同森林等為主題，適合4至9歲嘅小朋友。呢類兒童遊戲室不但費用全免，而且場內一般都鋪上軟墊，家長又可以喺場外邊嘆冷氣嘆等，天氣再熱都唔使怕啦！按此了解各區體育館兒童遊戲室位置。
8）挪亞方舟及馬灣公園
挪亞方舟今個暑假推出「玩轉機械智激Fun」，俾一家大細大玩機械主題遊戲。不過如果嫌門票稍貴嘅話，可以改為去旁邊嘅馬灣大自然公園，除咗有多個特色花園可影靚相之外，仲有探索宇宙奧秘嘅太陽館同學習防火知識嘅教育中心，最重要嘅係免費入場，又可以寓學習於娛樂！
9）將軍澳香港單車館
香港單車館嘅兒童遊戲室以極限運動（X-games）為主題，場內有滑梯、賽車、車胎等康樂設施同擺設。室內唔夠玩喉嘅話，家長可以帶子女去館外嘅室外兒童遊樂場同模型船池玩。公園內有大片草坪同人工湖，攰嘅時候可以草地上休息食嘢，享受下野餐樂。
10）香港動植物公園
香港動植物公園係香港市區少數可以睇到不同種類野生動物嘅地方，上年年尾更新設咗「狐獴之家」，養咗兩隻得意可愛嘅雌性狐獴。如果睇完仍意猶未盡嘅話，可以順道去埋鄰近嘅香港公園，玩下最近重開嘅長滑梯。其實市區仲有唔少公共公園值得一家大細去，好似九龍寨城公園、南蓮園池同大埔海濱公園等，交通都很方便。
——
【想搵更多兒童節復活節好去處？】
兒童節 X 復活節主題工作坊 – 全部都有獨家報名優惠！HelloToby都知道香港啲父母要諗活動俾小朋友玩都好頭痕，所以為各位港爸港媽搜羅咗多個好玩工作坊 – 而且保證全部 100% 有報名優惠 (有唔少工作坊都提供緊親子同行優惠)！
現時 HelloToby 上囊括嘅工作坊類型包括自助畫室、永生花、食物製作等，一定夠多花款畀每位大小朋友去玩！
想放假有個輕鬆既親子活動，同佢一齊上堂整手作仔就最發揮到小朋友無限既創意！你同小朋友一齊整嘅作品未必會係世界上最完美嘅藝術品，但係一定會係世界上最美好嘅親子回憶！既然 HelloToby 都提供埋獨家報名優惠畀大家，大家就唔好再等啦，即刻去報名啦！
延伸閱讀：【夏日好去處】香港10大必去靚景 沙灘
延伸閱讀：【 游泳班 開鑼】搵教練 學游水 6大須知（兒童泳班 + 成人泳班）
緊貼HelloToby Blog同Facebook Page，隨時搵HelloToby幫手！
