炎炎夏天又到，有乜消暑活動及得上去 水上樂園 玩水？HelloToby為大家搜羅咗港澳等隣近地區6個消暑水上活動，保證大人細路都啱玩。今個暑假一於玩盡各個 水上樂園 ，過個涼浸浸嘅夏天！
1）白鷺湖互動中心：CORE水上充氣樂園
今年6月，大埔白鷺湖互動中心將推出大型水上充氣樂園，除咗大型水上浮台外，仲有多條滑水梯、水上彈床同滑水賽道等設施，大人細路都啱玩！每節可玩1個鐘，門票價錢為$138，大小同價，而家提早網上訂票嘅話就可以優惠價$108訂購門票！
地址：大埔大埔滘紅林路2號
門票：$138（大小同價）/ 網上購票$108
2）小欖夏日充氣水上樂園
小欖燒烤樂園今年將會於7月至9月期間（逢周六日）推出充氣水上樂園，園內有滑水梯、滑水賽道同大水池等超過10個充氣玩水裝置，又有水彈戰區同水槍迷宮，玩完可以BBQ醫肚。每節可以任玩2個鐘，收費為$120 – $170（視乎入場時段），大小同價。
日期：2017年7月1日 – 9月10日 （星期六及日）
地址：屯門青山公路小欖段（近水警宿舍）
門票：$120 – $170（視乎入場時段）/ 任玩3連節套票$340
3）白石夏日充氣水上樂園 + 狗狗ALOHA夏水禮
白石夏日充氣水上樂園將於今年6月開幕！園內有多款彈床滑梯、水彈戰區、4個充氣水池同10條滑水梯，門票$180起！有養狗嘅仲可以順便帶埋狗狗嚟玩園內嘅ALOHA夏水禮，每節只需$50，狗狗就可以享受狗狗泳池同沖身設施45分鐘！園內仲會提供寵物專用救生衣，就算狗狗唔擅長游水都唔怕！
地址：馬鞍山白石第1950號
門票：$180 – $240（視乎入場時段）/ 狗狗ALOHA夏水禮$50
網址：白石燒烤官網 / 白石燒烤Facebook專頁
溫馨提示：所謂「欺山莫欺水」，識游水，自然玩水上活動玩得更放心更開心！即刻搵個游泳班，讓你或你家人練好泳術，迎接夏日！
講起水上活動，你仲想學划船、滑水同衝浪嗎？即上HelloToby平台免費搵水上活動導師啦！
4）南丫島模達灣西沙水上活動中心：2小時任玩
位於南丫島模達灣嘅西沙水上活動中心，由5月底開始推出水上活動優惠，大人小朋友都啱玩！活動中心內設施有：水上衝關幸福輪、水上擂台、水槍/水槍背囊、親子手攪船、青蛙仔獨木板、電動浮板等好多水上玩意，真係有排玩。收費方面，平日2小時$220，而周六日及公眾假期就2小時$250；7日前預訂及付清費用，仲可加送1小時任玩。
日期：2017年5月28日 – 10月8日
地址：南丫島模達灣7號
門票：2小時$220（一至五，需先預約）/ 2小時$250（周六日及公眾假期，11:00am – 5:00pm）
網址：西沙水上活動中心 / 西沙水上活動中心Facebook專頁
5）澳門天浪淘園
嫌香港嘅水上樂園太細，又唔怕去遠少少嘅話，咁就一定要去澳門最大型嘅水上遊樂設施天浪淘園喇！天浪淘園面積超過70,000平方米，有白沙灘、滑水天梯、兒童水上遊戲專區同小童游泳池等設施，不過必玩推介一定要數園內全球最大嘅空中衝浪池同全球最長嘅空中激流滑水道。全日通門票為澳門幣$468，二人票為澳門幣$888（限時優惠）。如果你預算充足，可以索性入住銀河酒店、澳門大倉酒店、澳門悦榕庄、澳門JW萬豪酒店或澳門麗思卡爾頓酒店，既可免費任玩天浪淘園設施，又唔使咁趕可以玩足全日！
地址：澳門路氹城「澳門銀河™」綜合渡假城
門票： 澳門幣$468 / 限時優惠二人票澳門幣$888
網址：澳門天浪淘園官網
6）澳門巴黎人水世界
澳門好玩嘅水上主題樂園又點止天浪淘園？上年新開幕嘅巴黎人水世界有各式各樣嘅水上遊樂設施，最好玩嘅就不得不提12米高嘅旋轉滑水道。另外園內仲有巨型海盜船，有水槍、吊籃、水上管道同搖擺木橋等，又有為兒童專設嘅水滑梯、游泳池同翻斗樂，小朋友實鍾意玩。水世界入場費平天浪淘園一半有多，入住客人仲有9折購票優惠添！
地址：澳門路氹金光大道連貫公路澳門巴黎人6樓
門票： 澳門幣$160 / 家庭套票（買3送1）澳門幣$480
網址：巴黎人水世界官網
同場加映：長隆水上樂園
曾經蟬聯「全球最佳20個水上樂園」排行榜榜首嘅長隆水上樂園，擁有多款好玩又刺激嘅水上遊樂設施，例如「超級大喇叭」、「超級巨獸碗」、可體驗3米高巨浪衝擊嘅「巨洪峽」同全長近200米嘅巨型滑水道「巨蟒滑道」等。園內仲有奇妙親子水城，有專為家庭設計嘅親子滑道、水城、水迷宫同嬉水區，唔使驚設施唔啱小朋友玩。
地址：廣州市番禺區番禺大道
門票：人民幣$200 / 小童及長者票人民幣$140
網址：長隆官網
想喺夏天來臨前學識游水？立即上我哋嘅免費平台搵游泳教練教你啦！
你本身係游泳或水上活動教練，想加入HelloToby平台搵新客戶？
——
延伸閱讀：【Toby 限時搶購】 夏日美甲試做價 Soft/Hard Gel 低至36折
延伸閱讀：【 Toby 限時搶購 】 剪髮、焗油護理、電染低至3折
延伸閱讀：【夏日好去處】香港10大必去靚景 沙灘
延伸閱讀：【 游泳班 開鑼】搵教練 學游水 6大須知（兒童泳班 + 成人泳班）
緊貼HelloToby Blog同Facebook Page，隨時搵HelloToby幫手！
