【 Playgroup 一定要join? 】 Playgroup課程 有啲咩好處?

正所謂:「養兒一百歲,養兒九十九。」現今社會競爭激烈,更有唔少家長相信「贏在起跑線」嘅講法,從小就目標培育子女成為社會人才。針對呢個潮流,坊間有唔少 Playgroup 開到成行成市。雖然有人批評部分家長係出於羊群心態,先為子女報名參加 Playgroup課程 ,但其實對於家長同小朋友都有唔少好處!

1) Playgroup課程 教啲咩?

幼兒Playgroup 專門為六個月半大至三歲大嘅小朋友而設。正常嚟講, Playgroup學校 會為小朋友設計唔同活動,發展小朋友嘅 潛能 ,包括唱歌、跳舞、做手工等等 兒童興趣班 嘅活動。目的就會為了小朋友學懂唔同能力,例如 社交技巧,情緒管理,培養小朋友好奇心等等。

Playgroup

 

2) Playgroup好處 — 家長點解要俾小朋友 join Playgroup ?

2.1) 家長工作繁重

現今都市人工作繁重,未必可以付出太多時間照顧小朋友。連和小朋友的相處時間都冇,枉論親自教導小朋友各種做人嘅道理。Playgroup嘅出現就係針對呢啲情況,家長可以喺一星期入面抽出少量時間,和小朋友一齊上堂,學習唔同嘅新事物。

  Playgroup導師 

 

2.2) 減輕教小朋友的負擔

正如上文提到,大部份在職家長都未必有太多時間同小朋友相處,教導小朋友應該如何待人處事。但「三歲定八十」,小朋友良好嘅習慣要由細培養起,家長身教對於小朋友嘅重要性不言而喻。坊間不少 Playgroup 都有教小朋友如何喺遊戲之中守紀律,同其他小朋友和平相贏。

Playgroup課程

 

2.3) 認識其他家長

由於大部份Playgroup課程都規定家長要和小朋友一齊上,所以上Playgroup的確可以俾家長之間認識大家。因為 Playgroup 亦會要求同齡嘅小朋友一齊上堂,家長自然會有唔同育兒話題,例如報咩幼稚園好 同埋 要上咩其他興趣班。Playgroup 無形中形成一個平台,俾一班家長交換情報。

 

想參加興趣班陶冶性情? HelloToby 已經幫你搜羅好!

即搵 興趣班

 

3) Playgroup 對小朋友有咩好處?

3.1) 培訓社交

現今社會上有唔少核心家庭,家中只得一個小朋友。小朋友喺屋企唔係同父母長輩相處,就係同 外傭 朝夕相對,缺乏同同齡小童相處嘅技巧。學前班嘅出現就可以俾機會小朋友同其他小孩相處。小朋友參與 Playgroup 嘅活動,正正可以同其他小朋友遊戲學習同時,認識到社交技巧。

 

3.2) 及早發現小朋友學習問題

市面上有唔少 Playgroup導師 係專業治療師或者有多年教學經驗嘅幼稚園老師,佢哋對於不同小朋友學習或社交障礙有相當嘅認識。透過長時間的課堂學習同相處,老師可以留意到小朋友有冇患上唔同類型發展障礙,例如專注力不足、亞氏保加症、過度活躍症等等。家長如果有任何懷疑,可以向 Playgroup導師 查問。

幼兒playgroup

 

3.3) 提升面試技巧

為咗迎合家長「贏在起跑線」嘅心態,坊間有唔少 Playgroup 都有教授小朋友面試技巧,教導小朋友到時面試會遇到嘅唔同情況。同時,依家有唔少幼稚園面試都係測試小朋友嘅社交技巧或者自理能力。大部份Playgroup正正就係針對訓練小朋友以上的能力。所以話,參加 Playgroup 對於小朋友將來升幼稚園會有一定幫助。

playgroup導師

 

儘管參加 Playgroup 對於家長同小朋友都有裨益,但係亦要適可而止。家長要留意小朋友習唔習慣 Playgroup 嘅教學模式,亦要留意 Playgroup導師 的個人資歷,咁樣小朋友先會學得其所。

即搵 兒童Playgroup

你係 Playgroup導師 ?加入 HelloToby 平台搵新客戶啦!

免費註冊為專家

>>> 【 HelloToby 專家攻略】報價必勝法!贏在起跑線的7秒鐘 <<<

——

相關閱讀:【 善用暑假 學新嘢 】精選6大另類好玩 暑期興趣班

相關閱讀:【 家長必讀 】 10大有助子女升學的 興趣班

緊貼HelloToby BlogFacebook Page,隨時搵HelloToby幫手!

Leave a Reply

Your email address will not be published. Required fields are marked *