【Playgroup 一定要join?】Playgroup 課程有啲咩好處?

更新於2021年08月13日

正所謂:「養兒一百歲,養兒九十九。」現今社會競爭激烈,更有唔少家長相信「贏在起跑線」嘅講法,從小就目標培育子女成為社會人才。針對呢個潮流,坊間有唔少Playgroup開到成行成市。雖然有人批評部分家長係出於羊群心態,先為子女報名參加Playgroup課程,但其實對於家長同小朋友都有唔少好處!

快速瀏覽

Playgroup課程教啲咩?

幼兒Playgroup專門為六個月半大至三歲大嘅小朋友而設。正常嚟講,Playgroup學校會為小朋友設計唔同活動,發展小朋友嘅潛能,包括唱歌、跳舞、做手工等等兒童興趣班嘅活動。目的就會為了小朋友學懂唔同能力,例如社交技巧,情緒管理,培養小朋友好奇心等等。

家長點解要俾小朋友join Playgroup?

家長工作繁重

現今都市人工作繁重,未必可以付出太多時間照顧小朋友。連和小朋友的相處時間都冇,枉論親自教導小朋友各種做人嘅道理。Playgroup嘅出現就係針對呢啲情況,家長可以喺一星期入面抽出少量時間,和小朋友一齊上堂,學習唔同嘅新事物。

減輕教小朋友的負擔

正如上文提到,大部份在職家長都未必有太多時間同小朋友相處,教導小朋友應該如何待人處事。但「三歲定八十」,小朋友良好嘅習慣要由細培養起,家長身教對於小朋友嘅重要性不言而喻。坊間不少Playgroup都有教小朋友如何喺遊戲之中守紀律,同其他小朋友和平相贏。

認識其他家長

由於大部份Playgroup課程都規定家長要和小朋友一齊上,所以上Playgroup的確可以俾家長之間認識大家。因為Playgroup亦會要求同齡嘅小朋友一齊上堂,家長自然會有唔同育兒話題,例如報咩幼稚園好同埋要上咩其他興趣班。Playgroup無形中形成一個平台,俾一班家長交換情報。

Playgroup對小朋友有咩好處?

培訓社交

現今社會上有唔少核心家庭,家中只得一個小朋友。小朋友喺屋企唔係同父母長輩相處,就係同外傭朝夕相對,缺乏同同齡小童相處嘅技巧。學前班嘅出現就可以俾機會小朋友同其他小孩相處。小朋友參與Playgroup嘅活動,正正可以同其他小朋友遊戲學習同時,認識到社交技巧。

及早發現小朋友學習問題

市面上有唔少Playgroup導師係專業治療師或者有多年教學經驗嘅幼稚園老師,佢哋對於不同小朋友學習或社交障礙有相當嘅認識。透過長時間的課堂學習同相處,老師可以留意到小朋友有冇患上唔同類型發展障礙,例如專注力不足、亞氏保加症、過度活躍症等等。家長如果有任何懷疑,可以向Playgroup導師查問。

提升面試技巧

為咗迎合家長「贏在起跑線」嘅心態,坊間有唔少Playgroup都有教授小朋友面試技巧,教導小朋友到時面試會遇到嘅唔同情況。同時,依家有唔少幼稚園面試都係測試小朋友嘅社交技巧或者自理能力。大部份Playgroup正正就係針對訓練小朋友以上的能力。所以話,參加Playgroup對於小朋友將來升幼稚園會有一定幫助。

想好好培育小朋友?只需3步,物色全港最佳兒童Playgroup

服務評價

5.0
(71)
Emily Cao
5.0
2021年11月03日

老師有愛心,小朋友好開心 😚

Miss Wong
5.0
2019年11月08日

非常用心,教學亦相當有趣,能營造一個很好的上課氣氛

Andy Ho
5.0
2019年08月10日

老師教得好用心 原本怕自己跟唔上 但係目前都唔錯 而且小班教學 更容易得到針對性既指正同教導

更多資訊