2020 母親節日期 ？ 5月10日啊！ 你哋諗咗點同母親大人慶祝母親節未啊？怕行街、睇戲、食飯太多人？不如先準備母親節禮物，再同媽媽人少少去 relax 享受下啦！每年送花送康乃馨比較「行貨」，氹媽媽開心當然唔能夠太求其。Toby 提議 9招最易冧掂媽咪嘅招數，無論你媽咪係節儉型、貴婦型定潮媽型，總有一款啱佢心水。正所謂「 世上只有媽媽好 」，各位仔女行動啦！
1） 母親節送花新意思
除咗情人節之外，相信最多人會喺 母親節送花氹媽咪開心。一大束嘅鮮花毋疑係恆久之選，但年年送鮮花可能毋冇乜新鮮感。近年，花藝界 興起送附有禮物嘅花盒、 彩虹玫瑰以及韓式保鮮花，亦係唔錯嘅選擇。仲想搞搞新意思？可以考慮送迷你生態盆景，又或者多肉植物盆栽，包保啱晒喜歡園藝嘅媽咪啦！
想輕鬆 母情節訂花 ？ Toby 幫到你！
想知更多母親節送花 Ideas，即睇：【仲送康乃馨 ？】 母親節送花 攻略 2018：搞搞新意思！
2） 心意手作仔 — 母親節小禮物
部分媽媽最怕仔女「大花筒」，買太貴嘅禮物反而令佢覺得好肉赤。對於低調型媽媽嚟講，仔女送禮係「物輕情義重」，只要禮物有心思同誠意都會收貨㗎啦！花唔一定要用錢買，自己 DIY 都得㗎！喜歡紙藝嘅朋友不妨用色紙整花，只要手工做得好，花束幾可亂真。前幾年興起整皮熱潮，今年可以試整皮革花頭飾首飾。
想一展巧手 DIY 母親節禮物 ，但無從入手？ Toby 嘅手工藝導師幫到你！
3） 愛心住家飯 — 實用母親節禮物
講到心意當然唔少得自己親手煮一餐飯。不過，煮飯好考功夫，廚藝好梗係無問題啦！但如果你係「地獄廚神」的話，隨時搞到媽咪冇啖好食。唔想弄巧反拙就參考簡單啲嘅食譜啦！建議唔擅長煮食嘅你烹調「焗」或者「蒸」嘅菜式，比較需要少啲技巧。
如果真係好唔想出去 母親節食飯 ，但又好怕自己變成「地獄廚房」，其實 Toby都幫到你嘅~
4）甜蜜糖衣蛋糕
想甜蜜到底，仲可以整埋甜品㗎！市面上好流行糖衣蛋糕以及韓式唧花蛋糕，雖然味道比較甜，但勝在可以造出唔同形狀，既可以整你一家大細嘅模樣，又整到你媽媽鍾意嘅手袋、高踭鞋或者化妝品。唔識整蛋糕？無咁高技術？可以搵個烹飪班學下唔同烘焙技巧。
5） 做Spa嘆世界 — 寫意慶祝母親節
人人都知媽咪唔易做，除咗懷胎十月，又要廿四小時湊仔，甚至乎要兼顧工作。母親節想孝敬媽咪？不如帶佢一齊做Spa輕鬆下啦！其實，做 Spa 唔一定喺東南亞渡假勝地，香港最普遍嘅 Spa 有美容療程、身體療程、腳底按摩、芳香療法、活水療法同近期大熱嘅古法蒸身 。幫媽咪舒筋活絡之餘，自己都開心啦！爽呀！
由2020年5月10日到5月17日，Toby 仲有限定母親節低至一折按摩優惠，更有機會獲得崇光百貨SOGO $100 現金券，仲唔快啲搶購！？
6） 美甲扮靚靚 — 帶媽媽華麗變身
小時候你可能有試過同媽咪著母女裝，但長大後著到一模一樣就好尷尬啦！如果想重拾當年溫馨感覺，可以兩母女一齊美甲扮靚靚。始終做家務好容易有主婦手，美甲、護手療程就可以呵護番媽咪嘅皮膚。最緊要美甲過程中，有時間同媽咪坐低慢慢談心，讓媽咪了解多啲你成長後嘅生活。
7） 親子興趣班
爸爸媽媽花大半生時間去供書教學、養兒育女，都較少機會發展自己興趣同專長。有冇諗過喺自己有能力嘅時候帶番佢哋探索人生呢？又或者一齊做有意義嘅事來換取更多 Quality Time？於母親節安排親子活動，陪媽咪學習進修可以創造更多與家人之間嘅回憶。建議一家人去參加基礎雙人瑜伽班，學習靠對方助力完成動作，增加雙方信任感、默契、協調以及耐心。另外，跳Tango、學打網球、跳社交舞、詠春班、太極班等等亦係唔錯選擇。
8） 深情自彈自唱 — 母情節慶祝必備
冧媽咪仲有好多絕招，唔怕肉麻嘅你可以飯後自彈自唱，獻歌傳情一定氹到媽咪笑住入睡。唔識彈琴同唱歌？唔使擔心！而家開始秘密練兵都唔遲，相信當日都可以演出簡單樂曲。樂器種類繁多，價格有平有貴，新手可以考慮學比較易上手嘅夏威夷小結他、木結他以及鋼琴。
9） 美容療程齊變靚 — 母親節活動貪靚必做
母親一年365日不辭勞苦辛勤工作照顧家庭，連扮靚嘅時間都無，母親節 點都要俾媽咪休息下。想幫媽媽擊退歲月滄桑，仲有時間嘅痕跡？如果你係貪靚軍團嘅一份子，趁母親節帶媽媽一齊去做美容療程就最適合！除咗可以幫媽咪美白、保濕、去皺、緊緻皮膚，仲可以喺阿媽面前 Show Off 下你嘅美容知識，教教媽咪點樣青春常駐！
想同媽媽一齊做 facial，Toby 為你精選至抵母親節美容 package，由2020年5月10日到5月17日仲有機會獲得崇光百貨SOGO $100 現金券！
以上Idea都唔啱你？唔緊要，Toby 仲有好多不同服務，可以發揮下你嘅創意，做好準備去慶祝一個最特別嘅母親節！但講到最尾，只要你有感謝媽媽嘅心，其實就已經好夠！
你有專業技能，可以提供服務？加入 Toby 平台搵新客戶啦！
——
