很多寵物主人因為工作或外遊而冇時間照顧寵物時,都會選擇搵 寵物保姆 幫手,一來怕生慢熱嘅寵物唔太適宜入住 寵物酒店,二來有專業人士照顧寵物嘅起居飲食,就算人在外地都可放心。如果你正想揾專人幫手 照顧寵物 ,不妨參考以下收費指南,了解使用 寵物託管 服務需要幾多預算啦!
1) 寵物託管 具體收費
寵物託管 服務主要可分為 寵物寄養 同 上門照顧 兩個服務種類,一般按服務時間收費。
如果你只需寵物保姆上門幫你照顧寵物嘅日常飲食、陪伴寵物玩樂,同基本清潔等,咁收費會以小時計算,平均為每小時$100-$300。如果你希望有專業 寵物保姆 全天候24小時照顧你嘅寵物,咁 寵物保姆 亦可提供 寵物寄宿 、 寵物寄養 服務,主要按日數收費,毎日約為$400-$800不等,通常已包括餵飼、清理大小二便、玩樂等基本服務。部份 寵物保姆 會按寵物體型調整收費,譬如貓同小型犬(如松鼠狗同芝娃娃)為$400起;法國鬥牛犬、沙皮狗等中型犬就約$500起;雪橇犬、拉布拉多同黃金獵犬等大型犬則為$700起。
整體嚟講, 寵物保姆 收費會比 寵物酒店 較便宜。
2)工作內容
寵物託管 服務主要可分為 上門照顧 同 寵物寄養 兩個服務種類。一般來講,寵物保姆提供上門照顧服務,內容包括餵食、換水、陪伴寵物玩樂(如放狗散步)同清理大小二便。至於 寵物寄養 服務主要兩種形式,你可請寵物保姆上門過夜照顧寵物,又或者將寵物暫時寄託於保姆家中,通常基本服務已包括照顧寵物嘅日常飲食、基本清潔同陪伴寵物玩樂。要留意嘅係,有時寵物或會因轉換食糧而出現腸胃不適嘅情況,所以有時寵物保姆會建議寵物主人自備寵物慣常食用嘅糧食。
此外,唔少寵物保姆會定時拍攝寵物生活照,再透過Whatsapp、短訊或電郵方式讓主人了解寵物嘅日常生活狀況。
3)額外收費
部份 寵物保姆 會按超時工作收取額外費用,至於交通費則視乎情況而定,如果你嘅住所較偏遠,寵物保姆 或會向你收取$15-$20不等嘅交通費津貼。此外,好多 寵物保姆 可提供 寵物美容 服務,包括洗澡、梳毛、修甲同擠肛門腺等,按寵物體型計算,小型犬為$150-$250,中型犬為$250-$350,大型犬為$350-$700不等。
想立即免費獲取及比較不同的寵物保姆的 寵物託管 費用?即上HelloToby!
你可以提供 寵物託管 服務?即上HelloToby免費登記搵更多生意啦!
——
延伸閱讀:【農曆新年去邊好】5大 新年旅行 好去處
延伸閱讀:【 HelloToby 服務價格指南 】貓狗沖涼貴唔貴? 寵物美容 價錢視乎品種與體型
緊貼HelloToby Blog同Facebook Page,隨時搵HelloToby幫手!