【專家故事】點對點搬運服務成功報價獲生意80次

忠信搬運（Faithful Moving）開業近8、9年，自2017年5月加入HelloToby平台，接獲超過80宗生意，順利為50多位客戶提供 搬屋服務 。短時間內得到咁多客人青睞，究竟忠信搬運有乜成功之道呢？面對搬運服務市場上各式各樣競爭對手，佢又憑乜突圍而出呢？以下就等忠信搬運負責人Sam同大家分享心得。

報價後妥善跟進

唔少HelloToby服務專家，都會希望能夠被客人挑選。忠信搬運負責人Sam從佢經驗話俾我哋知，成功得到一宗生意除咗報價識得揚長避短之外，仲在乎服務專家有冇運用合適態度同心機與客戶溝通。報價快固然重要，能夠把握客戶最有潛力購買一刻，而報價後Sam亦主動提出免費上門諮詢，了解客人搬運數量、空間安排等實際需要，吸引客人促成生意。

你都正在尋求搬運服務？不妨到 HelloToby 落單，讓搬運公司幫你處理大小事務。

即搵搬屋服務

點對點搬運服務

良好待客之道屬於提高服務質素嘅軟件，至於硬件就非公司政策及定位莫屬。Sam指出設立忠信之初，將公司定位為「搬運服務」而非「搬屋服務」，乃希望公司服務多元化。實際工作包括搬屋、搬寫子樓、棄置服務、中港搬運、海外搬運，甚至重型機器搬運。保證搬離舊址後，提供一條龍服務為客戶清場，處理或棄置舊傢俬，讓客戶能夠安心布置新居或新辦公室。

近年，市面上出現唔少年輕同行以電召貨車模式密密接客，Sam認為忠信搬運有過之而無不及嘅地方。點對點服務方式唔局限於運送，仲有幫客人還原家居同善後，替顧客購買保險。整個搬運及善後過程安排比較周詳，一旦簽訂合約便會準時到達，唔使驚司機失約。公司政策亦較為嚴謹同跟足法例，例如棄置廢物一定會到政府指定地點，而唔會「隨街扔」，對客人有更充足嘅保障。與新型競爭者比較，兩者客源仍有不同地方，市場上不會被對方過分佔有。