【我想做專家】如何成為專業 化妝師 ?5個步驟話你知

化妝雖然看似簡單,但要配合唔同人嘅五官特色、配合唔同場合,化出適合嘅妝容就唔係人人都做得到。如果你有志成為專業 化妝師 ,自己接Job做,就要睇睇以下5個成為化妝師嘅必知要點!

 

1)準備一定資金

要成為化妝師,你除咗要報讀化妝課程進修,仲需要添置不同類型嘅化妝品同工具,加加埋埋可能已經要$50,000 – $80,000。此外,剛入行時收入不穩唔係成日都接到Job,所以最好都係儲多個錢,以備不時之需。

 

2)報讀化妝課程

唔好以為鍾意化妝就可以成為專業化妝師,淨係講興趣係唔夠,最好都係搵間正規嘅化妝學校修讀相關課程。香港有唔少化妝學校,課程內容涵蓋日妝、晚妝、新娘化妝、舞台化妝,甚至特技化妝。除咗化妝技巧外,仲會學習分析客人的皮膚、五官同面型等理論知識。如果經濟能力許可,有人更會選擇到英國、美國、加拿大同澳洲等國家深造。

想搵化妝班?HelloToby都可以幫到你!

即搵化妝班

 

3)考取專業資格

雖然做化妝師冇規定一定要有專業資格,但擁有認可性高嘅相關證書,絕對可提高你嘅競爭力。英國ITEC國際化妝證書及文憑,可以話係市場認受性最高嘅職業資格證書,以第3級程度最高。如果你想考取ITEC,最好都係報讀針對考試設計嘅相關課程,因為ITEC嘅考試內容除咗實務化妝考試外,仲要提交個人作品集同考筆試,唔係咁簡單就可考到。其他專業資格試包括瑞士CIDESCO國際美容師文憑同英國CIBTAC資格證書。

 

4)積極參加實習

每個人嘅五官、面型甚至皮膚狀態都各有差異,想磨練化妝技術,多練習就唔使講,平日多做主動,積極參與化妝學校提供嘅實習機會,增加經驗。亦可以搵下親朋戚友,幫佢哋化妝做練習,相信大家都會好樂意俾你試妝。

 

5)擴大人際網絡

新入行嘅化妝師面對最難嘅問題,就係唔係成日接到Job。其實化妝師好多時都係靠熟人或舊客轉介接Job。唔想呆在家中等運到,就要建立自己嘅人際網絡。譬如多結識朋友,平日多同客人保持聯絡,空檔時多同攝影師或其他人工作人員溝通,建立關係。人哋見你掂,就自然會介紹工作俾你啦!

HelloToby提提你:記住,你可以上我哋平台登記做化妝專家,接觸到更多有需要嘅客戶!

馬上登記做化妝專家 

相關閱讀:【 HelloToby 專家全攻略】如何註冊成為專家 + 如何報價

 

想搵化妝師?HelloToby平台上有許多專業化妝師提供不同類別化妝服務,包括:婚禮化妝活動化妝攝影化妝表演化妝社交活動化妝兒童活動化妝等,即刻上去搵搵!

——

延伸閱讀:做 Freelance 的10大貼士

延伸閱讀:你適合 做Freelancer 嗎?8大問題自我測試

緊貼HelloToby BlogFacebook Page,隨時搵HelloToby幫手!

Leave a Reply

Your email address will not be published. Required fields are marked *