萬聖節又到喇，今年Halloween去邊玩？不如睇下Toby介紹，唔止有大家常去嘅海洋公園哈囉喂同蘭桂坊Halloween party，一班朋友仲可以搵主題party room，無論係一班女仔姐妹扮靚打卡，定係BBQ玩飛鏢，總有你的心水地方同朋友一齊過個又驚又喜的萬聖節，而家預訂指定推介party room仲有Toby獨家優惠，你又點可以錯過？
萬聖節活動
1) 海洋公園哈囉喂全園祭
每年海洋公園哈囉喂嘅活動都唔會令一班鍾意刺激的朋友失望，今年依然主打大型全園恐怖氣氛，園內分成六個鬼域，身為香港人當然唔可以錯過以香港屋邨、鬼故為主題的「香港靈異結界」，結合小巴、屋邨等地道元素，玩完你仲敢唔敢搭小巴返屋企？
但海洋公園都照顧到想一家大細一齊同樂，今年仲同Line Friends 一齊喺哈囉喂舉行糖果祭，有Brown 同Cony同你「萌」住驚，仲唔叫埋班鍾意Line Friends 的朋友一齊Trick or Treat？
門票價錢及活動日期：
票價：
優越成人票$860；優越小童票$430
成人票$498；小童票$249
日期：2019年10月4, 11, 18-20, 24-27及31日
開放時間：10:00-00:00（部分哈囉喂景點將於下午不同時間開放）
詳情：https://www.oceanpark.com.hk/tc/park-experience/halloween-fest-2019
2）蘭桂坊萬聖節街頭派對
講到萬聖節，又點可以唔提燈紅酒綠的蘭桂坊。每年萬聖節，蘭桂坊都會聚集全城年輕少男少女，扮鬼扮馬，精心打扮萬聖節look，無論女鬼、護士、小丑女，定係公主、洋娃娃，總之萬聖節當晚，走近蘭桂坊範圍就如入了「鬼門關」，大大小小酒吧、餐廳各有主題party，定會有間啱你心水！
詳情：https://www.lankwaifong.com/zh-hant/
3）Party Room
唔想同人迫？想同朋友有多啲空間enjoy下、打下卡？不如考慮下租party room啦！香港有大大小小唔同的party room，無論係十人以內的mini party，定係想搞過百人的大型party，你都可以搵到適合的場地，仲可以自行準備想要的裝飾，無論想過甜美可愛的萬聖節，定係要嚇人恐怖主題，都絕對無問題。
加上party room 可以自行安排食物到會，更有party room 能提供BBQ場，要邊玩邊食完全無難度，仲可能有波波池、飛鏢、桌球、PS 4等設施，想點玩就點玩！
咁多party room 花多眼亂？Toby 就推薦以下4間party room，佢哋各有特色，仲有Toby 獨家優惠，鍾意玩的你就唔好錯過喇！
Buddy Buddy Home
位於荃灣的Buddy Buddy Home 就啱晒大人同小朋友喇！party room 內有波波池、小型滑梯、氣墊球外，仲有投影機、卡啦OK、Switch、Xbox、PS 4、Wii、VR等，無論大人定小朋友都可以玩得盡興啦，party room仲有開放式廚房同基本廚具，要親手下廚整萬聖節大餐都無難度。
地址：荃灣沙咀道40-50號榮豐工業大廈2501室
面積：2000平方呎（可容納60座位人數或100企位人數）
詳情：https://www.hellotoby.com/zh-hk/biz/buddy-buddy-home-荃灣
私竇
開party都想有屋企feel？私竇就好似你另一個家，場地以馬戲團為主題，分成兩大區——黑色型格，配以紅色地毯、枱櫈，啱晒萬聖節鍾意打扮成魔鬼、女巫的你；另一區以白色做主調，襯有木地板，氣氛居家柔和，襯晒咁多位女神、天使。一間party room 有齊天堂同地獄，啱晒Halloween主題啦！
地址：荃灣沙咀道57號荃運工業中心二期
面積：2300平方呎（可容納70座位人數或110企位人數）
詳情：https://www.hellotoby.com/zh-hk/biz/c-d-well-party-room-荃灣
JM PARTY
一班姐妹想喺Halloween扮靚打卡？梗係要揀間有無限打卡點的party room啦，JM Party 就啱晒充滿少女的你，呢間party room有兩個區域，Chill Pink以夢幻少女粉紅色做主調，有心形波波池同水晶吊燈，而Chill Gray 就係灰色主調的歐陸風，仲有特色星形波波池，萬聖節一樣可以走少女風！
地址：荃灣荃運工業中心一期1樓E室
面積：1700平方呎（可容納60企位人數）
詳情：https://www.hellotoby.com/zh-hk/biz/jm-party-荃灣
Celsius 15
嚟到Celsius 15，雖然都有卡啦OK、飛鏢同桌球等設施，但當然唔可以只留喺室內啦！Celsius 15 除咗有1500平方呎特大空間畀你佈置，無論係咩主題的party都可以滿足到你，仲提供天台供BBQ，兩層場地合共最多可以容納300人，仲唔叫多d 朋友一齊嚟enjoy the Halloween night？
地址：觀塘工業中心一期13樓C室
面積：3000平方呎（室內及天台各1500平方呎，各可容納50座位人數或150企位人數）
詳情：https://www.hellotoby.com/zh-hk/biz/celsius-15-觀塘-3
咁多選擇，今個Halloween 同朋友見面開party 總有著落啦！ 撳入嚟睇下心水party room的Toby 獨家優惠喇！
租完party room，煩惱緊點樣佈置到更有萬聖節氣氛？不如搵派對佈置同派對用品租賃專家幫幫手，大家就可專心扮靚enjoy喇！唔知萬聖節化妝髮型點樣整？仲可以搵埋活動髮型及化妝專家，幫你過個最靚的萬聖節！
你可提供派對相關服務？即上Toby平台登記做服務專家，幫你搵新客戶。
——
相關閱讀：【It’s Party Time】嚴選10大 包場派對 好地方（2019 更新版）
相關閱讀：【男士髮型 推介】2019 型男必梳 8個潮流髮型
相關閱讀：【平靚正之選】嚴選10大浪漫 香港拍拖好去處（2019 更新版）
緊貼Toby Blog同Facebook Page，隨時搵Toby幫手！
