2019 香港情侶好去處推介！
每逢周末都要煩惱同另一半約會嘅好地方？諗極都諗唔到有咩拍拖活動？
情侶拍拖嘅指定動作唔係行街、睇戲、就係食飯，不過成日行商場都咪話唔悶。想搞搞新意思，遠離繁囂嘅都市，趁假日同另一半享受下悠閒假期？HelloToby為大家精選咗以下 10 個位於港九新界、環境優美嘅拍拖好去處，最適合共度浪漫寫意嘅二人世界！而且重點係：平、靚、正！
| －香港各區拍拖好去處推介－ | ||
| 港島區 | 九龍區 | 新界區 |
港島區拍拖好去處
1）淺水灣
淺水灣係香港著名嘅旅遊景點，唔單止有舒適寫意嘅沙灘，沙灘旁更加有樓高六層嘅商場 the Pulse，內有各類商店同全港最大嘅 3D 藝術館。無論你同另一半鐘意欣賞海灘美景，定係行文青路線，淺水灣都一定能夠滿足你哋！
2）太平山山頂公園
太平山山頂公園係百年前港督別墅嘅「後花園」，又有「秘密花園」之稱。公園以古老維多利亞時期做主題，園内草木扶疏、風景優美。住港島嘅朋友，想去近近哋嘅「香港後花園」？呢度絕對係情侶周末拍拖嘅好去處！
Toby 3）鰂魚涌海濱花園
鰂魚涌海濱花園係少數有齊涼亭、座椅同狗糞收集箱嘅寵物公園，好適合有養寵物嘅情侶嚟拍拖放狗。呢度除咗有滿種樹木同灌木嘅綠化區外，仲有海濱步行道，可以一邊放狗一面欣賞維港美景。附近仲有太古城中心同蘇豪東，行到咁上下想揾餐廳醫肚都好方便。
↓想知其他香港拍拖好去處？即睇我哋嘅全港情侶活動指南！↓
拍拖好去處2019
九龍區拍拖好去處
4）深水埗南昌公園
深水埗南昌公園近年成為影相拍卡熱點，因為公園內不但有全港公園最大嘅草地，行人徑兩側更種咗約30棵黃花風鈴木，每逢春天就會盛放燦爛嘅黃花，同另一半喺滿天黃花下拖手散步夠晒浪漫。
（溫馨提示：想搵個專業攝影師幫你兩個影輯戶外寫真？即上我哋平台搵人報價。）
5）啟德郵輪碼頭公園
啟德郵輪碼頭公園位於舊啟德機場跑道，園內設有水景花園、中央草坪、觀景平台同噴泉廣場。周末最適合情侶一邊喺草地野餐，一邊觀賞維港兩岸嘅景色。而鄰近嘅啟德跑道公園亦係假日散步同欣賞海景嘅好去處。
（溫馨提示：迷人情調下，加送一束花會否更加浪漫？即上我哋平台搵花店幫手！）
6）將軍澳單車館公園
雖然將軍澳單車館公園內唔俾踏單車，但園內有攀石牆同模型船池等康樂設施，而且有大片草坪同人工湖，仲種咗宮粉羊蹄甲、白花洋紫荊同6棵櫻花，喺公園靜靜坐低談下心，簡簡單單又一日！
↓除咗呢啲拍拖勝地，香港仲有其他拍拖活動，即睇全港情侶活動指南慢慢發掘啦～↓
情侶活動2019
新界區拍拖好去處
7）愉景灣
想感受陽光與海灘，唔一定要去外國。愉景灣D’Deck嘅大白灣沙灘漫水清沙幼，呢度最近喺海濱建咗一條「心鎖長廊」，情侶可以自帶鎖扣掛喺圍欄上作紀念，然後再行下露天市集、乘坐開蓬馬車。到咗夜晩就喺附近嘅餐廳享用晚餐，一邊欣賞海景同迪士尼煙花，零舍有情調！
8）大尾篤
大尾篤位於大埔船灣淡水湖旁，沿住家樂徑一直行，可以欣賞到八仙嶺、鹽田仔同馬鞍山嘅自然美景。好動嘅情侶們可以租單車，又齊參加附近水上活動中心舉辦嘅水上活動訓練班，享受一下獨木舟、風帆同滑浪風帆等水上活動。
（溫馨提示：講開水上活動，有冇興趣學下滑水迎接夏日？即上我哋平台搵個滑水教練！）
9）塔門
塔門係位於西貢北嘅小島，擁有大片青草地，不時可以見到黃牛食草，欣賞到海天一色嘅弓背灣美景，好適合野餐同放風箏。想特別少少，可以沿住山路行，參觀一下呂字疊石、塔門洞同龍頸筋等島上名勝。
10）大嶼山海迎灘露營車
想揾個特別嘅地方享受二人世界?咁海迎灘露營車就好啱你。海迎灘位於大嶼山長沙海灘，景色優美。場內有多部露營車，而且有齊煮寫爐具、沙發電視、床褥被鋪等設備。怕悶嘅可以燒烤，又或者去海灘遊水、玩水上活動，好似去咗外國度假咁！
拍拖嘅最終目標梗係……結婚啦！講起結婚，HelloToby平台上有各種專家可幫到你籌備婚禮婚宴！
你都係服務專家，想加入 HelloToby 平台搵新客戶？
——
延伸閱讀：
全港活動指南喺HelloToby正式推出，當中仲有專為情侶而設嘅拍拖好去處指南 「情侶好去處」！消費活動有、免費活動都有，無論在內定室外、動態定靜態，都總會搵到一個今個假日嘅拍拖活動～！
除此之外，話唔定仲有各種Toby獨家優惠㗎，仲唔即刻睇下？
延伸閱讀：【香港行山路線推介】10大遠足行山好去處（2019 更新版）
延伸閱讀：【韓劇《 鬼怪 》迷必去】孔侑現身防波堤場景香港都有！
緊貼HelloToby Blog同Facebook Page，隨時搵HelloToby幫手！
