香港嘅打工一族工時長、壓力又大，加上近年全球經濟下滑及受到呢幾個月嘅疫情影響，好多人都被逼冇咗份工，亦變相令到好多有一技之長嘅人轉做One-man Band，由僱員成為自僱，自己成為自己業務嘅「獨資經營者」。自僱人士好處多，工作時間夠彈性之餘，又可以自己話事，唔使下下受老闆氣（不過都要受下客人氣嘅）。然而， 唔同自僱行業雖然都無明確入行門檻，但其實未必人人都可勝任！想轉做自僱人士接 Job？即刻問問自己以下8大問題，睇下自己適唔適合轉型啦！
1）你有一技之長嗎？
做得自僱人士，最重要梗係要有一技之長啦！無論你係做外語教師、影片製作定設計，最好有返至少1至2年相關工作經驗，如果擁有獲認可嘅資格證明就更理想，譬如曾修讀相關課程、持有牌照或專業資格，又或者喺公開試獲取佳績，先可以畀人專業可靠嘅感覺，放心將工作交畀你。
（網上圖片）
2）你可以長時間單獨工作嗎？
無論你做咩行業都好，平時都有唔少機會同其他同事合作，共同分擔工作，遇到唔明嘅地方又可以討論，互相發問。除咗同事仲有上司，會有工作指示畀你，亦會監察你工作進度同表現。
但成為自僱人士，作為自己嘅獨資經營者，就更講求事事親力親為，報價、見客、聯絡、管數樣樣都要自己一腳踢。如果你早已習慣單獨工作，咁要應付自僱工作相信都無乜問題。但如果你倚賴性高、性格不夠獨立嘅話，真係要三思。
3）你夠自律嗎？
唔好以為自僱做嘢「無王管」好爽，其實自己工作好講求時間管理同自制能力。好多時客人搵One-man Band或小型公司幫手都係急件，梗係希望服務提供者可以準時交貨。想同客人建立長期合作關係，就需要自律啲，唔可以下下臨急抱佛腳，又或者過咗死線都唔交貨。如果你有拖延嘅毛病，咁都會係你成為自僱人士嘅一大困難。
（網上圖片）
4）你對工作有要求嗎？
正如上文所講，做得自僱人士，要管理自己同公司，就一定要有自制能力，唔好諗住 hea做。唔單止樣樣嘢都要自己親力親為，仲要做得好、令客人滿意，先至能夠確保收到酬勞同埋工作長做長有。如果喺工作上有乜錯漏，唔會有人幫你檢查或「補飛」，全部都要自己一力承擔。所以絕不能做事馬虎，工作質素要有保證，之後先可以容易接到新Job。呢個係成為自僱之後獲得極大自由度嘅同時，需要付出嘅代價。
5）你已建有可靠人際網絡嗎？
要做成功嘅自僱人士，慢慢建立自己嘅小型公司，最重要嘅就係同客人建立關係，建立固定客源。最理想就係，你返 Full-time 時憑工作表現儲起一班相熟客人同經驗，咁自立門戶轉做自僱時，接到 Job 嘅機會都自然高啲。有時客人相信你嘅能力，更會向朋友或者其他客人推介，所以建立可靠嘅人際網絡對日後創業非常重要。
（網上圖片）
6）你有一定嘅溝通同談判技巧嗎？
自僱其中最大嘅難題就係要不時同客戶溝通談判。你要學識點樣推銷自己，了解客戶所需，同佢哋打好關係。此外，創業初期被壓價絕不稀奇，有時客人提出嘅交貨期限太趕，又或者有唔合理嘅要求，你識唔識得為自己爭取合理報酬同待遇就好重要！你可能覺得為公司吸客、儲客，一開頭蝕底少少唔緊要，不過長遠落去你會做得好辛苦，所以絕對唔可以怕同人據理力爭。
（網上圖片）
7）你有一定經濟基礎嗎？
你或會想轉做自僱，甚至創業開公司，但一開始客源未穩定，唔係成日都接到 Job，收入唔穩定之餘，市場上一般工作都係客戶先付訂金，完成工作後先至畀餘額，所以唔會個個月都準時出糧，再加上如果自己開公司，就更加會有一定支出。你可能唔介意暫時賺少啲，但計埋需要自我投資，譬如購買最新嘅電腦軟件、工具設備，甚至報讀進修課程等，所以儲返一定嘅資本至開始，先會對生活有保障。
8）你能忍受唔穩定嘅生活嗎？
如果轉做自僱人士，無論係One-man Band定開公司，都唔能夠指望可以每日朝九晚五準時返工放工，可能隨時會收到客人急 Call，周末同公眾假期工作亦係家常便飯，如果工作量大，又或者時間管理做得唔好，分分鐘要晚晚通頂、日日趕工，搞不好連放假抖下嘅時間都無，升職加薪同醫療福利更加唔使講。撫心自問，你能否忍受唔穩定嘅生活？如果你都係鍾意準時出糧、定期放假同休息嘅生活模式，咁自僱嘅工作模式可能就唔多適合你。
（網上圖片）
唔知睇完上面8條問題之後，你想轉型成為自僱人士嘅決心係唔係仲咁堅定呢？其實無論你係大學生想搵下補習外快、想工餘時接下兼職、Freelance job，或者係自僱人士擁有中小企想拓展客源，都可以透過有經驗嘅網上服務交易平台助你一臂之力，輕鬆搵到更多生意！
Toby： https://www.hellotoby.com/zh-hk/pro
關於門路
「門路」係一個教你搵錢嘅資訊平台，雲集各路掌門，親自教授搵錢竅門，分享初創貼士、搵錢秘技同實戰經驗。除咗用短片同文章教路，仲有LIVE CHAT即時同掌門互動，一路睇一路傾，同掌門攞料話咁易，連點搵資金嘅門路都有。即刻下載門路https://bit.ly/3awhKeB，即時捉緊每個搵錢機會！
3大頻道傳授各種搵錢竅門：
各門各路：
網羅各式搵錢門路，波鞋投資專家Professor S、手錶收藏家Mike Wu、潮流達人Mr. Big Children、懷舊玩具收藏家Oiman等掌門，教你透過買賣搵錢嘅竅門。
初創：
教你點將創意變成搵錢生意，各路初創掌門分享過來人心得
猛人：
掌門專訪，總結經驗，深入剖析成功搵錢竅門。
