價格資訊

無論係乜行業都好，唔同公司都可能會有大量資料同數據需要專人處理，所以好多公司都會聘請Part Time或Freelance資料輸入員（Data Entry Clerk）協助將資料輸入電腦、分類整理等。究竟聘請資料輸入員嘅成本大概要幾多錢，等HelloToby為大家講解！

1）具體收費

好多行業都需要大量資料輸入工作，好似輸入訂單資料同數據、中英打字、影片打字幕等。唔少公司都會將呢類工作外判俾Part Time或Freelance負責。至於聘請呢啲資料輸入員嘅成本好視乎工作嘅性質、字數等而定。有些Freelancer會以時薪計算收費，普遍為$40 - $50/1小時，但亦有唔少公司會按稿件字數、工作性質同所需時間逐項工作計算報酬，聘請Freelancer。譬如打字服務約為$50/1,000字，即$0.05/字。稿件字數愈多，平均每字收費就愈平。另如需輸入稿件原稿是手寫稿件，費用通常比印刷稿件較高。此外，粵語錄音逐字謄寫約為$500 - $1,000/60分鐘，一段60分鐘嘅影片打字幕服務為高達$1,000或以上。

2）服務內容

資料輸入員要輸入嘅資料視乎公司同行業而定，譬如教育或媒體界就可能要輸入大量文字資料；物流運輸行業就要輸入訂單資料；地產行業就可能要輸入物業數據同成交資訊等。其他類型嘅資料輸入工作包括錄音逐字謄寫（粵語同普通話）同影片打字幕服務等。

3）額外收費

Freelance資料輸入員通常都會先收取訂金（總收費嘅50%），完成工作後再收取剩餘差額。要留意嘅係唔少Freelancer會設立最低消費（一般為$500），而且多以每500字為計算單位，所以字數不足500字都會當500字計，聘請Freelancer時最好問清楚以免超預算。 此外，你亦應留意對方會否提供額外免費更正，如有其他修改又要收取幾多費用。如果稿件內有表格或圖表等特別排列內容，亦能要支付額外費用。假如你希望Freelancer輸入資料後再幫手排版，咁就留意對方收取嘅附加費，一般為$10/1,000字。