即時除皺緊緻？了解RF射頻抗衰老神效！
近年來RF射頻可以話係受盡唔同年齡層女士嘅歡迎，因為RF射頻較為安全而且抗皺緊膚效果好，今天就帶大家一齊了解下RF射頻美容的原理啦。
唔少女性都想抵抗歲月痕跡，做個美魔女，除咗天生麗質同良好心態，日常的抗老保養都唔可以少得，要想擺脫年月帶來的肌膚負擔，就要趁早重視抗老問題，其中最有效抗老、緊膚的美容療程就一定係 RF 射頻，RF 美容唔止適合熟齡肌，連年輕皮膚都好啱用！
咩係 RF 射頻？
RF 射頻係一種副作用小的皮膚光學治療技術，利用 RF 射頻無線電波為深層皮膚加熱的核心技術達至緊緻去皺的美容效果——RF 射頻發出的無線電波能夠到達真皮層，在皮膚底層產生溫度，進行加熱，刺激皮膚生成新的膠原蛋白，達到收緊皮膚、填充皺紋、恢復皮膚彈性和光澤的效果。
有咩 RF 美容療程？
RF 頻射美容會依唔同能量、熱度而有唔同效果，例如延緩衰老、緊實、去黃美白、減退痘痕傷疤、撫平妊娠紋等，加上副作用小，又即時可以見到效果，所以近年唔少人都會選擇做 RF 美容，而 RF 美容療程又會依唔同專業儀器（例如 Thermage、Thermolift、Alma、家用射頻機等）有唔同的效果同作用。
Thermage
Thermage 治療會依療程部分而有唔同時間，例如臉部療程就通常需要大約45分鐘，Thermage 獨有的「3D環迴緊膚療程」可以喺皮膚唔同的深度全方位加熱皮膚組織，比起其他只能針對單一皮膚深度的射頻療程更能有效刺激膠原蛋白收緊同增生，進行單次治療之後2個月開始見效，效果可以持續三個月至最多一年。
Thermolift
而Thermolift 的能量就比較集中，相比其他射頻療程能量更高，能夠更精準達到更深層的皮層，穿透到真皮層、脂肪層同筋膜層，通過獨有的 Focused RF 聚焦射頻技術，實現對皮膚淺層、中層、深層的精準加熱，達到去皺、緊致、提升皮膚的目的。建議每個月進行治療一次，堅持三次就可以維持效果長達三至五年。
Alma
Alma 的RF 儀器分AccentXL 同Tenor，同樣都可以用到單極同雙極治療，快速加熱，令真皮層中的彈力纖維、膠原纖維即時收縮，變得緊緻，同時刺激重組膠原蛋白，修復真皮層，緩解敏感肌，特別適合處理眼部細紋，主打安全、康復期短、即時見效，而且無需麻醉。
家用 RF美容機推薦
長期使用射頻機可以改進循環系統，推動新陳代謝，促進排毒，令皮膚光滑緊緻，今次就同大家推薦幾款熱門家用射頻機。
Tripollar Stop射頻美容機
以色列作為射頻美容機技術大國，其品牌 Tripollar 隸屬於以色列廠商 pollogen，科研背景強大，採用 RF 多極射頻原理，有效抗皺、減細紋，更可以改善皮膚鬆弛、暗啞、乾燥等問題，有多種顏色選擇，迷你輕巧，有三段強度控溫調節，設有貼心的溫度探測和高溫提示燈，配有專業凝膠結合使用，效果會更明顯。
YA-MAN射頻美容機
相信大家對日本新晉美容品牌 YA-MAN 絕對唔陌生，YA-MAN 被譽為美容儀器的「功能之王」，產品型號多，產品價格亦符合不同顧客需求，部分型號的 RF 射頻美顏機仲有導入導出、冷凍模式同震動等功能，一機滿足晒你唔同需要。
SKG射頻美容機
最後要就是主打美容和健康品牌產品的中國品牌 SKG，SKG 推出的射頻嫩膚童顏機專門針對初老肌膚，採用多極 RF 射頻技術，能改善皮膚暗沈、撫平皺紋、刺激膠原蛋白增生，令皮膚恢復彈性。
RF 射頻幾多錢？
選擇唔同部位進行 RF 射頻療程、唔同的皮膚狀態，價錢都會唔一樣。一般來說，對於皮膚下垂狀況的比較明顯的熟齡肌，因為所需的療程次數會比較多，價錢自然比較高。需要注意唔同美容院會因應美容師／醫生經驗、所用的儀器、療程長短、次數、部位而有唔同報價，普遍每次由700至4000元不等，所以就要搵有信譽的美容院或醫美診所，保障自己。
RF 射頻副作用
RF射頻美容的副作用小，一般包括少量油脂粒同血痂，但普遍會喺療程完成後兩小時至三天內消退。但由於 RF射頻都屬於高能量美容療程，如果使用不當，就有可能出現水腫、潮紅、水泡、甩皮等不良反應，雖然往往會喺幾日至幾星期內消退，但最好就喺進行療程時多同美容師／醫生溝通，同表達自己感覺（例如會唔會過熱、痛楚、麻痺等）。療程後使用溫和、抗敏的保濕產品就可以令療程成效更好。
如果你都想揀返個Facial療程幫皮膚Keep住彈性同有光澤，就快啲睇我哋Toby搜羅嘅美容療程優惠啦，梗有一款啱你！