從來作為 Freelance 自由工作者 ，面對一個最大嘅問題，就係唔知應該點樣報價。因為 Freelance工作 本身種類有好多，而每樣的報價亦冇任何標準，無報價單、收費表，更加冇所謂「 Freelance報價 必勝法」，所以對於新晉 Freelancer 嚟講，報價真係有相當難度。等 HelloToby 提供幾樣報價小貼士，等大家有一套基本報價心法啦！
Freelance報價 點先叫合理？
做開Freelance的朋友自然會知， Freelancer 之間係絕少會討論大家嘅定價收費問題。所以剛起步嘅Freelancer，面對嘅其中一大問題係，唔知點樣報價好。究竟一個接Job收人幾多錢先叫合理呢？叫價太高又怕對方卻步，白白失去機會；叫價太低就怕蝕做，以後想加價亦難。咁到底有乜準則？有無報價單、收費表做個參照？
首先要記住，根本係冇所謂「最合理價錢」。因為Freelance工作的存在，就係讓不同的人去滿足不同的工作需求，而每個人嘅背景、每個Job嘅性質都唔同，根本係冇可能去一概而論。
所以，關於Freelence報價嘅方法同竅門，係要因應你本身嘅個人因素，如學歷、工作經驗、經濟情況、居住地點、客戶及工作類型等，由你自己去探討同掌握。以下係一啲實用小貼士，應可幫到大家。
除咗要識得報價之外， 做Freelancer 仲要有唔少特質，你究竟有無集齊呢？
【 自由工作者 】你適合做Freelancer嗎？8大問題自我測試
1） 留意招聘廣告
上招聘網站，睇睇近期嘅招聘廣告，尋找符合你教育程度、工作經驗嘅職位，然後對其薪金進行分析。你就可以用平均月薪，去計算出你應該要求嘅時薪/日薪。當然呢個只係參考。部分工作種類，例如 Design Freelance，用呢個方法計算就未必咁準確。
>> 【 提升信貸評級 】 環聯信貸報告 必須認識的7大要點 <<<
2） 向行家請教
如果你喺同行中有啲較相熟Freelancer朋友，與你有相似嘅工作經驗，你可以嘗試向佢哋請教一般 Freelance報價 、 收費標準，但卻不宜太單刀直入問人哋賺多少錢，更要避免對方覺得你嘅目的係搶生意。
想要做一個成功嘅 自由工作者 ？ HelloToby 準備咗 【搵外快必讀】做 Freelance 的10大貼士 ，希望可以幫到你更好咁進入Freelance世界。
3） 使用Freelance估價App
市面上有一啲俾Freelancer使用的Apps，可幫助你估價和計算時薪。不過計出來嘅數字只能作參考，因為啲App冇將工作經驗、客戶需求等因素納入計算考慮，但做個參考一試無妨。
HelloToby 對應唔同工作種類準備咗相關嘅收費指南，你可以去我哋網站了解下唔同工作嘅收費標準，作為參考！
4） 測試你的報價
如果你已經通過以上方法得出幾個時薪標準，就可取其平均值，試一試個Market，來幾次真實嘅報價，搵啲新客戶來驗證一下。簡單嚟講，如果冇客戶因為價格問題而拒絕你，咁你嘅報價就唔算高，可以再向上調節。反之，如果因為價錢問題而屢遭拒絕，咁你嘅叫價就偏高了。
若你已是有點經驗的 Freelancer ，有時不妨相信自己感覺。覺得開價太低，就加少少價；覺得太高，就略為降價。只有你自己最清楚自己情況，可以隨機應變。
5） 計時薪定按Project？
即使你計算出一個能夠代表你嘅時薪標準，但其實並冇必要一定要計時薪。大多數 Freelancer工作 都係斷Project計，先估計出完成個Project所需時間，考慮結合其他細節、成本，再開出報價 。一般情況，按Project計比計時薪應會有更大收益。
報價係一門藝術
因為每個人嘅能力、背景、經驗、生活情況等都好唔同，所以若然隨便向你提供一個所謂Freelance標準時薪，係完全冇意思嘅。或者，最好嘅方法就係比較同類型Freelancer嘅報價。你亦可以多啲上唔同嘅 Freelance平台 、香港自由工作者網站 嘗試報價，例如 HelloToby ，從報價經驗同客戶交流中，掌握到你嘅報價心得。
做Freelancer 嘅一大美妙之處，就係報酬由你掌握。面對一位好客戶，有時你寧願賺少啲都想做佢生意；反之有啲較麻煩嘅客戶，你可以利用加價而婉轉推卻。所以說，Freelance報價絕對不是科學，而係藝術，希望你好快會成為大師！
究竟邊一行嘅Freelancer最賺錢？ HelloToby 就知道大家會咁問，我哋已經預先準備好有關資料—— 2018 香港10大 Freelance 工作，可以搵幾多錢？
想留意市場上有乜工作？想透過 Freelance平台 聯絡更多客戶？即上 HelloToby 登記成為專家！
>>> 【 HelloToby 專家攻略】報價必勝法！贏在起跑線的7秒鐘 <<<
——
延伸閱讀：【 Slash 不是廢青】香港10大傑出青年 Slash 版
延伸閱讀：【Slash Queen 陳珍妮】自由工作致勝攻略：做 Slash 一樣搵到錢買樓
緊貼HelloToby Blog同Facebook Page，隨時搵HelloToby幫手
