【脫離單身】必勝脫單日程 情人節單身攻略2019

情人節又就嚟殺到埋身,單身嘅你無論平時對於拍拖呢件事有幾唔在意都好,係情人節來臨前總難免會比節日氣氛所感染而不甘寂寞。今個情人節唔想自己一個「毒」自過,但係啲朋友個個都「見色忘友」失哂蹤?唔緊要,Toby今次同大家預備咗脫單必勝法,務求個個都可以喺情人節前出pool

Day-3 (11/2) 寶雲道姻緣石求姻緣

寶雲道姻緣石有幾靈?睇下千億新抱徐子淇就知啦!2004年同屋企人參拜過姻緣石,兩年後就嫁入豪門做少奶奶。相傳喺第二次世界大戰之後,一位日本軍官同一位水上姑娘墜入愛河,可惜女方家人反對呢段愛情,二人只好相約私奔,喺深山中雙宿雙棲,最終寶雲道石柱附近殉情,化為人形姻緣石。有段咁浪漫嘅故事,唔怪得之個個都話喺寶雲道求姻緣好靈啦!各位單身貴族不妨嚟試下喎!

開放時間:早上10:00至下午04:00

參拜方法:由石公石婆神位開始拜,然後上香、焚寶燭、轉風車,最後喺石前許願,收好姻緣符就搞掂啦!

Day-2 (12/2)  髮型大改造

自問性格好好,唔發脾氣又遷就得人,點解都仲係出唔到pool?有冇諗過係打扮唔夠吸引人呢?其實你比其他人嘅第一印象好多時候都係基於外表,只要打扮得體,脫離單身狗呢個身份話都冇咁易啦!

通常男生去髮型屋都只係修剪一下長度,今次Toby幫大家整理咗幾個最受女生歡迎嘅髮型,換造型前不妨考慮一下!

男士髮型

1) Dandy Cut 丹迪頭

自問係暖男嘅你剪呢個髮型就最適合啦,唔單止顯得個人有活力,而且仲有減齡嘅效果!唔怪得之唔少韓國男星都偏愛呢個髮型啦!

 

2) Undercut 

行開型男路線嘅你一定要試下Undercut呢個髮型啦!風格多變,適合唔同style嘅男生,將頭髮吹蓬鬆啲望落比較叛逆不羈,gel得貼服啲就即刻gentleman哂,想行咩風格都冇問題!

 

3) 逗號瀏海

唔想all back露額,但係又唔鐘意厚瀏海,逗號瀏海就啱哂你啦!時下唔少韓國男星都將前額頭髮向內捲成一個大C形,就好似一個逗號咁,同側邊嘅鬢角成為一體,可以令你望落更加俏皮又時尚。

 

女士髮型

唔想剪去一頭長髮嘅女生,不如考慮下轉換髮色啦!唔少女生為咗緊貼潮流,挑戰染上各種出位奇特髮色,喺今個情人節來臨之際,一於染番較受男生歡迎嘅髮色啦!

1) 霧感灰黑色

黑色可以話係男生最愛嘅髮色,簡單得嚟望落又清純可人,染成霧感灰黑色唔單止可以為整體造增加空靈感,更可以避免因染正黑色而比人一種假髮嘅感覺。

 

2) 日系紅棕色

自認性格比較活潑好動嘅你,染紅棕色就啱哂你啦!無論你本身係長髮或短髮,染上呢種髮色望落都一樣咁可愛俏麗,吸引男生嘅目光。

 

3) 韓系冷棕色

性格比較低調嘅女生,唔想染咁鮮豔嘅顏色,可以試下呢隻冷棕色!既知性又優雅,而且仲好顯白,係氣質女神必備嘅髮色!

平時冇做開嘅SalonToby同香港多間Salon合作推出咗全港髮型屋指南,仲有多種極抵優惠套餐,由髮型設計到專業護髮都一應俱全,仲唔快啲睇下有邊個優惠套餐啱你啦!

 

1) Chill住剪頭髮-Hair Guys

有冇諗過而家去Salon剪頭髮都可以chill住嘆咖啡呢?呢間喺旺角嘅Hair Guys唔單止可以剪頭髮,仲提供手沖咖啡同花茶,超級細心。

地址:旺角登打士街45號2/F

營業時間、評價及更多資訊請瀏覽:Hair Guys髮型屋指南

 

2) 照顧埋你頭皮健康-Prime Hair Salon

平時成日染髮,搞到頭髮傷哂唔敢再染住?Prime Hair Salon主打各種護髮療程,將你嘅頭皮健康放喺第一位,就算想染髮都可以keep住柔順髮質。

地址:尖沙咀漢口道42號漢威大廈2樓全層

營業時間、評價及更多資訊請瀏覽:Prime Hair Salon髮型屋指南

想睇多幾間髮型屋,比多幾個選擇自己?即刻上我地髮型屋指南啦!

 

全港Salon指南

 

Day-1 (13/2) 香氣迷人更加分

如果想比人嘅第一印象更加貼合個人性格,咁就要試下用香水啦!因為每個人身體溫度都唔一樣,噴上香水之後散發出嚟嘅香氣都會有所不同,所以當長時間使用同一隻香水,會慢慢變成專屬於你嘅味道。想喺心儀嘅對像心目中留底更深刻嘅印象,趁著情人節前夕買番一支啱你心水嘅香水啦!

男士香水

1) Versace-同名經典男士香水

呢款就係傳說中嘅「斬女香」,香調有如生機勃勃嘅綠林,混合佛手柑同天竺葵,就好比陽光同海洋互相輝映,相輔相成,啱哂平時鐘意做運動嘅陽光大男孩。

2) Kenzo-純淨之水

行文青路線嘅你唔可以錯過呢支香水啦!以柑橘為主調嘅呢一支香水,聞落非常舒服,帶有滿滿嘅少年感,就算平時冇用開香水嘅都唔怕carry唔到!

女士香水

1) PenhaligonLUNA 月神香水

靈感嚟自月亮嘅呢支香水,聞落係一種清新素雅嘅玫瑰香調,夾雜住似有似無嘅杜松子嘅木質香氣,啱哂好似月亮咁,有啲神秘感嘅氣質女生。

2) ByredoBlanche

用一個字嚟形容呢支香水嘅話,好多人都會用「超凡脫俗」呢個term,係一款清純而簡約嘅香調,有著適當嘅優雅同古典美。

D-Day (14/2) 情人節單身派對

而家萬事俱備,喺情人節正日呢一日鼓起勇氣,踏出自己嘅舒適圈,識下新朋友啦!其實有唔少餐廳酒吧喺情人節呢一日會「善待」各位單身人士,如果擔心第一次落club會不知所措,一於參考下蘭桂坊攻略準備好自己先啦!

1) 諾士佛臺電競酒吧-The Ring

呢間主打電競文化嘅酒吧The Ring,係唔少年輕人經常流連嘅蒲點。喺The Ring你可以搵到各種娛樂設施,由飛標機、Beer PongSwitch同各款電競都有齊,藉住打機開展話題就一點都唔覺得尷尬啦!

地址:尖沙咀諾士佛臺10-11號6樓

營業時間、餐牌、評價及更多資訊請瀏覽:The Ring酒吧指南

2) 灣仔單身樂園- Ophelia

呢度嘅裝潢係參考咗香港過往嘅歷史,令人回想起19世紀嘅高級煙館,入到嚟恍如隔世。呢度獨特嘅藝術風格啱哂平時有留意開藝術品嘅你嚟尋找知音。

地址:灣仔皇后大道東200號利東街囍匯1樓F39A及F41A號舖

營業時間、餐牌、評價及更多資訊請瀏覽:Ophelia

3) 蘭桂坊人鬼ClubBungalow

想識下來自唔同國家嘅朋友,Bungalow一定係你最好嘅選擇。係呢度你完全可以親身體會到唔同文化嘅交匯,話唔埋可以開展一段異地情緣呢!

地址:中環雲咸街60號中央廣場地下2號舖

營業時間、餐牌、評價及更多資訊請瀏覽:Bungalow酒吧指南

仲係唔夠喉?唔緊要,即上我地嘅全港酒吧指南,總有一間啱你心水!

全港酒吧指南

情人節想搵更多地方消遣?

如果呢啲行程都係唔啱你心水,不妨睇睇我哋嘅生活指南啦!由髮型屋、美容院到Party Room、酒吧,你都可以喺度搵到。無論你想喺情人節之前執好自己儀容,打扮一下,抑或係想搵個地方消遣一下,都可以輕鬆搵到,仲有商戶簡介同用戶真實評價,仲唔快啲上嚟睇下?

 

全港Salon指南

全港酒吧指南

 ——

延伸閱讀:【香港Salon推薦】最新染髮技術 打造3個必試2018 流行染髮造型

延伸閱讀:【頭髮毛躁必讀】專家教你改善髮質 推薦五大護髮療程

延伸閱讀:【男士髮型 推介】2018 型男必梳 8個潮流髮型

延伸閱讀:【2018流行髮型】 8大女生大熱髮型 必試靈氣短髮

緊貼HelloToby BlogFacebook Page,隨時搵HelloToby幫手!

 

Leave a Reply

Your email address will not be published. Required fields are marked *