髮型對女生嚟講十分重要，所以大部份女生都會每隔一段時間就去一次Salon「執執個頭」。而女士們最常做嘅除咗剪髮之外，就莫過於染髮啦！染髮其實有分好多種，每一種都有佢嘅特別之處配合有唔同需要嘅客人，而各種新技術嘅誕生亦造就咗各種嘅流行染髮造型。想換造型以新形象示人？繼續睇吓有咩染髮技術同埋2018嘅流行染髮造型啦！HelloToby嚟梗十月仲會同本地高質素準髮型屋合作，推出一系列嘅美髮服務優惠，依加已經可以預先登記獲發相關資訊啦！
Toby 有咩嶄新染髮技術？
1) Baby Light
Highlight挑染技術大家聽得多，但你又有無聽過2018嘅染髮趨勢「Baby Light」技術呢？
「Baby Light」係柔和嘅啡色色調挑染技術，染出嚟嘅效果比較自然之餘亦富有層次感。底色通常為天然啡，再利用較淺嘅冷棕色挑出好幼細嘅Baby Light線條，整體效果就好似初生嬰兒嘅頭髮咁有深淺層次，同時又帶有混血味道，啱哂想要自然但又有點特色嘅你！
2) 漸層挑染
漸層挑染技術顧名思義就係將頭髮進行多層次嘅挑染，令到髮色更有層次，更富立體感。
呢種挑染技術除咗可以係用同色系嘅深淺色調作為對比，令髮型嘅線條感更為突出之外，亦可以係對頭髮以不同顏色進行挑染，你可以按照個人喜好配搭各種顏色！
即搵 頭髮燙染造型師
2018 流行染髮造型
除咗之前HelloToby介紹過嘅髮型 8大流行之選2018之外，染髮造型係2018都有新趨勢！
1) 日系Baby Light
日系Baby Light結合咗日本流行咗好耐嘅霧面啡同埋上面所講過嘅Baby Light技術，挑染出嚟嘅效果比起普通霧面啡上色更有混血感、線條感。而且呢種顏十分百搭，無論係短髮定長髮、直髮定捲髮都可以輕鬆Carry！
2) 日系漸層髮色
相信亞麻啡、灰霧色都係唔少女仔嘅心水染髮色，皆因低調得嚟又有特色。而2018年嘅趨勢係將兩種大熱顏色結合，造出更有層次嘅髮色！至於點樣結合？就係頭先所提過嘅「漸層挑染」。日系漸層挑染就係以亞麻同灰霧作為主色，一明一暗嘅對比髮色令髮型更有層次感，日系透明感亦都大增！
3) 大膽漸層髮色
如果你係屬於大膽派，又或者想嘗試挑戰自己，不妨試吓大膽嘅漸層髮色，例如係彩虹漸層。彩虹漸層可以係橫向嘅局部漸層，亦可以係直向嘅大面積挑染，各種挑染方式可以呈現唔同嘅氣質，橫向嘅比較斯文，而直向嘅就比較野性。你又鍾意邊一種？
香港Salon推薦
香港咁多Salon，邊間做染髮最好？唔使自己周圍搵啦！Hellotoby就為你嚴選咗數間高水準嘅本地Salon同埋佢哋嘅精選服務。而嚟梗十月Toby仲會同佢哋合作推出一系列嘅優惠活動，有興趣嘅你依加就可以透過文章下面嘅連結登記預先獲取相關活動資訊啦！
1) Hair Logics
Hair Logics 服務態度非常專業，擅長為客人打造既自然又型格嘅造型設計。除咗各種造型外，佢哋亦好注重顧客嘅頭髮健康，會為客人嘅髮質作專業分析同評估，以確保每一位客人嘅頭髮保持健康狀態，Keep住內外都靚！
推薦服務：最新挑染技術Babylight、Highlight、漸層挑染技術、熱／直療塑形燙髮
除咗以上服務之外，Hair Logics仲同日本SHISEIDO染髮系列, PAIMORE, MILMON, 003等優質品牌合作，產品同服務質素絕對優質！
地址：尖沙咀亞士厘道十五號1樓全層
2) Prime Hair Salon
Prime Hair Salon 擅長於為不同髮質嘅顧客設計既時尚又適合客人嘅髮型，透過打造合適髮型展現客人自信又有魅力嘅一面。當然，佢哋嘅服務態度同產品亦都十分優質啦！
推薦服務：技巧挑染、日式染髮、髮型設計、納米直髮、數碼大曲
地址：尖沙咀漢口道42號漢威大廈2樓全層
3) H Workshop
H Workshop係由兩位專業髮型師創立，兩位都擁有多年造型設計經驗，務求為客人設計出最合適嘅髮型。而且H Workshop位置方便，私隱度高之餘環境舒適寧靜，咁就可以安安靜靜咁享受各種專業級嘅美髮服務啦！
推薦服務：Colour、Highlight、漂染、髮型設計
地址：銅鑼灣耀華街南慶坊6樓全層
4) Stage Hair Salon
Stage Hair Salon 擁有一群經驗豐富嘅髮型師團隊，除咗提供髮型方面嘅服務外，仲有廣告、形象、美容等等一站式專業服務，務求令每位顧客都有煥然一新嘅形象！
推薦服務：梨花頭 、 韓式長曲髮、技術
地址：銅鑼灣駱克道543號2樓金馬倫道37號安利大廈1樓
想轉造型？立即預約獲取十月最新優惠資訊！
無論你係心思思想換個造型，定係係時候搶救布甸頭，唔好諗咁多啦，即刻㩒入嚟【HelloToby 店舖優惠】預購資訊通知 率先成為我哋嘅首批尊貴用戶，咁就可以首先獲取相關資訊啦！
你係髮型專家，想加入HelloToby平台尋找新客戶？
——
延伸閱讀：【今年興乜頭？】 女生髮型 8大流行之選 （2018 更新版）
延伸閱讀：【 HelloToby 服務價格指南 】 頭髮燙染 要用幾多錢？
延伸閱讀：【型男必試】2018男士7大 潮流髮型
延伸閱讀：【 脫髮 點算好】 甩頭髮 唔洗驚！ 防脫髮 五大注意事項
緊貼HelloToby Blog同Facebook Page，隨時搵 HelloToby 幫手！
