【 脫髮點算好】甩頭髮唔洗驚!防脫髮五大注意事項

講起男人最痛,莫過於係未到中年就出現 禿頭、地中海、M字額!唔好以為甩頭髮只係男人嘅專利,各位貪靚、著重外表、日日變髮嘅女士們,都有機會出現甩頭髮或者鬼剃頭問頭!唔講唔知,香港人脫髮問題係亞太地區排行第二! Toby 邀請到 Ja’dore Beauty Salon 亞太頭皮管理港澳區主席 Ray 同大家講下脫髮原因、脫髮治療嘅資訊,希望可以幫到大家解決脫髮問題 !

1)  點解年輕人脫髮問題咁普遍?

現今都市年青人工作壓力大又容易緊張,成日加班搞到睡眠不足,飲食唔定時又唔均衡,影響頭髮生長。另一個原因就係過度染燙頭髮和使用頭髮造型產品,例如髮泥、定型水、含有大量化學物質嘅洗頭水。這樣會令髮質受損,阻礙頭髮毛囊生長,令髮絲不斷脫落!

脫髮

2) 女性有冇機會出現男性脫髮( AGA )嘅問題?

有!其實所謂嘅男性脫髮( AGA )亦即係遺傳性脫髮,男性同女性都有機會發生。AGA 有可能遍布整個頭皮,而不是特定的某個區域。隨著年齡增長,毛囊會逐漸縮小,一旦頭髮脫落,就會被更薄更細小的毛囊取代,令頭髮更加稀疏!常見會導致M字額、地中海、禿頭等脫髮問題 。

根據調查顯示,有超過一半女性都有出現 男性脫髮嘅現象!原因同遺傳基因和雄性荷爾蒙息息相關。假如雄性荷爾蒙過多或者頭髮毛囊對雄性荷爾蒙敏感,頭髮就會容易脫落!

 

想搵專人解決頭髮保養問題? Toby 幫到你!

即搵頭髮護理

 

3) 甩頭髮點算?脫髮醫生邊個好?

正所謂:「病向淺中醫。」脫髮問題剛開始出現時,就應該儘快求診!數據顯示,當頭髮停止生長超過半年,毛囊就會萎縮,最後就會冇辦法再生長頭髮,唯有靠植髮先可以增加頭頂上毛髮。唔想單靠植髮解決脫髮問題?你只要盡早接受合適脫髮治療 ,掌握黃金時間,就可以防止脫髮情況惡化。

甩頭髮

 

4) 防脫髮可以點做?

你應該……

1. 調節心態,多做運動

改善脫髮問題要從最基本入手,改善生活習慣。多做帶氧運動,例如 跳舞 健身,可以促進血管流通,幫助頭髮毛囊吸收足夠的養分。

脫髮原因

 

2. 減少煙酒

近來有唔少科學研究發現不良嘅生活習慣會引致脫髮。香煙中嘅尼古丁會產生自由基,會令皮膚老化同加重毛囊負擔,長遠增加甩頭髮嘅機會。另外,尼古丁亦會提高腎上腺素,再而導致血液循環不良,令頭髮無法健康生長。

至於大量飲酒會令人體流失不同可以促進頭髮生長嘅營養素,包括鋅、維生素A、維生素B,會減慢頭髮生長速度,甚至造成脫髮問題。要避免脫髮,煙酒都係少掂為妙!

脫髮治療

 

3. 適量進食生髮食物:辛辣及黃豆類產品

對於防脫髮,吸收黃豆類產品,例如係豆腐和豆漿,係對於頭髮生長十分有益的。黃豆擁有植物性蛋白質、胺基酸和其他有益嘅礦物質,幫助頭髮增長。另外,同時攝取辣椒可以分泌更多生長激素,幫助頭髮生長。

 

想搵專人調理飲食同時做運動? Toby 幫到你!

即搵健身服務

 

4. 調節睡眠時間

充足嘅睡眠可以促進頭髮正常嘅新陳代謝。假如成年人每日睡眠時間少過4小時,就會影響新陳代謝,引致內分泌失調,進而造成脫髮問題!所以要防脫髮,首先要儘量每日睡多過8小時。

脫髮治療

 

5. 尋找專業頭皮治療服務

正如上文所述, 脫髮問題並非一朝一夕可以處理。當遇到脫髮問題時,要先搵專業頭皮治療salon查詢,了解脫髮原因, 再貼身制定一套脫髮治療方案。

 

即搵美髮服務

 

你唔應該⋯⋯

1. 自行購買或使用生髮產品

市面上有好多不同類型嘅 生髮產品,針對唔同嘅脫髮問題。但係有部份生髮產品成份未明,亂咁使用只會令頭髮問題更加嚴重,例如頭皮發炎。

 

2. 過份擔憂

除咗遺傳同飲食因素外,壓力亦都係甩頭髮嘅一個常見原因。過大壓力同負面情緒會令身體嘅 血液循環運行唔通順,同時收緊頭皮,令減少髮囊吸收營養,頭髮數量隨之變少同亦會更脆弱。所以面對壓力時要保持心境開朗,先可以避免出現脫髮問題 !

禿頭

 

3. 過度使用頭髮造型服務或化學成份洗頭水

過度燙染頭髮和使用頭髮造型產品,會傷害頭髮嘅毛囊,令頭髮變得易斷,容易斷裂,造成脫髮 !要避免嚴重脫髮 ,除咗可以減少燙染頭髮次數之外,都可以選擇改用含用天然成份嘅洗頭水。

脫髮原因

 

4. 護髮產品塗抹頭皮

護髮產品雖然可以滋潤髮絲,但將太多護髮產品擦在髮根嘅話,就會對頭髮造成傷害。如果頭髮沖洗得唔徹底,殘留嘅 護髮產品就會刺激頭髮嘅皮脂腺,分泌出過多嘅油脂,造成頭皮多油嘅情況。而且仲會喺頭皮上形成一層薄膜,令頭皮唔可以正常呼吸,容易產生皮炎和頭皮屑,繼而引致脫髮 。

 

5. 自己使用偏方

坊間流傳唔少偏門嘅生髮方法,例如擦酒和用生薑擦頭皮。但往往呢啲所謂生髮方法都冇真實科學驗証,未必能夠令頭髮生長。如果使用偏方擦頭皮嘅時候過度用力,更有可能會導致頭皮發炎,傷害頭髮。

 

唔知睇完上面由 Jadore Beauty Salon亞太頭皮管理港澳區主席Ray 嘅分享,有無幫助到你認識到脫髮原因,以及相對應嘅解決方法呢?想搵專人為你服務?Toby 幫到你!

 

尋找你嘅最佳Salon

  

你係頭髮護理專家 ?加入Toby平台搵新客戶啦!

免費註冊為專家

——

 

延伸閱讀:【今年興乜頭?】 女生髮型 8大流行之選

延伸閱讀:【 游泳班開鑼】搵教練學游水6大須知( 兒童泳班 + 成人泳班

緊貼Toby BlogFacebook Page,隨時搵Toby幫手!

Leave a Reply

Your email address will not be published. Required fields are marked *