【天氣乾燥,皮膚問題多】 秋冬護膚 保濕全攻略

踏入秋季,天氣就變得乾燥,皮膚好容易出現缺水、痕癢、過敏、爆拆、起皺紋等種種問題。想保持皮膚滋潤光澤,唔止淨係搽多啲護膚品咁簡單,HelloToby為大家講解下 秋冬護膚 注意事項,由日常飲食同護膚習慣著手,令你由內到外都能夠保持皮膚水潤有光澤!

 

1)補充水分

秋天一到,空氣濕度下降,再加上不時吹起涼風,容易帶走肌膚嘅大量水分,令皮膚變得乾燥。所以護膚首步就係多飲水補足水分,以加快新陳代謝、排走癈物,保持皮膚潤澤有彈性。專家建議一般成年人每日應飲1,500至2,000毫升嘅水,以毎杯250毫升計算,即6 – 8杯左右。一日大概毎2小時飲1 – 1.5杯水,切忌等口乾至飲水。

 

2)補充營養

想皮膚由內靚到外,就要由日常飲食著手。平日多食紅蘿蔔、南瓜、木瓜同菠菜等蔬菜,可吸收大量維他命A,幫助皮膚維持正常油脂分泌並鎖住水份,防止乾燥起皺紋。

至於維他命C同E都具有抗氧化功效,能夠幫助肌膚抵禦自由基對細胞嘅侵害,延緩皮膚老化。好似番茄、士多啤利、奇異果、榛子、牛油果同南瓜籽含有豐富嘅維他命利C同E,係補充營養素嘅好來源。至於三文魚、吞拿魚、核桃等魚類同堅果則含有Omega 3,有助修護膚質同滋潤皮膚。

 

3)選用溫和潔面產品

每逢換季就係皮膚最脆弱嘅時候,尤其是秋天天氣乾燥,日夜溫差又大,皮膚好容易出現敏感嘅情況。呢個時候最好改用溫和低刺激嘅潔面產品,以免因為清潔過度而令皮膚出現泛紅、刺痛、緊繃同㾗癢等問題。

此外,雖然天氣轉涼,自然會想用熱水沖涼洗面,但水溫過高令皮膚毛孔增大,反而洗走埋本身嘅皮脂同保濕因子,令皮膚變得粗糙,所以記得用溫水洗面,減少對皮膚嘅傷害。

溫馨提示:想搵皮膚護理專家幫你手?即上HelloToby免費搵專家為你報價!

即搵皮膚護理專家

 

4)轉用保濕力強嘅護膚品

唔同季節差異大,最理想就係隨氣候變化幫護膚品換季。例如夏天皮膚易出油,就要重點清潔控油,但秋季天氣乾燥,就要加強保濕。消委員曾進行面霜測試,發現甘油(Glycerin)可吸收水份,將水份鎖在皮膚角質層,保濕效果理想,所以選擇面霜時記得留意甘油成分所佔比例,如果喺成分表中排位較前(第2至第3位),代表甘油成分比例較高,保濕效果自然更好。

此外,乳木果油、尿素(Urea)、玻尿酸(Hyaluronan或Hyaluronic Acid)、植物油(Vegetable Oil )、石蠟(Wax)呢類成分都有助減少皮膚水份流失, 幫助皮膚吸收水分。挑選護膚品時記得留意產品內有冇加入呢類保濕成分。

想做Facial?HelloToby有好多美容專家等緊為你報價!

即搵美容專家報價

 

5)勤敷面膜

除咗保濕化妝水、乳液同乳霜外,面膜亦能幫助皮膚補充大量水分同營養。每晚沖完涼後皮膚毛孔完全張開,係最適合保養皮膚、敷面膜嘅時間。毎週敷2 – 3次,每次15 – 20分鐘,敷完後按摩一下皮膚幫助吸引剩餘嘅精華液,然後再攃乳液或乳霜鎖住精華。

 

想秋冬護膚做得好?HelloToby平台上仲有不同專業嘅皮膚護理服務美容專家,提供清潔、爽膚、補濕、收細毛孔、美白、去斑、抗皺等服務。立即用我哋嘅平台為免費搵專業認證嘅美容護膚專家報價,幫你節省時間!

即搵護理專家

仲有其他健美類服務,例如脫毛療程紋眉修甲美甲脫癦等等,即刻上去搵專家免費報價!

你係健康美容專家?可以免費註冊成為HelloToby專家,接觸更多新客戶。

立即免費註冊

——

延伸閱讀:【美眉大作戰】4大 修眉 技術大比併:紋眉 繡眉 Vs 霧眉 飄眉

延伸閱讀:【女士 脫毛 大作戰】坊間5大 脫毛 法:邊樣最適合你?

緊貼HelloToby BlogFacebook Page,隨時搵HelloToby幫手!

Leave a Reply

Your email address will not be published. Required fields are marked *