天氣愈來愈熱，好多人都開始換上背心、短褲迎接炎夏日到來。不過如果舉起雙手卻露出腋下嘅「髮菜」，又或短褲短裙之下露出一雙「毛腿」，好容易嚇親人，所以出街前記得要先處理好。Toby 同大家講解下不同嘅脫毛方法，睇下邊種方法最適合你！
1）剃刀除毛
剃刀係最簡單快捷嘅除毛方法。剃刀喺一般藥妝店、超市或者生活用品店都可以買到，價錢又便宜，學生哥都負擔得嚟。不過用剃刀容易刮傷皮膚，而且只能剃走表面嘅毛髮，所以有時望落仍會見到黑色一點點；想效果持久，就要更頻密地刮除。剃時記得搽上剃毛膏減低刮傷嘅機會，同埋要順住毛髮生長嘅方向剃。剃完之後再搽番潤膚霜保護皮膚。
2）拔毛夾拔毛
用拔毛夾一樣係經濟實惠嘅除毛方法，將整條毛髮連根拔起效果比剃毛更乾淨，但就要花更多時間，亦比剃毛痛得多。如果本身皮膚較敏感嘅話就唔太適合。此外，拔毛比剃毛更容易令其他毛倒插喺皮膚裏，引發假性毛囊炎，所以拔毛完之後更要小心保養。
3）蜜蠟脫毛
蜜蠟脫毛係指將蜜蠟塗喺皮膚上，等蜜蠟乾後，再迅速撕走蠟條，從而達到脫毛嘅效果。蜜蠟脫毛可以一次過除去面積較大部位嘅毛髮（如腿部同手臂），而且脫毛效果可維持幾星期，唔使好似用剃刀脫毛咁隔幾日就要進行一次。不過有啲人用蜜蠟脫毛可能有疼痛同皮膚發紅嘅情況，而一些較敏感嘅部位如比堅尼位就唔係人人都可以自己處理到。穩陣起見，你可以搵番相關專家幫手。
溫馨提示：HelloToby平台上有蜜蠟脫毛專家可免費報價，全部經過實名驗證及專業審查，你絕對可以安心聘用。立即上我哋平台免費搵番個專家幫手！
4）彩光脫毛
彩光脫毛係利用脈衝式光學原理直射毛囊，減慢毛髮生長速度，甚至令毛囊壞死。彩光脫毛療程嘅收費比激光脫毛便宜，但由於彩光嘅能量不足以完全破壞毛囊，所以整個療程一般要進行10至20次，而且唔能夠做到永久脫毛嘅效果。購買彩光療程前要衡量清楚。
5）激光脫毛
以上方法雖然方便，但就只能短暫除毛。想一勞永逸，最直接嘅方法就係接受激光脫毛療程。激光脫毛利用激光波長能量破壞毛囊內嘅黑色素，能徹底去除明顯嘅黑色毛髮。一般客人於1年內接受完4至6次療程後就可以清除70% – 90%以上嘅毛髮，而且重複接受過激光脫毛嘅部位都唔會再生出毛髮，就算有都好稀疏同淺色，所以係目前效果最持久嘅脫毛方法。不過價錢較貴，唔同身體部位脫毛收費都唔同。一般腋下除毛大概要$5,000左右，如果再加埋小腿、手部甚至比堅尼位，收費至少幾萬元。
溫馨提示：想搵專業認證的激光脫毛專家為你報價，可立即用我哋嘅平台！Toby 仲為你比較咗五間激光脫毛公司價錢同脫毛套餐，等你揀到心水脫毛療程！
除咗脫毛專家之外，Toby 平台仲有其他健美類服務，例如皮膚護理、紋眉、修甲美甲、脫癦等等，即刻上去搵專家免費報價！
你係健美專家？可以免費註冊成為 Toby 專家，接觸更多新客戶。
——
延伸閱讀：【 瑜伽班 入門篇】5大瑜伽分類 + 去邊度學好？
緊貼Toby Blog同Facebook Page，隨時搵Toby幫手！
