【美甲潮流篇】2017春夏至潮 9大 美甲 款式

炎炎夏日就快到，你個衣櫃換季未呢？背心短褲係時候出場啦！咪住！人靚衫靚唔夠㗎！由頭靚到落尾又點少得為雙手修甲 美甲 呢？2017美甲風格比以往變化多端，流行七彩幾何圖案、透明簡約風以及運用Pastel粉嫩色調等Nail Art。HelloToby為一眾美甲迷搜羅IG上最潮、最Hit嘅日、韓、歐美 美甲 款式，等大家一齊迎接夏日。

 

1）半透明甲花

2017年擺脫以往過分浮誇嘅甲上裝飾，由繁變簡，興起簡約嘅半透明甲花。甲片用有光澤感嘅甲油打底，質感似啫喱，而上面配以簡單波點、線條、金粉作點綴。甲款乾淨俐落，最大嘅好處就係最容易襯衫！

2）乾燥花

另一種深受韓國女仔擁戴嘅甲款就係乾燥花美甲。細小花朵於指尖綻放，充滿春夏小清新感覺。避免過分花巧，底色建議多數塗上粉嫩純色或富透明感嘅底色。甲款比較傾向森女風，係春夏必備嘅甲款之一。

3）暈染美甲

如果你喜歡柔和夢幻路線，可以考慮整暈染美甲。暈染美甲將唔同甲色塗上，再用海棉融和。呢種做法可以創作出唔同效果，如銀河、汪洋、水彩暈染等等。款式又吸晴又時尚，相信每位愛靚嘅女士都無法抵擋。

4）高雅雲石

2017延續去年嘅雲石熱潮，不過與上季唔同嘅係喺石紋之中延伸出變奏。透過混色配搭、天然紋路以及配飾，發展出更具立體感嘅風格。除了雲石以外，仲可以做出瑪瑙以及其他天然石紋。風格高雅，比較適合裸色衣著，最啱各位OL以及貴婦。

已經有靈感修甲美甲？到HelloToby可以免費搵美甲師報價同睇佢哋美甲作品㗎！仲可以搵上門服務嘅美甲師添。

即搵美甲師

5）霧面美甲

成熟風女士同時可以嘗試近年歐美流行嘅霧面美甲。潮流重點係磨砂甲面設計，啞光表面令雙手更有質感。想甲款更多變化？可以加入線條和金屬兩大元素，低調又型格。

6）水染美甲

對於年輕女士，夏日炎炎換上繽紛甲款就啱晒啦！今年水染美甲以糖果色調為主，款式睇落精神而且有活力，啱晒一眾比堅尼美女出席船P同沙灘派對。水染美甲做法仲非常簡單，只要用水同牙籤勾勒出唔同圖案，就可以整出唔同型態嘅美甲。

7）幾何線條圖案

如果你唔怕搶眼，不妨利用撞色、對比、線條、以及幾何圖案整甲。幾何圖案非常百變，仲可以將你嘅品味顯得時尚而且有個性。除咗透過配搭鮮色嘅指甲油，今年亦加入新元素，利用彩色錫箔紙做出閃令令效果，睇落似玻璃碎片，喺晚上仍然睇到指甲有幾靚。

8）彩虹法式美甲

法式美甲嘅粉絲們留意啦！今年法式美甲搞搞新意思，由指甲前端部分做主角，換上活潑可愛嘅顏色。指甲尾端及中間就做配角，油上低調嘅白色或透明色作映襯。想手指靚爆鏡？千祈唔好錯過！

9）玩味彩繪

如果以上款式都唔符合你心意，你可能需要更加有趣、更獨一無二嘅設計。唔想同人撞款？你不如搵美甲師為你打造具備個人風格嘅彩繪美甲。指甲雖小，但創意無限。以下就有唔同大師作品，將你指甲變成畫板。即使係人像素描、漫畫、Pop Art、相似度超高嘅卡通，以及動物等等，你都可以做到。

睇完以上各種美甲款式，係咪有衝動想整埋一份呢？HelloToby平台上有唔同美甲師，立即搵佢哋扮靚啦！

即搵修甲美甲服務

HelloToby平台仲有更多不同健美服務專家，等緊向你報價同提供最好服務，例如瘦身療程、營養師服務、美容、頭髮護理等。即上我哋平台搵番個適合你嘅專家！

即搵健美服務專家

你係美甲師？可以免費註冊成為HelloToby專家，接觸更多新客戶。

立即免費註冊

相關閱讀：【我想做專家】如何成為專業 美甲師 ？

——

延伸閱讀：【 瑜伽班 入門篇】5大瑜伽分類 + 去邊度學好？

延伸閱讀：【今年興乜頭？】2017女生 髮型 8大流行之選

緊貼HelloToby Blog同Facebook Page，隨時搵HelloToby幫手！