【男士福音】2019香港情人節拍拖好去處

每逢情人節,又係各位男士頭痕嘅日子,要諗買咩禮物送比女朋友,又要plan下嗰日嘅行程,仲要諗下女朋友滿唔滿意你嘅安排。抑或者你成功約到女神,諗住情人節同佢表白,但係仲未諗到情人節去邊?今次Toby同大家搜羅全港最浪漫最有情調嘅情人節活動,由朝早到夜晚,同另一半過番個非一般嘅情人節啦!

1)上環文青半天遊 個性咖啡店.PMQ元創坊

情人節好去處-PMQ元創坊

平時生活節奏咁快,情人節同女朋友兩個人梗係去啲安靜啲嘅地方,慢活一下啦!

上環一帶有好多特色個性cafe,無論裝潢同食物都一樣咁高質。

食完個brunch可以行過去PMQ元創坊度睇下唔同嘅展覽同workshop,最重要係可以影下靚相,比女朋友係IG 放下閃光彈啦!

 

想知仲有咩活動?不如睇吓…
全港娛樂活動資訊指南

 

2)港島懷舊情調之旅 遊電車河

拍拖好去處2018

日日都要番工番學,冇時間靜心欣賞下呢個城市,趁住呢個日子遊下車河就最啱啦!

想玩得經濟啲,遊電車河係一個唔錯嘅選擇。由港島東區到中西區,好好細味一下香港呢個地方,重溫一下以前兩人拍拖曾經去過嘅地方。

3)夕陽無限好 鬧市睇日落

週末好去處2018

想睇日落唔一定要去郊區先睇到嘅,喺繁忙嘅港島一樣可以睇到好靚嘅咸蛋黃㗎!

約咗女神表白嘅你就梗係唔可以錯過呢個行程啦,喺個咁靚嘅景之下告白,女神一定唔會say no啦!

地點:西高山展望台、灣仔海濱花園、添馬公園

 

未買禮物,不如同另一半一齊去情人節禮物工作坊?
情人節禮物工作坊及餐廳優惠

 

情人節餐廳推薦

而一眾打工仔收咗工之後,夜晚最重要就梗係帶女朋友食番餐好㗎啦!食物要好食之外,餐廳環境有情調嘅話就再加分啦!下面呢幾間餐廳酒吧,唔單止夠哂氣氛,而且又有得食又有得飲,極高性價比,女朋友滿意之餘,仲可以錫住個銀包添!

 

1)中環蘇豪實驗室酒吧 Little L.A.B

酒吧-Little L.A.B

情人節想比個surprise女朋友?嚟Little L.A.B就一定唔會錯啦!

佢哋主打非一般嘅雞尾酒,以中西文化合壁做主題,好飲之餘又別俱特色,order一杯比女朋友就夠哂驚喜啦!

既然啲雞尾酒咁夠實驗性,當然連個杯都要貫徹呢個主題啦!喺實驗室會用到嘅各種燒瓶,都會係呢度搵到,又有趣又可以同女朋友回憶一下以前讀書嘅趣事。

地址:中環蘇豪士丹頓街48-50號地下B

營業時間、餐牌、評價及更多資訊請瀏覽:Little L.A.B 酒吧指南

 

2)尖沙咀簡約風餐廳酒吧 Ekikita

情人節餐廳-Ekikita

如果你知平時女朋友最鐘意影下靚相打卡嘅話,就一定要帶佢嚟Ekikita啦!呢度嘅雞尾酒好睇又好飲,女朋友少飲開酒嘅都會覺得好易入口。

而且呢度環境唔會太嘈,加埋有質素嘅食物,想同女朋友傾計傾成晚都唔係問題啦!

地址:尖沙咀河內道8號地舖

營業時間、餐牌、評價及更多資訊請瀏覽:Ekikita 酒吧指南

 

想搵更多香港餐廳酒吧?上HelloToby酒吧指南啦!
全新香港酒吧指南

 

3)中環蘇豪加勒比風情 Rummin’ Tings

中環酒吧-Rummin' Things

平時同女朋友拍拖食日本菜、韓國菜、西餐呢啲食到悶悶地?不如試下加勒比菜啦!呢間位於蘇豪區嘅Rummin’ Tings以加勒比風情為餐廳主題,情人節嚟呢度食就夠哂特別啦!

雖然呢度同其他餐廳唔同,裝潢行塗鴉街頭風,但係勝在夠貼地,啱哂帶埋個性格活潑嘅女朋友嚟呢度過番一個獨特嘅情人節夜晚啦!

地址:中環蘇豪荷里活道28號地舖

營業時間、餐牌、評價及更多資訊請瀏覽:Rummin’ Things 酒吧指南

 

4)銅鑼灣精釀手工啤酒 Coedo

銅鑼灣餐廳-Coedo

女朋友平時都鐘意飲番兩杯?咁就一定要帶佢嚟Coedo,試下佢地嘅自家製手工啤酒同日本精釀啤酒啦!

有選擇困難症嘅嚟到都唔洗怕揀唔到飲咩食咩,嗌個Beer Tasting Platter就款款啤酒都試到啦!仲有各式日本串燒,chill住過呢個情人節都係一個唔錯嘅選擇啊!

地址:銅鑼灣Fashion Walk食街百德新街50-56號地下C

營業時間、餐牌、評價及更多資訊請瀏覽:Coedo 酒吧指南

 

想搵更多香港餐廳酒吧?上HelloToby酒吧指南啦!
全新香港酒吧指南

 

 

——

延伸閱讀:

我哋嘅全港娛樂活動資訊指南都為你搜羅咗一系列情人節活動!有情人節禮物工作坊(有獨家優惠!),仲有餐廳指南,仲未諗到買咩禮物、去咩餐廳嘅你就快啲入嚟睇睇啦~

↓立即查看↓

更多情人節好去處/禮物

 

 

(即將回歸)獨家優惠鍚住你銀包-你留評價,我送Shot! 

比咗咁多ideas,應該對嚟緊情人節嘅安排都有啲頭緒啦!但你知呢啲大時大節,出街食飯肯定比人劏到一頸血,想慳少少嘅,就要留意我哋今期嘅獨特優惠啦!

由今日開始,喺我哋全新推出嘅香港酒吧指南度為該酒吧寫底個評價,就可以免費拎到一個shot啦!

即刻上我地嘅酒吧指南,打電話去book枱啦!

酒吧

延伸閱讀:【老蘭Clubbing】蘭桂坊落Club新手攻略2018

延伸閱讀:【搞手救星】2018聖誕 4大Re-U必去酒吧

延伸閱讀:【2018年尾必去酒吧】潮玩潮食多國菜 ,打卡Cocktail樣樣齊!

延伸閱讀:【全新香港酒吧指南優惠】你留評價,我送Shot!

緊貼HelloToby BlogFacebook Page,隨時搵HelloToby幫手!

 

Leave a Reply

Your email address will not be published. Required fields are marked *