【 補習社 Vs 私人補習 】幫子女 搵補習 的5大重點

暑假流流長,唔想子女虛度光陰,除咗報讀興趣班外,仲可以搵番個補習老師,幫子女溫故知新,打好根基,期望將來喺公開考試中取得佳績。不過而家 補習社 同 私人補習 費用一啲都唔平,要確保呢筆投資有價值,就要小心選擇。到底 補習社 同 私人補習 有乜唔同?邊種會較適合你嘅子女?等HelloToby即刻為大家剖析下,幫你作出明智嘅選擇!

 

1)補習目的:考試導向定加強學科知識?

坊間唔少補習學校嘅課程都係針對DSE、IELTS等公開考試而設計,老師通常會教授不同嘅答題技巧,又提供往年試題俾學生操練,以助應付考試。呢類課程適合已有一定底子,想喺公開考試取得好成績嘅學生。另一方面,如果根基打得唔好,咁就應考慮搵私人補習導師幫手。

譬如數理科目就要求學生一定要概念清晰,但補習社導師要照顧其他學生,唔會額外花時間為你逐一講解。反而私人補習老師就可以針對你唔明嘅地方詳細教導。如果想加強學科知識,咁私人補習就更適合你。

 

即上HelloToby,搵番個適合你嘅補習老師!

即搵補習老師

 

2)教學模式:大班教學 Vs 一對一

補習學校因為大量開班收生,一班有10人以上,而且老師要同時教授數十班學生,所以好少會為學生批改練習。受歡迎嘅導師甚至會開設見唔到本人嘅視像班,學生就算有問題想問,亦冇機會向老師發問。

如果希望老師因材施教,咁就應該揀一對一教學嘅私人補習喇!老師可完全按照學生嘅需要同弱點指導。如果有不明之處亦可以自由向老師發問,講解到學生清楚明白為止。

 

3)課堂彈性:固定課程 Vs 針對性

補習學校通常都編排好固定嘅課程,又提供豐富嘅教學資源,好似筆記、模擬試題練習同CD光碟,但萬一跟唔上進度,補習班老師因為要顧及其他學生需要,好難為個別學生調整進度。

至於私人補習就比較有彈性,老師可隨時按學生能力調整教學進度。除咗考試技巧外,學生亦可要求老師針對自己嘅弱項教導,譬如寫作、讀解同會話等不同範疇。

 

溫馨提示:我哋平台除咗有一般補習老師之外,仲可以幫你搵到不同科目嘅補習老師,多達40個科目類別,包括:中文補習英文補習數學補習通識教育補習等等。即上HelloToby搵搵!

搜尋各科補習老師

 

4)時間地點自由度

大型補習社通常喺港九新界都設有分校,亦有大量上課時間選擇,非常方便。不過如果因私事要調堂嘅話,就比較麻煩,因為要視乎課堂仲有冇空位而定,未必能成功調到進程相若嘅課堂分,部分學校更會收取手續費添!

相反,私人補習就更靈活彈性,無論係補習地點同時間都可以自由選擇,就算因事上唔到堂都只需同老師商議就得,簡單直接得多。

 

5)導師資歷:名校優材生 Vs 不問成績出身

所謂名師出高徒,唔少家長都想搵個成績優異學歷高嘅老師,希望子女喺耳濡目染之下取得好成績。所以坊間好多補習學校都標榜有多位名校出身、公開試奪A嘅導師指導,令唔少家長趨之若騖。

不過其實就算係私人補習導師,都一樣有唔少高學歷而經驗豐富嘅老師。此外,如果你只需老師替子女檢查家課、溫習背生字嘅話,咁就可以請普通嘅補習老師幫手,以節省開支。

 

即刻想幫仔女搵番個補習老師?我哋平台可以幫你搵到不同科目嘅補習老師!

即搵補習老師

你本身係補習老師,都可以上HelloToby免費登記做服務專家,搵更多學生!

馬上登記做補習專家

——

相關閱讀:【家長必讀】10大有助子女升學的 興趣班

相關閱讀:【 海外升學 攻略】考TOEFL定IELTS?報考外國大學必知6大入學試

緊貼HelloToby BlogFacebook Page,隨時搵HelloToby幫手!

Leave a Reply

Your email address will not be published. Required fields are marked *