搬屋執野 好頭痛？餐具碗碟、易碎品究竟要點樣 Pack箱 ？ 搬屋紙箱 應該點分配？ 衣櫃組合床 可以點分拆同組裝？點樣同 搬屋公司 交代新傢俬擺邊？媽啊， 自己搬屋 好煩啊！ 搬屋Pack箱 、 包裝雜物 其實無你諗到咁難嘅。雖然搬屋前準備功夫有有好多，不過只要你識得 搬屋執野技巧 ，三兩下手勢就可以KO曬。 HelloToby 今次就邀請到 東亞搬運 同我哋分享下 搬屋貼士 ，等大家個個都變成 Pack嘢達人 ！
1） 搬電視 、 雜物 — 搬屋紙箱 未必需要
大家 搬屋收拾 嘅時候，習慣會將全屋嘅野塞曬落紙箱，但有啲電器、大型雜物其實係唔需要 Pack箱 ！
如果係 Plasma 或 LCD電視機 ，只要喺搬屋前預先拔除所有電綫，師傅就會幫你用紙皮包裝，最後放喺 搬屋膠箱 、搬屋紙箱 箱頂。其他電器都係一樣嘅道理，唯獨是要記得將拔除的電綫，捲好、用膠紙黏好之後 Pack箱 ，以免遺漏。
大型雜物都一樣唔駛用 搬屋紙箱 。你只需要將佢地放埋一邊，用紅白藍袋或其它方法裝好，師傅就會用雜物車搬走。
不過小型喇叭就需要用到紙箱啦， Hi-Fi 嘅嘢，你明嘅啦……記得要先用氣泡紙包裝好先入箱，避免被其它雜物砸壞。
執屋 發現好多嘢唔需要帶去新地方，但想儲存起身？其實你可以考慮下 迷你倉 、 迷你箱 等 倉存服務 ！ HelloToby 特別準備咗 迷你倉價錢攻略 同迷你倉嘅相關資訊，俾你做參考，快啲睇下啦！
2） 廚具、易碎餐具 — 泡泡紙 密實包裝
碗碗碟碟點Pack好？ 搬屋Pack箱 最驚就係易碎品，你可以用 氣泡紙 減低搬運過程中砸碎嘅機會！ 搬運公司 一般都會提供泡泡紙，不過 東亞搬屋公司 就會特別提供專用碟架、墊底棉、碗袋、 杯袋、調味架等俾你，包裝好易碎嘅厨房用具先放入紙箱。
至於厨房大部分器具， 搬屋公司 都有專用嘅紙皮用具盛載，你只需要係搬屋嘅時候向搬屋公司索取就可以。而大型煮食用具，譬如煲、鑊等器具就可以喺搬屋當日先再放入大紙箱。
至於雪櫃裏面嘅野就唔駛全部入箱，只係執好生果格對上三、四層就可以，櫃門、冰格、生果格嘅食物唔需要特別處理，成個雪櫃直接Pack走就可以。
3） 搬屋紙箱 — 記得用貼紙做好分類
執屋 執到一半，成間屋都放滿一式一樣嘅紙箱，連自己都未必認得，更何況係 搬屋公司 。 專業嘅 搬運公司 會提供專用嘅貼紙俾你做標籤、分類，到 Unpack 執野 嘅時候就唔洗又大頭痛啦！如果你聘用嘅搬屋公司無提供嘅話，你都可以用 Marker筆 寫係紙箱表面，方便自己辨認。
東亞搬運公司 嘅分類貼紙分爲「廳」、「厠所」、「房」三類，方便你比 搬運師傅 知道每個紙箱應該放邊度。注意貼紙要貼喺箱面正上方，唔好貼側面，因爲紙箱一叠起就有機會遮住架啦。
另外， 部分公司會提供「物件到達新居後確認單」，即係我哋俗稱嘅 搬屋Checklist ，同相應嘅號數貼紙方便你mark箱，減少唔見野嘅機會。到達新居後，你可以要求師傅幫手核對每個號數嘅物件係咪全部安全到達。
仲有一個省卻搬運時間嘅貼士，就係將Pack好嘅紙箱放埋一齊。由於師傅一般會搬左紙箱、膠袋先，如果將佢地放埋一齊，就可以省卻師傅逐間房揾嘅時間啦。
Unpack 執野 想要更加有條理，順便再做一次 斷舍離 ，釋放空間？ HelloToby 為你準備咗收納秘笈，幫你成為收納達人！
4） 床頭櫃 、 鞋櫃 、 書櫃 點執？ — 必知 搬屋貼士
搬屋Pack野 好多人以爲一定要清曬櫃裏面所有野出黎，但其實唔一定！
細櫃裏面嘅野唔駛全部拎出黎，好似 床頭櫃 、 鞋櫃 、 五桶櫃衣櫃 等都可以唔駛清，直接成個Pack走。
但高於 6尺嘅櫃，譬如 書櫃 、 地櫃 、 衣櫃 等，因爲上到 貨van 要打側放，以免裡面嘅物品傾倒而出，所以要清理左先。最好喺搬運前同 搬運公司 查詢貨櫃尺寸，瞭解規格係點樣先再作安排。
另外，如果搬去某啲唐樓、村屋、複式單位或者有樓梯嘅單位，就要將櫃裏面嘅物品入箱，以免在上下樓梯搬運過程中傾倒當中物品。
5） 清理傢俬垃圾 — 切記清晰標識
搬運當日， 搬運工人 未必個個都有一份 搬屋Checklist 對住，未必清楚邊啲傢俬要搬上貨車、邊啲係唔要，所以你可以善用「垃圾」同「留低」貼紙貼喺傢俬上面，或者直接用 Marker筆 標記，咁就唔怕撈亂啦。另外，更加直接嘅就係，放係另一邊，以免混淆。
唔知上面嘅 搬屋Pack箱 貼士有無幫到你呢？其實想要成個搬運過程，順心又放心，最緊要嘅都係選擇一間專業又可靠嘅搬運公司！想搵一間心儀嘅 搬運公司 ？ HelloToby 幫到你！
你係 搬運專家 ，想加入 HelloToby 平台搵新客戶？
——
緊貼HelloToby Blog同Facebook Page，隨時搵HelloToby幫手！
