香港地少人多，房屋單位愈住愈細，有時屋企多咗幾件雜物就冇位擺，好在而家市面上有唔少 迷你倉 同 迷你箱 服務，可以幫助大家處理到儲存空間不足嘅問題。之不過， 迷你倉 同 迷你箱 到底有乜唔同？邊項服務比較適合你？等HelloToby為你分析一下！
1）比儲存空間： 迷你倉 較大較寛闊
市面上嘅 迷你倉 主要可分為大、中、小3種Size，儲存空間最細由8平方呎至30方平方呎不等，最大嘅有成70平方呎至120平方呎，即相等於小客房甚至客廳嘅面積，適合擺放雪櫃、沙發、櫃等大型傢俬、大型電器同器材等物件。如果你想存放嘅物品以家居雜物（如衣物、書、收藏品）為多，就唔需要咁大嘅存放空間，可能2至3個儲存箱已夠放晒所有物品。
2）比收費： 迷你箱 較平較靈活
迷你倉嘅儲放空間較大，價錢自然比迷你箱貴。一般小型倉嘅每月收費為$500起，中型倉就$800至$1,000左右，大型倉就約$1,500起。換言之，就算你只儲放2箱雜物，最低消費都要$500（但你其實用唔晒整個空間，變相俾多咗錢）。
相比之下，迷你箱就比較划算，月費係按你租用嘅儲存箱數量計算，譬如文件箱就約$30，儲物膠箱就約$50，掛衣箱就約$90，如果淨係放個行李箱或者嬰兒車，單件$70左右。你用幾多就俾幾多，咁就唔怕晒錢啦！
3）比安全性：迷你箱 失竊機會較低
大部分迷你倉同迷你箱公司都設有保安系統，如24小時閉路電視同拍卡系統，不過好多迷你倉公司都會提供24小時自由出入服務，方便顧客存取物品，但咁亦表示每日有好多人出入倉庫，可能增加失竊機會。而迷你箱公司大多都只限員工進出，保安程度更令人放心。
此外，迷你箱公司一般不設室內間隔，又會配備防火警鐘、自動灑水系統同消防喉轆等消防設備，做足防火措施。 反而唔少迷你倉設於舊式工廈，冇安裝自動灑水系統等防火設備，再加上密集式間隔令通道變窄，如果不幸發生火災，消防員就好難及時撲滅。
特別優惠：【 HelloToby x Boxful 】：首2個月免費儲存
4）比服務保障：迷你箱 如有損失有得賠
如果儲放物品有損毀，有冇得賠係唔少人都關注嘅問題。現時好多迷你倉都唔會為客戶投保，而且合約亦會寫明存放物品有乜損失，公司都概不負責。此外，平時租用迷你倉，公司都唔會叫客戶申報存放物品，萬一有乜事上嚟就好難追討賠償。
反觀迷你箱公司大多會為儲放物品投保（包括火險同水險），無論係收取物件時、運送途中定儲存期間物件出現損壞，都有得賠償，加上客人可以為儲放物品拍照記錄方便管理，咁可以將損失減到最低。
5）比方便度：迷你箱 專人運送服務
使用儲存服務仲有一樣嘢好緊要，就係點搬啲物品去倉庫喇！傳統迷你倉公司可為客戶提供額外收費嘅搬運服務，當然你亦可以自己搵搬運公司幫你啦！
不過如果你連搵搬運公司都懶嘅話，咁迷你箱服務就好啱你喇！好多迷你箱公司都有上門服務，派專人運送同回收儲物箱，如果想取回某件儲咗入倉嘅物品，都唔使自已親自去倉庫拎，網上Click一Click，就會有專人將物品送上門。
簡單嚟講，如果你要存放好多大型傢具、電器或器材，就應該租用迷你倉。有部分迷你倉更特設紅酒倉、單車倉，如果你想存放呢類特定物品，咁迷你倉就比較適合。
相反，儲放物品唔多嘅一般用戶，其實用迷你箱都已夠晒，而且仲可以按你實際需要同儲存箱數量收費，預算就更靈活有彈性！
揾緊迷你倉？立即上我哋嘅平台揾存儲迷你倉服務啦！我哋嘅平台仲可以幫你揾埋搬屋服務嘅報價！如果想瞭解更多服務，即上我哋嘅免費平台啦！
特別優惠：【 HelloToby x Boxful 】：首2個月免費儲存
——
延伸閱讀：搵 室內設計 5大注意事項 + 價格預算
緊貼HelloToby Blog同Facebook Page，隨時搵 #AskToby 幫手！
