【搵工必讀】見工大忌!應徵 面試 10大扣分位

面試 係搵工過程中最重要嘅一環,亦係你向僱主展現能力、個性同處事態度嘅好機會。不過無論你學歷有幾好、工作經驗有幾豐富都好,如果你在 面試 時犯咗一啲錯誤,就會俾HR大扣分,甚至即被Foul出局!HelloToby 總結咗以下10大面試扣分位,Fresh Grad 搵工 定 跳槽轉工嘅朋友要留意!

1)面試遲到

見工早5至10分鐘到場是常識吧! 面試 遲到反映你個人冇時間觀念,留下唔好嘅印象,如果真係遇到有突發事件,最少通知HR一聲提早備案。

面試遲到, 遲到

2)唔做Research 見工零準備

工作面試最忌就係唔做下Research,對公司嘅業務或者工作職位一無所知,連最基本嘅自我介紹都講唔好。面試準備前,最好花啲時間上網查下公司嘅資料同最新消息,亦要準備下常見問題嘅答案,以免被面試官問到口啞啞。

3)太多小動作

適當嘅肢體語言可以幫助你表達自已,但好似撥頭髮、雙臂交叉抱胸、抖腳或者咬手指呢類小動作,好容易令人覺得你態度散漫或者唔專業,造成負面印象,這類面試注意事項一定要戒!

4)冇眼神接觸

面試自我介紹期間或回答面試官問題時,記得要同對方保持眼神接觸,唔望對方只會令人覺得你冇自信冇禮貌,就算答面試問題答得幾好都冇用。

面試,

5)面試衣著不當

面試衣著好睇工種同職位,一般情況下穿著乾淨整齊嘅恤衫西裝最穩陣。如果係應徵設計師呢類較自由嘅工作,就可以Casual少少,但千祈唔好著牛記踢拖又或者著得太烏搲!

即刻註冊成為平面設計師

6)吹水唔抹嘴

面試想表現自已,係人之常情,但唔代表你應該講大話或者誇大自已嘅能力同履歷。有經歷嘅面試官一聽便知龍與鳳,俾人發現你講大話絕對會即時被「叮」走。只要見工準備好,加上見工面試技巧,正正常常回答 HR interview 問題即可。

7)不停玩手機

等待面試期間、見工時間幾無聊都好,都唔好玩手機不停Send Message,否則其他人只會覺得你唔在乎呢份工作。此外,面試盡量熄咗手機,又或者校靜音以免干擾面試。

面試見工, 面試玩電話

8)態度負面消極

任何僱主都鍾意積極樂觀嘅員工,事事只諗到最差結果或者冇自信,都係見工面試大忌。另外,表現自負、見高拜見低踩、數落前公司之類嘅行為都要避免。

9)插咀太強勢

表現主動自信係好,但面試官講嘢時插嘴係非常冇禮貌嘅事。就算係小組面試都千祈唔好不斷搶發言權,或者一聽到相反意見就反駁,咁只會顯得你難與他人溝通相處,而且冇團體意識。

面試大忌, 見工大忌, 小組面試

10)冇問題問 / 問爛問題

去到面試尾聲,面試官十之八九都會問應徵者:「你有冇乜嘢問題想問?」如果你答冇,咁就真係太傻!呢個係你展現對呢份工作有熱誠嘅好機會,不妨利用面試提問技巧,問下有關職位嘅詳細職責或者公司嘅發展計劃,話唔定可以加深考官印象機會!不過如果真係諗唔到問題,答冇都總好過問:「平時幾點收工?使唔使OT?」呢類爛問題嘅。

 

自問條件唔差,又冇犯以上錯誤,但都係成日喺面試失敗而回?唔緊要,立即上我哋嘅平台搵面試專家幫你,祝你見工成功啦!

即搵面試訓練專家

面試機會唔多?,係咪份CV寫得夠唔夠好呢?不如即上我哋嘅平台搵CV編緝專家幫幫你啦!

即搵履歷編輯

相關閱讀:【搵工必讀】優化 履歷 攻略:10大CV常犯錯誤

你好有HR經驗?你都可以加入我哋平台成為履歷、面試專家,幫人搵份好工。

立即登記

——

延伸閱讀:【 Fresh Grad 人工有幾高?】2017入行起薪點最高10大職位

延伸閱讀:助你升職加薪轉好工的6大 進修課程

緊貼HelloToby BlogFacebook Page,隨時搵 #AskToby 幫手!

Leave a Reply

Your email address will not be published. Required fields are marked *