大學畢業 之後，隨之而黎嘅係 搵工 、 求職 、 面試 等嘅問題。 畢業搵咩工 ？應該係無數 Fresh Grad 心裡面嘅疑問。 勞工市場 提供嘅工種看似無窮，但實際適合自己嘅真係十指可數。有唔少 Headhunter 話， Fresh Grad第一份工 好重要，因為會影響之後嘅 Career Path ，無開個好頭，會影響 畢業新人 嘅能力培養同未來發展。 Abbey 同 Natalie 係 應屆大學畢業生 ，經歷風風雨雨，最後遇上 HelloToby ，成為呢個大家庭嘅一員！不如就等佢地講下 畢業搵工 嘅經歷 同心得，另外都分享下究竟 HelloToby 係一個點樣嘅地方啦！
畢業搵工 經歷
HelloToby ：不如自我介紹下你哋兩個？
Abbey : 我好鍾意笑，一唔小心就會諗鍾咗低能野，但恰好咁嘅性格令我樂觀面對事情，而且有我拍檔 Natalie 一齊做嘢，返工返得好開心！
Natalie ：我都係樂觀小子嚟嘅，鍾意講鍾嘢同紮紮跳，係好多活力嘅人。
HelloToby ： 大學畢業 之後，其實對於未來工作有咩諗法？
Abbey : 講真，都真係無咩特別諗法，始終讀書同做嘢係兩件事。自己鐘意唔代表做落去真係啱自己，其實都真係諗住搵份自己有興趣，俾幾年時間自己 Explore 下，再真正決定未來嘅 Career Path。可能係我唔夠了解自己掛，身邊有啲 應屆畢業生 畢業前已經有 Offer ，覺得佢地好厲害。
Natalie ：我都同 Abbey 差唔多，其實都係諗住一開始都係用作探索前路。我知好多 Headhunter 話要肯定自己嘅 職業生涯路向 ，不過要我廿幾歲諗定之後幾十年嘅路，我做唔到……我又覺得 既來之則安之 ，做下做下就會知道自己想點啦，其實諗咁多都無用，畢竟「 想和做 」嘛。
HelloToby ： 好多人話 畢業搵工難 ，其實 畢業生搵工 有幾難 ？
Abbey : 呵呵……睇下你點睇啦……搵工就唔難嘅，最難係搵份好工。就咁係網上睇 Job AD ，跟住 Send CV ，個心都真係好無底。試過收到 Interview ，但係去到嘅時候發現同 Job AD 講嘅完全唔一樣，有啲 面試 嘅時候就已經feel到唔對路。不過我覺得其實最大嘅壓力係來自自己同屋企， 大學畢業 之後就真係變咗 無業遊民 ，所以 畢業 即 失業 。日日係度等 Email Reply 、 等電話 、 等 Interview ，真係好辛苦。耐咗就覺得係唔係真係自己咁差無人要……
Natalie ：其實都真係有種大海撈針嘅感覺。每日起身就開始 Send CV ，食個飯就繼續 Send ，日日都係咁 Loop 。去到最後都唔記得自己 Send 咗邊啲公司， HR 打電話過黎 約Interview 嘅時候，我自己都一嚿雲，尷尬到爆。當時粗略估計我都真係Send咗差唔多一百張CV，最後好似都剩係得十幾個Interview。而且最麻煩嘅係，好多工都話要有相關經驗，我 Fresh Grad 得個學位，咩都無，平時嘅 Part Time 、 Internship 經驗 HR 又唔會特別睇，所以都幾無奈。
HelloToby ： 好多人都話依家嘅 Fresh Grad 眼角高 、 要求高 先搵唔到工，你哋點睇？
Abbey : 咁你有幾多料，就開幾多價嘅啦。人工我覺得中規中矩合理就OK啦。出面都成日講 大學生15K ，我又覺得一份工要睇好多嘢，例如 工作待遇 、 公司文化 、 福利 、 升遷機會 、有無嘢學。人工剩係其中一部分，如果其他方面係 Jeng 嘅，我又覺得低少少無所謂。但真係低少少好啦，我要 俾家用 ……
Natalie ：雖然咁講好衰，但出面真係有好多公司壓畢業生價。有收過一個Offer係開四位數字人工，咩配套都無，原因就係你係 Fresh Graduate ， Green 啊，所以四位數人工就夠。我當時真心無言……同埋，寫 Expected Salary都預咗開高嘅啦，因為 HR 一定 壓價 ，基本 博弈 。每個人都想自己越過越好嘅啦，你唔會期待請一個無要求無追求的人吧？
見工 Tips
HelloToby ：不如分享一下 見工心得 ？
Abbey : 其實黎黎去去都係嗰啲。最重要嘅係心態上的調整。無錯，大家的確係 Fresh Graduate ，不過要記住依家係搵緊 全職工作 ，唔係搵 Part Time 或者 Intern ，對於面試嘅準備同態度係要完全唔一樣。最基本要清楚理解公司背景同業務，因為 HR 一定會問。如果連呢條入門問題都答唔到，連自己未來要工作嘅公司一啲認識都冇，是問人哋又點會請你呢？無錯，要好多時間去做準備。但你要知道你依家係搵緊工，無人會再當你係學生、細路，唔會Hea下Hea下就可以Pass。
Natalie ：我點都叫做 Interview 過十幾次，都可以做個分析俾個意見嘅。其實出面面試問嘅問題真係黎黎去去都差唔多，你去Search下啲 面試問題 ，做下準備，無 5成 都有 6成 會中，例如 優點弱點 、 個人成就 、 技能能力 、 工作經歷 。真心面試唔洗咁驚，你當係練習就得。另外，做自己啦，唔好下下都扮到自己咩都得咩都OK，到時真係傾咗你，發現你咩都唔OK，嗰時就真係唔知點算啦。
加入 HelloToby
HelloToby ：你哋講下點解入HelloToby？
Abbey ：畢業後搵第一份工想試啲有挑戰性嘅工，首選係 Startup ，而面試時覺得 HelloToby 嘅人都好Friendly，趁自己年輕應該作出一啲新嘗試。
Natalie ：因為喺 Intern 嘅時候有接觸過 Startup ，覺得 Startup 嘅工作氣氛好適合我。喺面試既時候，已經感覺到 HelloToby 好有團隊精神，而且同事關係好似一個大家庭，所以好開心能夠加入 HelloToby 大家庭。
HelloToby ：你覺得喺 HelloToby 學到乜？
Natalie ：我哋現階段學緊 Business Development 、 Marketing 、 Operation 、 Search Engine Marketing （ SEM ），未來公司會教埋我哋 Coding 嘅知識，所以好開心公司畀好多機會我哋！
Abbey ：我都有同感。因為我同 Natalie 喺大學時係讀政治， Business 嘅知識好少，除咗學識點樣 Run Business 之外，仲學多咗新嘅思考模式 、 Search Engine Optimization （ SEO ），睇事情會多咗角度。
HelloToby ：講一下工作上既挑戰？
Abbey ：我覺得 Startup 開始時較少基礎，好多嘢要自己建立同應對，對於新人嚟講都係挑戰。不過另一方面都有空間自由發揮，唔似傳統大公司咁刻板，可以揀自己舒適嘅方法做事！
Natalie ：最大嘅挑戰莫過於搵Suppliers啦！一開始唔識包裝好容易食閉門羹，但跌得多就識點令陌生人對我哋嘅產品產生興趣，每日多咗人登記成為專家，真係好滿足！
HelloToby ：有乜嘢想同加入HelloToby嘅人講？
Abbey ：嗯，勇於表達自己嘅想法， Easygoing 啲就可以啦！另外，我覺得除咗學習工作上嘅技能，都學下點做一個 Considerate 嘅同事，令身邊人喺創業環境下冇咁大壓力。
Natalie ：我覺得 HelloToby 好講求 Team Spirit ，最重要係 Friendly ，其次係一個多 Idea 嘅人，咁做起事嚟就事半功倍啦！
搵工面試唔洗怕， HelloToby 履歷編輯 、 面試訓練 專家幫到你 ！
你可以提供 履歷編輯 、 面試訓練 ？即上 HelloToby 免費登記搵更多生意啦！
——
延伸閱讀：【大學畢業 起薪點 低？】5大最有「錢」途大學主修科2017
緊貼HelloToby Blog同Facebook Page，隨時搵HelloToby幫手！
