【隨時隨地學外語】嚴選5大免費 自學外語 App

學外語並唔係一朝一夕嘅事,而係要經過長時間學習同反覆温習,至可以全面地掌握一種語言。不過香港人生活繁忙,好難安排時間定期上語言班。不過唔緊要!而家有唔少App都係專為學外語而設計,提供大量免費嘅學習資源,大家可以趁返工放學呢啲空檔溫下書,輕鬆 自學外語 。HelloToby就揀咗5款方便又實用嘅學外語App介紹俾大家!

 

1)50 Languages

下載:iTunes / Google Play

50 Languaes提供英語、南非語、阿拉伯語、荷蘭語、法語等50多種語言嘅基本詞匯課程,內容圍繞自我介紹、家庭、學校、旅行等100個主題,仲附埋發音音頻,平時搭車排隊嘅空檔就可以一路聽一路學外語嘞!呢個App仲設計咗選擇題、填充題、重組句子等唔同類型嘅小測驗,俾你評估番自己嘅學習成果。

 

2)Rosetta Stone

下載:iTunes / Google Play

Rosetta Stone一共提供24種語言嘅學習資源,包括文法、詞彙、發音等練習。同其他App相比,Rosetta Stone嘅版面較精美,而且有更多額外功能,譬如發音練習有錄音功能,你可以跟住音頻發音,個App會即時比較話你知讀得準唔準。不過只有初階課程至係免費,如果你仲想繼續學落去就要自掏腰包購買其餘課程。

 

3)Bravolol

下載:iTunes / Google Play

Bravolol提供英語、日語、法語、印尼語等18種語言嘅Phrasebook同字典App,其中Phrasebook收錄咗超過800句常用嘅單字同短句,幫你快速掌握基本日常會話。呢個App亦附有正宗發音音頻,又設有錄音功能,方便你錄低自己嘅發音作比較。

 

4)Tandem

下載:iTunes / Google Play

Tandem係專幫你搵母語者作語言交換嘅App。你只要選擇想學嘅語言同你本身嘅母語,個App就會自動幫你配對適合嘅人選。你哋可以透過文字訊息、音頻通話,甚至視頻聊天進行交流,如果有任何錯處,對方都可以幫你修改更正。除咗可以提升外語表達能力外,仲有機會識到外國朋友添!

 

5. Innovative Language 101

下載:iTunes / Google Play

Innovative Language 101一共有34種語言供你選擇,每個禮拜都可以免費獲取由老師真人授課嘅音頻同視頻課程,內容包括日常生活會話、文化知識同而下載時你可以免費獲得7日高級試用權限,瀏覧所有語言課程嘅內容。如果試用期後想繼續享受高級會員權限,就要支付約US$8 – $25嘅月費。

 

雖然唔少App都有提供各種語言課程同學習資源,但始終只係輔助性質,涉及範圍有限。要真正掌握一門外語,搵一個好老師為你深入講解語言文法、詞彙同文法等知識,解答疑難就好重要!立即上HelloToby嘅免費平台,尋找最適合你嘅私人導師啦。你只要回答幾個簡單問題(如本身外語程度、上課日子同時間等)就可以取得語言導師嘅報價!

即搵外語導師

HelloToby提供多種外語選擇,如法文班德文班韓文班西班牙文班意大利文班日文班等等。當然唔少得英文班普通話班啦!

你本身係外語導師,馬上加入HelloToby服務專家嘅行列,搵新客戶啦!

免費註冊成為專家

——

延伸閱讀:【語言課程】10大 自學外語 網站推介

延伸閱讀:【 韓文班 攻略】學韓文的4大基本途徑

緊貼HelloToby BlogFacebook Page,隨時搵HelloToby幫手!

 

Leave a Reply

Your email address will not be published. Required fields are marked *